حافظ نعیم پنجاب میں بیٹھ کر سندھ بلدیاتی نظام کو ٹارگٹ کر رہے ہیں: شرجیل میمن
اشاعت کی تاریخ: 29th, June 2025 GMT
کراچی(ڈیلی پاکستان آن لائن)سندھ کے سینئر وزیر شرجیل میمن نے جماعت اسلامی کے امیر حافظ نعیم کے بیان پر ردعمل دیتے ہوئے کہا کہ سیاسی منافقت کی انتہا ہے، پنجاب میں بیٹھ کر حافظ نعیم سندھ بلدیاتی نظام کو ٹارگٹ کر رہے ہیں حالانکہ بلدیاتی انتخابات پنجاب میں نہیں ہوئے۔
نجی ٹی وی آ ج نیوز کے مطابق جماعت اسلامی کے امیر حافظ نعیم کے بیان پر سینئر وزیر شرجیل انعام میمن نے ردعمل دیتے ہوئے کہا کہ لگتا ہے حافظ نعیم اب تک میئر نہ بن سکنے کے صدمے سے نہیں نکلے ہیں، سندھ میں بلدیاتی نظام اپنی آئینی حدود کے اندر کام کر رہا ہے، جماعت اسلامی کا کام عوام کو گمراہ کرنا ہے۔
شرجیل میمن نے کہا کہ اگر حافظ نعیم کو سندھ کے بلدیاتی نظام سے اتنا ہی مسئلہ ہے تو وہ پنجاب اور خیبرپختونخوا میں بھی اسی شد و مد سے آواز کیوں نہیں اٹھاتے، حافظ نعیم کی جانب سے اپنی سیاسی ناکامیوں کو چھپانے کے لیے حکومت سندھ پر الزامات لگانا مناسب نہیں۔
انہوں نے مزید کہا کہ حافظ نعیم شاید بھول رہے ہیں کہ پی ٹی آئی کے جن ممبران پر انہوں نے مقدمے قائم کیے تھے، انہوں نے حافظ نعیم کو ووٹ دینا پسند نہیں کیا۔ جماعت اسلامی کو کبھی عوام کے ووٹ سے کراچی کی میئرشپ نہیں ملی، ان کے دو میئر آمریت کے مرہون منت تھے۔
سندھ کے سینیئر وزیر نے کہا کہ جماعت والوں کو بھی اب تعمیری سیاست کرنی چاہیے، نفرت پر مبنی بیانات کے ذریعے عوام کو گمراہ نہ کریں۔
ترجمان سندھ حکومت سعدیہ جاوید نے امیر جماعت اسلامی حافظ نعیم الرحمان کے بیان پر ردعمل دیتے ہوئے کہا کہ حافظ نعیم امیر جماعت اسلامی ہوکر دھڑلے سے جھوٹ بولتے ہیں، حافظ نعیم اتنا جھوٹ نہ بولیں ہم جانتے ہیں، حافظ صاحب آپ ایک ملک میں 2 نظام کی بات کرتے ہیں۔
سعدیہ جاوید نے کہا کہ حافظ نعیم نے مقامی حکومت اور صوبائی اسمبلی کی سیٹ دبا رکھی ہے، الیکشن کمیشن میں گوشوارے جمع کراکے اقتدار کی رسی تھامی ہوئی ہے، حافظ نعیم آپ دنیا کو بے وقوف بنا سکتے ہیں، حافظ نعیم آپ سندھ کی عوام کو بے وقوف نہیں بناسکتے۔
ترجمان سندھ حکومت نے مزید کہا کہ حافظ نعیم نے ناظم آباد عوام کا حق دبا رکھا ہے، نہ چیئرمین شپ سے مستعفی ہوئے نہ صوبائی اسمبلی سےاستعفی دیا، ڈسٹرکٹ سینٹرل میں جماعت اسلامی کے پاس مکمل 5 ٹاؤنز ہیں، سینٹرل کی عوام جانتی ہے جماعت اسلامی پرانے بھتہ خوروں کے نقش قدم پر ہے، حافظ نعیم کا دل صرف سندھ میں ہی بلدیاتی نظام کو کیوں مانتا ہے۔
ان کا کہنا تھا کہ ڈکٹیٹروں کے دورمیں اقتدار کے مزے لینے والے کیسے ان کی مخالفت کرسکتے ہیں، ڈکٹیٹرز کے پرانے ساتھی پنجاب میں ایک دوسرے کو سیف کررہے ہیں۔
وریندر سہواگ نے امپائرز کو رشوت دینے کا انکشاف کر کے کرکٹ حلقوں میں نیا پنڈورا باکس کھول دیا
مزید :.ذریعہ: Daily Pakistan
پڑھیں:
سندھ کوئی کیک نہیں ہےکہ اس کو بانٹ دیا جائے، شرجیل میمن
کراچی(ڈیلی پاکستان آن لائن)سینئر وزیرسندھ شرجیل انعام میمن کا کہنا ہےکہ سندھ کی تقسیم مشکل نہیں نا ممکن ہے ، سندھ کوئی کیک نہیں ہےکہ اس کو بانٹ دیا جائے۔کراچی میں پریس کانفرنس کرتے ہوئے شرجیل میمن کا کہنا تھا کہ صوبہ توڑنے کی باتیں فضول ہیں، سندھ کی تقسیم ممکن نہیں ہے، 27 ویں ترمیم کے ایجنڈے میں بلدیات کا ذکر تھا ہی نہیں، بلاول بھٹو زرداری نے ٹویٹ میں 27 ویں ترمیم کے نکات بیان کیے۔
ایم کیو ایم رہنما مصطفیٰ کمال کو جواب دیتے ہوئے شرجیل میمن کا کہنا تھا کہ بانی ایم کیو ایم کے پیروکار ان کی طرح ملک کو توڑنے کی باتیں کریں گے، متحدہ اپنی مردہ سیاست میں جان ڈالنا چاہتی ہے، ایم کیو ایم چاہتی ہےکہ ہم جذباتی جواب دیں اور وہ سیاست کریں ، وہ ہر وقت اقتدار میں رہنا چاہتے ہیں۔شرجیل میمن کا کہنا تھا کہ ایم کیو ایم کی باتیں ایک کان سے سنیں دوسرے سے نکال دیں، ایم کیو ایم کی سیاست کے تمام ہتھکنڈے ختم ہوچکے، ایم کیو ایم مثبت سیاست کرے ہم ان کے ساتھ ہیں۔ان کا کہنا تھا کہ یہ جن بلدیاتی انتخابات کا ذکر کر رہے ہیں، انہوں نے زمینی حقائق دیکھ کر بائیکاٹ کیا، انہیں پتا تھا بلدیاتی انتخاب لڑیں گے تو شکست ہوگی۔شرجیل میمن کا مزید کہنا تھا کہ آئینی عدالتوں کا ذکر میثاق جمہوریت میں بھی تھا،کوئی مقدس گائے نہیں ہے، پیپلزپارٹی نےکوئی شق چھپ کر تسلیم نہیں کی۔
میرے اثاثے جو آج ہیں وہ وزرات عظمیٰ کے بعد بھی دیکھ لیجیے گا، نو منتخب وزیراعظم آزاد کشمیر راجہ فیصل ممتاز راٹھور
مزید :
خیبرپختونخوا اور ضم اضلاع میں دہشت گردی کی مذمت ، امن جرگے کا اعلامیہ جاری