بدین کا فوجی جوان وزیرستان میں جاری آپریشن میں شہید
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
بدین (نمائندہ جسارت )شمالی وزیرستان میں دو روز قبل دہشت گردوں کے حملے میں پاک فوج کے 13 جوان شہید ہو گئے تھے، جن میں بدین شہر کے وارڈ نمبر 1 ملاح محلہ کا رہائشی نوجوان فوجی، لانس نائیک فیاض احمد چاوڑو بھی شامل ہے۔ شہید فیاض احمد ولد حاجی حسن چاوڑو کے اہل خانہ کے مطابق وہ 2011 میں پاک فوج میں بھرتی ہوا تھا اور طویل عرصے تک لکی مروت بریگیڈ میں تعینات رہا۔دو روز قبل وزیرستان روانہ ہونے والے فوجی قافلے پر دہشت گرد حملے میں وہ شہید ہو گیا۔ شہادت کی خبر سنتے ہی گھر میں کہرام مچ گیا اور محلہ کی فضا سوگوار ہو گئی۔ شہید کے بھائی غلام حسین چاوڑو کے مطابق فیاض احمد کی شادی 2014 میں ہوئی تھی، اور وہ دو بیٹوں اور ایک بیٹی کا باپ تھا۔شہید کے والد حسن چاوڑو کا نئون واہ موری پر پھل فروشی کا کاروبار ہے۔ شہید اپنے پیچھے والدین، بیوہ، ایک بھائی، ایک بہن اور تین بچوں کو سوگوار چھوڑ گیا ہے۔ ورثاء کے مطابق شہید فیاض احمد کا جسد خاکی آج بدین پہنچے گا اور مکمل فوجی اعزاز کے ساتھ شاہ قادری قبرستان میں سپرد خاک کیا جائے گا۔شہید کے والد نے کہا کہ انہیں اپنے بیٹے کی شہادت پر فخر ہے، جس نے وطن کی حفاظت کرتے ہوئے جان کا نذرانہ پیش کیا۔
.ذریعہ: Jasarat News
کلیدی لفظ: فیاض احمد
پڑھیں:
اسرائیلی وزیراعظم نے غزہ میں فوجی کارروائیاں تیز کرنے کا عندیہ دیدیا
data-id="863a0a8" data-element_type="widget" data-widget_type="theme-post-content.default">
تل ابیب: اسرائیلی وزیراعظم بنیامین نیتن یاہو نے اشارہ دیا ہے کہ غزہ میں اسرائیلی فوجی کارروائیاں مزید شدت اختیار کر سکتی ہیں۔
ٹیلی ویژن خطاب میں نیتن یاہو نے تصدیق کی کہ اسرائیلی وفد مصر کے دارالحکومت قاہرہ جائے گا، جہاں جنگ بندی کے نفاذ اور اس کے لیے ٹائم لائن سے متعلق تفصیلات طے کی جائیں گی۔
انہوں نے کہا کہ حماس کے پاس معاہدہ قبول کرنے کے سوا کوئی راستہ نہیں، اور اسے ہر صورت غیر مسلح کیا جائے گا — چاہے یہ سفارتی طریقے سے ہو یا فوجی طاقت کے ذریعے۔ نیتن یاہو کے مطابق، امریکا کو واضح طور پر بتا دیا گیا ہے کہ حماس کو غیر مسلح کرنا لازمی ہے اور یہ ذمہ داری اسرائیل خود پوری کرے گا۔
نیتن یاہو کے اس بیان سے عندیہ ملتا ہے کہ اگر حماس نے جنگ بندی معاہدہ قبول نہ کیا تو اسرائیلی فوجی کارروائیاں مزید تیز ہو سکتی ہیں۔
واضح رہے کہ فلسطینی تنظیم حماس نے امریکی صدر ڈونلڈ ٹرمپ کے 20 نکاتی غزہ امن منصوبے کے بیشتر نکات منظور کر لیے ہیں، تاہم بعض شقوں پر تحفظات کا اظہار کرتے ہوئے برطانیہ کے سابق وزیراعظم ٹونی بلیئر کے مجوزہ کردار کو مسترد کر دیا ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری