علامہ راجہ ناصر عباس کی اسلام آباد کچہری دھماکہ کی شدید مذمت
اشاعت کی تاریخ: 11th, November 2025 GMT
سربراہ ایم ڈبلیو ایم کا کہنا تھا کہ حکومت اقتدار بچانے میں مصروف ہے، عوام کی جان و مال غیر محفوظ ہے۔ طاقت کے حصول کی یہ جنگ ملک کی بنیادوں کو ہلا رہی ہے۔ حکومت عوام کو دہشتگردوں کے رحم و کرم پر چھوڑ چکی ہے۔ اسلام ٹائمز۔ مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے اسلام آباد کچہری دھماکے کی شدید مذمت کرتے ہوئے کہا ہے کہ حکومت اقتدار بچانے میں مصروف ہے، عوام کی جان و مال غیر محفوظ ہے۔ طاقت کے حصول کی یہ جنگ ملک کی بنیادوں کو ہلا رہی ہے۔ حکومت عوام کو دہشتگردوں کے رحم و کرم پر چھوڑ چکی ہے، شہری عدم تحفظ کا شکار ہیں۔ اپنے ایک بیان میں انہوں نے کہا کہ وفاقی دارالحکومت میں اہم مقام پر دھماکے نے حکومتی سیکورٹی ترجیحات پر سوالیہ نشان اٹھا دیے ہیں۔ وزیر داخلہ صاحب اگر اپنی ہی شہریوں پر ظلم کرنے سے کچھ فرصت مل جائے تو اسلام آباد کی طرف بھی نظر کر لیں۔ معصوم شہریوں کو نشانہ بنانا بزدلانہ اور قابلِ مذمت عمل ہے۔ انہوں نے مزید کہا کہ ریاستی ادارے دہشتگردی کے خاتمے کے لیے مؤثر حکمتِ عملی بنانے میں ناکام نظر آتے ہیں۔ قومی سلامتی کے نظام کو ازسرِنو تشکیل دینے کی ضرورت ہے، شہداء کے لواحقین سے اظہارِ تعزیت اور زخمیوں کی جلد صحت یابی کے لیے دعاگو ہیں۔
.
ذریعہ
ذریعہ: Islam Times
پڑھیں:
مردان: 3 افراد کو قتل کرنیوالے ملزمان انکے 2 بچے چارسدہ روڈ پر چھوڑ کر فرار
— فائل فوٹومردان میں اغوا کیے گئے دو بچوں کو ملزمان چارسدہ روڈ پر چھوڑ کر فرار ہو گئے۔
پولیس کے مطابق ملزمان نے گزشتہ روز شیخ ملتون میں خاتون سمیت 3 افراد کو قتل کیا تھا۔
فرار ملزمان کی تلاش کے لیے پولیس کی کوششیں جاری ہیں۔
ملزمان مقتولین کے دو بچے اور گاڑی بھی ساتھ لے گئے تھے۔
پولیس کی جانب سے اس کیس کی مزید تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ