فلسطین کے حق میں احتجاج پر پولیس کا وحشیانہ تشدد، آسٹریلوی اسلحہ کمپنی کیخلاف مظاہرے میں 5 افراد گرفتار
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
سڈنی: آسٹریلیا کے شہر سڈنی میں فلسطینی عوام سے اظہارِ یکجہتی اور اسرائیل کو اسلحہ فراہم کرنے والی کمپنی کیخلاف احتجاج کے دوران جھڑپوں کے بعد پانچ افراد کو گرفتار کر لیا گیا، مظاہرین کا ہدف SEC Plating نامی کمپنی تھی، جو اسرائیلی F-35 جنگی طیاروں کے لیے پرزہ جات کی تیاری میں شامل ہے۔
عالمی میڈیا رپورٹس کےمطابق مظاہرے کے دوران 35 سالہ خاتون ہنّا تھامس، جو ماضی میں گرین پارٹی کی امیدوار رہ چکی ہیں، پولیس کی گرفتاری کے دوران شدید زخمی ہو گئیں۔ ان کی آنکھ پر گہری چوٹ آئی اور انہیں فوری طور پر بینک ساؤن اسپتال منتقل کیا گیا۔
سوشل میڈیا پر گردش کرتی تصاویر میں تھامس کو خون میں لت پت اور ایک آنکھ بند حالت میں دکھایا گیا ہے، جس کے بارے میں خدشہ ظاہر کیا جا رہا ہے کہ وہ اپنی آنکھ سے مکمل بینائی کھو سکتی ہیں۔
یہ مظاہرہ گرینز نیو ساؤتھ ویلز پارٹی کی جانب سے منظم کیا گیا تھا، جس نے ایک بیان میں کہا کہ اسرائیل کے تقریباً 40 F-35 طیارے اس عالمی سپلائی چین پر انحصار کرتے ہیں، جس میں آسٹریلیا بھی شامل ہے، تاکہ فلسطینی عوام کے خلاف جاری نسل کشی کو جاری رکھا جا سکے۔
گرینز کی رکن اسمبلی اور نیو ساؤتھ ویلز میں انصاف کی ترجمان سو ہیگنسن نے پولیس پر شدید تنقید کرتے ہوئے کہا کہ پولیس کی کارروائی نہ صرف وحشیانہ اور ضرورت سے زیادہ تھی بلکہ یہ قانونی طور پر بھی مشکوک ہے، لوگوں کو پرامن طور پر جمع ہونے اور احتجاج کرنے کا آئینی حق حاصل ہے اور آج صبح اس حق کو پامال کیا گیا۔
نیو ساؤتھ ویلز (NSW) پولیس کے مطابق مظاہرہ کرنے والے 60 افراد نے کمپنی کی عمارت کے اطراف پیدل راستوں کو بند کرنے کی کوشش کی، جس پر پولیس نے مظاہرین کو منتشر ہونے کا حکم دیا، پانچ افراد کو گرفتار کیا گیا، جن میں بعض نے پولیس کی ہدایات کو نظرانداز کیا جبکہ دیگر نے پولیس اہلکاروں سے فرار ہونے کی کوشش کی۔
تمام گرفتار افراد کو مشروط ضمانت پر رہا کر دیا گیا اور انہیں 15 جولائی کو بینک ساؤن مقامی عدالت میں پیش ہونے کا حکم دیا گیا ہے۔
خیال رہےکہ اسرائیل غزہ پر حملے جاری رکھے ہوئے ہے، جن میں اب تک 56,500 سے زائد فلسطینی شہید اور 1 لاکھ 33 ہزار سے زائد زخمی ہو چکے ہیں۔ عالمی سطح پر اسرائیل کے خلاف مظاہروں میں تیزی آ رہی ہے، اور فوجی امداد یا ہتھیاروں کی فراہمی کرنے والے ممالک شدید تنقید کی زد میں ہیں۔
سڈنی میں پیش آنے والا یہ واقعہ آسٹریلیا میں فلسطینی حقوق، انسانی آزادی اور پُرامن احتجاج کے حق کے حوالے سے ایک نئی بحث چھیڑ چکا ہے، انسانی حقوق کی تنظیمیں پولیس کے کردار پر تحقیقات اور جوابدہی کا مطالبہ کر رہی ہیں۔
.
ذریعہ
ذریعہ: Jasarat News
کلیدی لفظ: کیا گیا
پڑھیں:
’ابھی ہو گیا، بس‘، سونو نگم نے نیٹ احتجاج پر تبصرہ کرنے سے انکار کر دیا
معروف بھارتی گلوکار سونو نگم نے نیٹ احتجاج پر تبصرہ کرنے سے انکار کرتے ہوئے میڈیا نمائندوں سے کہا کہ اس معاملے پر ان سے مزید سوال نہ کیے جائیں۔
سونو نگم سے ایک حالیہ میڈیا گفتگو کے دوران مبینہ نیٹ پرچہ لیک اور تعلیمی اصلاحات کے مطالبے پر جاری احتجاج کے حوالے سے سوال کیا گیا، تاہم انہوں نے اس موضوع پر اپنی رائے دینے سے گریز کیا۔
رپورٹرز کی جانب سے مسلسل سوالات کیے جانے پر سونو نگم نے واضح کیا کہ وہ اس معاملے پر بات نہیں کرنا چاہتے۔ بار بار سوالات کیے جانے پر وہ کچھ برہم دکھائی دیے اور مختصراً کہا، ’’ابھی ہو گیا، بس۔‘‘ اس جملے کے ذریعے انہوں نے اشارہ دیا کہ وہ اس موضوع پر مزید گفتگو نہیں کرنا چاہتے۔
رپورٹس کے مطابق، یہ میڈیا گفتگو کہاں اور کس موقع پر ہوئی، اس حوالے سے کوئی تفصیلات سامنے نہیں آئیں۔
View this post on Instagram
نیٹ احتجاج پر متعدد شوبز شخصیات کا ردِعمل
سونو نگم کی خاموشی ایسے وقت میں سامنے آئی ہے جب بھارتی فلم انڈسٹری کی کئی معروف شخصیات نیٹ احتجاج پر اپنے خیالات کا اظہار کر رہی ہیں۔
اداکار سلمان خان، عالیہ بھٹ، دُلکر سلمان، وجے ورما، نصیرالدین شاہ، انوپم کھیر، ہیما مالنی، پریتی زنٹا اور عمران خان سمیت متعدد فنکار اس معاملے پر مختلف رائے کا اظہار کر چکے ہیں۔ بعض نے طلبہ کی حمایت کرتے ہوئے مذاکرات اور تعلیمی اصلاحات کا مطالبہ کیا جبکہ دیگر نے مختلف مؤقف اختیار کیا۔
واضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا