کراچی: فائرنگ، کرنٹ لگنے، ڈوبنے سے 5 افراد جاں بحق، 4 زخمی
اشاعت کی تاریخ: 29th, June 2025 GMT
—فائل فوٹو
کراچی کے مختلف علاقوں میں فائرنگ، کرنٹ لگنے اور ڈوبنے سے 5 افراد ہلاک اور بچی سمیت 4 افراد زخمی ہو گئے۔
کراچی کے مختلف علاقوں میں ڈکیتی کے دوران مزاحمت پر فائرنگ اور نامعلوم سمت سے آئی گولی لگنے سے 2 بچیوں سمیت 4 افراد زخمی ہوئے، کرنٹ لگنے سے 2 افراد جبکہ ڈوبنے سے 3 افراد جاں بحق ہوئے۔
پولیس کے مطابق شیریں جناح کالونی میں فائرنگ سے 30 سالہ راجہ نامی شخص زخمی ہو گیا۔
کراچی میں کرنٹ لگنے سے پیپلز پارٹی کے رہنما جاوید ناگوری کے بھائی انتقال کر گئے۔
شاہ لطیف ٹاؤن ریلوے پھاٹک کے قریب گھر میں نامعلوم سمت سے گولی لگنے سے 4 سال کی بچی زخمی ہو گئی۔
اورنگی ٹاؤن 4 نمبر کے ایک گھر میں نامعلوم سمت سے گولی لگنے سے 8 سال کی بچی زخمی ہو گئی۔
سائٹ ایریا میں ڈکیتی مزاحمت کے دوران فائرنگ سے ایک شخص زخمی ہوا ہے۔
لیاری کھڈہ مارکیٹ میں گھر میں کرنٹ لگنے سے 1 شخص جاں بحق ہو گیا، جس کی شناخت عبداللّٰہ ناگوری کے نام سے ہوئی ہے اور وہ پیپلز پارٹی کے رہنما جاوید ناگوری کا بھائی ہے۔
کلفٹن پارک لینڈ اسپتال کے قریب کرنٹ لگنے سے ایک 30 سالہ شخص جاں بحق ہو گیا، جس کی شناخت نہیں ہو سکی۔
جہانگیر آباد ندی میں ڈوب کر 1 شخص جاں بحق ہو گیا، ابراہیم حیدری میں سمندر کنارے سے 1 شخص کی لاش ملی ہے۔
ہاکس بے ٹرٹل بیچ پر سمندر میں نہاتے ہوئے 1 شخص ڈوب کر جاں بحق ہو گیا، جس کی شناخت 22 سالہ ثاقب ولد علی عمر کے نام سے ہوئی ہے۔
.
ذریعہ
ذریعہ: Jang News
کلیدی لفظ: جاں بحق ہو گیا کرنٹ لگنے سے زخمی ہو
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
پاکستان نے ورلڈ کپ 2028 کیلیے براہ راست کوالیفائی کر لیا