سیہون شریف میں مسافر کوچ الٹ گئی؛ 2 مسافر جاں بحق، 20 سے زائد زخمی
اشاعت کی تاریخ: 28th, June 2025 GMT
سٹی 42 : سیہون شریف میں انڈس ہائی وے روڈ آمری کے مقام پر مسافر کوچ الٹ گئی۔
پولیس کے مطابق حادثے میں 2 مسافر جاں بحق ہوگئے ، جبکہ 20 سے زائد مسافر زخمی ہوئے ہیں، جنہیں ریسکیو 1122 ٹیموں نے سید عبداللہ شاہ انسٹیٹیوٹ آف میڈیکل سائنسز سیہون منتقل کردیا ہے۔
پولیس نے بتایا کہ مسافر کوچ لاڑکانہ سے کراچی کی طرف جارہی تھی، اسی دوران مسافر کوچ ٹائی راڈ ٹوٹنے سے حادثے کا شکار بنی ۔ حادثے میں جاں بحق افراد کی شناخت کوچ ڈرائیور دھنی بخش اور یارمحمد کے نام سے ہوئی ہے، جبکہ زخمیوں میں نادیہ، دعا، عمران، سردار چانڈیو، سمیت دیگر شامل ہیں ۔
مخصوص نشستوں کی بحالی کا فیصلہ؛ کس پارٹی کو کیا ملا
.ذریعہ: City 42
کلیدی لفظ: مسافر کوچ
پڑھیں:
پنجاب: بارشوں کے باعث مختلف حادثات میں 5 اموات، 25 افراد زخمی
---فائل فوٹوصوبۂ پنجاب میں بارشوں کے باعث مختلف حادثات میں 3 بچیوں سمیت 5 افراد جاں بحق جبکہ 25 سے زائد افراد زخمی ہوگئے۔
پنجاب کے مختلف علاقوں میں گزشتہ رات سے جاری مون سون کی پہلی بارش سے درجۂ حرارت میں واضح کمی آ گئی ہے اور موسم سہانا ہونے کے ساتھ ساتھ ٹھنڈی ہوائیں چلنے سے حبس کا بھی خاتمہ ہوگیا۔
دوسری جانب ریسکیو کے حکام کے مطابق چھتیں گرنے سمیت دیگر واقعات میں 5 افراد جاں بحق اور 25 سے زائد افراد زخمی ہوچکے ہیں۔
قصور کے موضع کوٹ پیراں میں چھت گرنے سے 2 بہنیں، 8 سالہ ارفع اور 4 سالہ فروا جاں بحق ہوگئی۔
پنجاب کے ریسکیو حکام کے مطابق اوکاڑہ میں بستی ریاض آباد میں چھت گرنے سے 5 سال کی دعا فاطمہ جاں بحق جبکہ آسمانی بجلی گرنے سے ایک شخص زخمی ہوگیا۔
شہر جہلم اور سوہاوہ میں ایک شخص برساتی نالے میں ڈوب گیا جبکہ 2 زخمی افراد کے بہہ جانے پر سرچ آپریشن جاری ہے۔
ترجمان ریسکیو کے مطابق دیپالپور میں ایک شخص جبکہ شیخ بستی میں چھت گرنے سے ایک لڑکی زخمی ہو گئی۔
اسی طرح جڑانوالہ 240 موڑ کے علاقے میں چھت گرنے سے ایک شخص، ساہیوال کے نواحی گاؤں میں 2 افراد، قصور، کوٹ پیراں اور تلونڈی میں چھت گرنے سے 2 افراد جبکہ لاہور بابو صابو میں ٹریفک حادثے میں ایک شخص زخمی ہو گیا۔
ریسکیو کے ترجمان کے مطابق منڈی بہاؤالدین اور ملکوال میں 2 بچے کرنٹ لگنے سے زخمی ہو گئے۔
وزیرِ اعلیٰ پنجاب کا لاہور کے مختلف علاقوں کا دورہدوسری جانب وزیرِ اعلیٰ پنجاب مریم نواز نے بارش کے دوران لاہور کے مختلف علاقوں کا دورہ کیا ہے اور بارش سے شہر کی صورت حال کا جائزہ لیا۔
وزیراعلیٰ پنجاب نے بارش کے پانی کی بروقت نکاسی پر اطمینان کا اظہار کیا ہے۔
ترجمان پی ڈی ایم اے کا بیاندوسری جانب ترجمان پی ڈی ایم اے پنجاب کے مطابق فیصل آباد میں اب تک سب سے زیادہ 98 ملی میٹر بارش ریکارڈ کی گئی۔ قصور میں 63، لاہور میں 58، شیخوپورہ 50، جوہرآباد 48، سرگودھا 45، چکوال 28، چنیوٹ 22، راولپنڈی 18، نارووال 17، اٹک 12 جبکہ گجرات اور میانوالی میں 10/10 ملی میٹر بارش ہوئی۔
اُدھر قصور، ننکانہ، پھولنگر اور چونیاں سمیت دیگر شہروں میں سڑکیں اور گلیاں ندی نالوں کا منظر پیش کرنے لگیں ہیں۔
ریسکو حکام کے مطابق بارش کے دوران کئی علاقوں کے فیڈرز ٹرپ کر گئے، بارش رکتے ہی بجلی کی بحالی کا کام شروع کر دیا جائے گا۔
پی ڈی ایم اے پنجاب کے ترجمان کا کہنا ہے کہ مون سون بارشوں کا موجودہ سلسلہ یکم جولائی تک جاری رہے گا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی