اداکارہ شیفالی جریوالا کو دل کا دورہ کیوں پڑا؟ پوسٹ مارٹم رپورٹ سامنے آگئی
اشاعت کی تاریخ: 30th, June 2025 GMT
مشہور ماڈل، اداکارہ اور ڈانسرشیفالی جریوالا جو 42 برس کی عمر میں کی اچانک انتقال کر گئیں ان کے بارے میں کہا جا رہا تھا کہ وہ دل کا دورہ پڑنے کی وجہ سے موت کے منہ میں چلی گئیں تاہم اب اس واقعے سے متعلق نئی تفصیلات سامنے آئی ہیں۔
ذرائع کے مطابق ابتدائی پوسٹ مارٹم رپورٹ میں یہ بات سامنے آئی ہے کہ بلڈ پریشر میں اچانک کمی اور اس کے بعد دل کا دورہ پڑنے کی وجہ سے ان کا انتقال ہو سکتا ہے۔ شیفالی اپنے شوہر پراگ تیاگی کے ساتھ تھیں جس وقت ان کی طبیعت بگڑی اور انہیں فوری طور پر اسپتال لے جایا گیا جہاں ڈاکٹروں نے انہیں مردہ قرار دے دیا۔
یہ بھی پڑھیں: ’کانٹا لگا‘ سے شہرت پانےو الی شیفالی جریوالا انتقال کر گئیں، موت کی وجہ کیا بنی؟
ابتدائی رپورٹس کے مطابق شیفالی کو27 اور 28 جون کی درمیانی شب اچانک دل کا دورہ پڑا۔ حادثے کے دن شیفالی نے گھر میں ہونے والی پوجا کی وجہ سے روزہ رکھا تھا۔ کہا جاتا ہے کہ وہ اپنی پہلی غذا لیتے ہوئے بیہوش ہو کر گر گئی تھیں۔ شیفالی کے قریبی ذرائع کے مطابق اسی رات انہوں نے اینٹی ایجنگ انجیکشن بھی لیا تھا، تاہم اس انجیکشن کا اس واقعے میں کیا کردار تھا اس کی تحقیقات جاری ہیں۔
انڈین میڈیا کے مطابق اداکارہ اینٹی ایجنگ ٹریٹمنٹ کروا رہی تھیں جس میں وٹامن سی اور گلوٹاثیون شامل تھے۔ یہ مواد عام طور پر رنگت گوری کرنے اور ڈیٹوکس کے لیے استعمال ہوتا ہے۔
یہ بھی پڑھیں: کیا ‘بگ باس’ آسیب زدہ ہے؟ بھارتی ریئلٹی شو میں شرکت کرنے والے 7 لوگ جو جوانی میں چل بسے
اب تک ممبئی پولیس نے شیفالی جریوالا کی اچانک موت کے سلسلے میں 10 بیانات ریکارڈ کیے ہیں۔ حتمی پوسٹ مارٹم رپورٹ 2-3 دنوں میں متوقع ہے۔ ابتدائی نتائج کے مطابق موت کی ممکنہ وجہ خود سے دوا لینے کی پیچیدگیاں ہو سکتی ہیں، لیکن تفتیش کار فوڈ پوائزننگ کے امکان کو بھی خارج نہیں کر رہے۔ موت کی حتمی وجہ تب ہی معلوم ہو سکے گی جب تفصیلی پوسٹ مارٹم رپورٹ سامنے آئے گی۔
شیفالی جریوالا کون تھیں؟شیفالی جریوالا کو 2002 میں آئے میوزک ویڈیو ’کانٹا لگا‘ سے شہرت ملی تھی۔ اس گانے میں ان کا انداز اور ڈانس بہت مقبول ہوا اور وہ راتوں رات اسٹار بن گئیں۔
اس کے بعد انہوں نے کئی اور میوزک ویڈیوز، ٹی وی شوز اور فلموں میں کام کیا۔ 2004 میں فلم ’مجھ سے شادی کروگی‘ میں انہوں نے ایک چھوٹا کردار ادا کیا۔
انہیں ’بگ باس 13‘ میں شرکت کے بعد نئی نسل نے بھی پہچانا، جہاں ان کا رویہ اور انداز مداحوں کو خوب بھایا۔ شیفالی نے ’نچ بلیے‘ جیسے رئیلٹی شوز میں بھی حصہ لیا تھا۔
شیفالی جریوالا کی زندگی میں کئی اتار چڑھاؤ آئے۔ جوانی میں وہ ایک بیماری (ایپیلپسی – مرگی) سے متاثر رہیں، جس کی وجہ سے ان کی ذاتی اور پیشہ ورانہ زندگی میں مشکلات پیش آئیں، مگر انہوں نے ہمت نہیں ہاری اور زندگی میں آگے بڑھتی رہیں۔ وہ کئی فلاحی کاموں سے بھی وابستہ رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رنگ گورا کرنے والے انجیکشن شیفالی جریوالا شیفالی جریوالا موت۔.ذریعہ: WE News
کلیدی لفظ: رنگ گورا کرنے والے انجیکشن شیفالی جریوالا شیفالی جریوالا موت پوسٹ مارٹم رپورٹ دل کا دورہ کی وجہ سے انہوں نے کے مطابق
پڑھیں:
پروین بابی کی بائیوپک سیریز؛ کون سی اداکارہ کردار ادا کریں گی؟
بالی ووڈ کی ابھرتی ہوئی اداکارہ ترپتی دمری کو مرحوم اداکارہ پروین بابی کی بائیوپک سیریز کے مرکزی کردار کے لیے منتخب کر لیا گیا ہے۔ یہ سیریز نیٹ فلکس کے لیے تیار کی جا رہی ہے جس کی ہدایت کاری شونالی بوس کریں گی۔
ترپتی دمری نے فلم ’اینیمل‘ میں اپنے یادگار کیمیو کردار کے بعد سے مسلسل کامیابی کے جھنڈے گاڑے ہیں۔ گزشتہ برس انہوں نے ’بیڈ نیوز‘، ’وکی ودیا کا وہ والا ویڈیو‘ اور ’بھول بھلیاں 3‘ جیسی فلموں میں مرکزی کردار ادا کر کے اپنی اداکاری کے جوہر دکھائے۔
یہ بائیوپک سیریز پروین بابی کی زندگی اور کیریئر پر مبنی ہوگی، جو 1970 اور 1980 کی دہائیوں میں بالی ووڈ کی سب سے مقبول اور بااثر اداکاراؤں میں سے ایک تھیں۔ پروین بابی اپنی بولڈ اور جدید شخصیت کے لیے جانی جاتی تھیں اور انہوں نے ہندی سنیما میں ہیروئن کے نئے دور کی بنیاد رکھی۔
ان کے کیریئر کی یادگار فلموں میں ’امر اکبر انتھونی‘، ’دیوار‘، ’شان‘، ’سہاگ‘، ’کالا پتھر‘، ’نمک حلال‘ اور ’مجبور‘ جیسی سپر ہٹ فلمیں شامل ہیں۔ پروین بابی کا 20 جنوری 2005 کو ممبئی میں ان کے فلیٹ میں انتقال ہو گیا تھا۔
ترپتی دمری نے اس سال ’دھڑک 2‘ میں اپنی اداکاری کے جوہر دکھانے کے بعد یہ بڑا پروجیکٹ حاصل کیا ہے۔ فلمی حلقوں میں اس بات پر گرمجوشی سے بات ہو رہی ہے کہ آیا ترپتی پروین بابی کے کردار کے ساتھ انصاف کر پائیں گی۔
اس محدود ایڈیشن سیریز کی شوٹنگ مارچ 2026 تک شروع ہونے کی توقع ہے۔ یہ پروجیکٹ ترپتی دمری کے کیریئر میں ایک اہم سنگ میل ثابت ہوگا، جہاں انہیں بالی ووڈ کی تاریخ کی ایک سب سے متاثر کن اداکارہ کے کردار کو زندہ کرنا ہوگا۔
ناقدین اور مداح یکساں طور پر اس بات پر متفق ہیں کہ پروین بابی کا کردار ادا کرنا کسی بھی اداکارہ کےلیے ایک چیلنجنگ کام ہے، لیکن ترپتی دمری کی گزشتہ کارکردگی نے ثابت کیا ہے کہ وہ مشکل کرداروں کو نبھانے کی صلاحیت رکھتی ہیں۔
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل