مشہور اطالوی برینڈ نے ’لیدر سینڈل‘ کا ڈیزائن کہاں سے چُرایا؟ بھید کھل گیا
اشاعت کی تاریخ: 29th, June 2025 GMT
اطالوی فیشن ہاؤس پرادا نے نئے سینڈل کے ڈیزائن کے حوالے سے سامنے آنے والے تنازع کے بعد تسلیم کیا ہے کہ اس کا ذریعہ قدیم ہندوستانی کولھا پوری چپلوں سے متاثر ہے۔ یہ چپلیں بارہویں صدی سے مہاراشٹر میں ہاتھ سے بنائی جاتی ہیں۔
ماہرین اور قانون سازوں کی جانب سے تنقید کے بعد’ پرادا‘ کے سی ایس آر سربراہ لورینزو برتیلی نے مہاراشٹر چیمبر آف کامرس کو لکھے گئے خط میں کہا:
’ہم تسلیم کرتے ہیں کہ یہ سینڈل، روایتی ہندوستانی دست ساز جوتوں سے متاثر ہیں، جن کی صدیوں پرانی وراثت ہے‘۔
یہ بھی پڑھیں:بلوچی چپل خوبصورت اور پائیدار، مانگ بیرون ملک تک جا پہنچی
یار رہے کہ گزشتہ دنوں ماڈلز نے میلانو میں منعقدہ فیشن شو میں کھلی انگلیوں والے ہتھکنڈہ دار چمڑے کے سینڈلز پہنے، جو کولھا پوری چپلوں سے مماثلت رکھتے تھے۔
ابتدائی طور پر ڈیزائن کو محض ’لیدر سینڈل‘ کے طور پر پیش کیا گیا، جس پر بھارتی فنکار اور سیاستدان سراپا احتجاج ہوئے ۔ سوشل میڈیا پر #KolhapuriChappals ٹرینڈ بن گیا ۔
’پرادا‘ نے تسلیم کیا ہے کہ وہ ہندوستانی کاریگروں کے ساتھ ’مفید تبادلے‘ اور تعاون کی خواہش رکھتا ہے، اور ضرورت پڑنے پر مستقبل میں مشترکہ ڈیزائن پر کام کرے گا ۔
اگرچہ تاحال ان سینڈلز کی فروخت کی تصدیق نہیں ہوئی، لیکن اس اقدام نے عالمی سطح پر روایتی دستکاری کی اہمیت کو اجاگر کیا ہے ۔
یہ واقعہ بین الاقوامی فیشن انڈسٹری میں ثقافتی شناخت اور اخلاقی حوالوں پر ہونے والی بحث کو ایک نیا موڑ دیتا ہے، اور بتاتا ہے کہ جب بڑے برانڈز غیر مغربی روایات سے متاثر ہوتے ہیں تو انہیں ان چیزوں کا ادراک اور احترام بھی کرنا چاہیے ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اطالوی برانڈ پرادا کولھا پوری چپل.ذریعہ: WE News
کلیدی لفظ: اطالوی برانڈ
پڑھیں:
لاہور سے کراچی جانے والی ٹرینوں کا شیڈول متاثر، شاہ حسین ایکسپریس منسوخ
سٹی42: کراچی جانے والی ٹرینوں کے شیڈول میں تاخیر اور تبدیلی کے باعث مسافروں کو مشکلات کا سامنا ہے۔ پاکستان ریلوے کے مطابق لاہور سے روانہ ہونے والی متعدد ٹرینیں تاخیر کا شکار ہوئیں جبکہ ایک ٹرین کو منسوخ کر دیا گیا ہے۔
متاثرہ ٹرینوں کی تفصیلات کے مطابق کراچی ایکسپریس لاہور سے 6 بجے روانگی تھی، مگر 45 منٹ کی تاخیر سے روانہ ہوئی۔ملت ایکسپریس فیصل آباد سے روانہ ہونے والی یہ ٹرین 2 گھنٹے 25 منٹ تاخیر کا شکار ہوئی۔
شاہ حسین ایکسپریس لاہور سے کراچی جانے والی شاہ حسین ایکسپریس کو منسوخ کر دیا گیا ہے۔
منسوخ شدہ شاہ حسین ایکسپریس کے مسافروں کو آج رات گرین لائن ایکسپریس میں ایڈجسٹ کیا جائے گا، جو اپنے مقررہ وقت رات 8 بج کر 50 منٹ پر کراچی کے لیے روانہ ہوگی۔ریلوے حکام نے شاہ حسین ایکسپریس کے مسافروں کو ہدایت کی ہے کہ وہ روانگی سے کم از کم 1 گھنٹہ قبل ریلوے اسٹیشن پر پہنچ جائیں تاکہ ایڈجسٹمنٹ کا عمل بروقت مکمل کیا جا سکے۔
زرعی یونیورسٹی فیصل آباد میں ڈین تعیناتی کی درخواست پر فیصلہ محفوظ
عظمیٰ بخاری کا پی ٹی آئی احتجاج پر طنز، ‘ٹریفک کے ساتھ ویڈیو بنانے کے بجائے لاکھوں کارکن دکھاؤ’