شمشال ہنزہ میں اپینڈیسائٹس کی وبا مکمل طور پر قابو میں ہے، محکمہ صحت
اشاعت کی تاریخ: 16th, November 2025 GMT
محکمہ صحت گلگت بلتستان کے ترجمان کے مطابق شِمشال میں حال ہی میں رپورٹ ہونے والے اپینڈیسائٹس کے کیسز پر مکمل طور پر قابو پا لیا گیا ہے۔ ضلعی محکمہ صحت ہنزہ کی میڈیکل ٹیموں کی جانب سے موصول ہونے والی تازہ ترین رپورٹ کے مطابق ابتدائی طور پر رپورٹ ہونے والے 31 مشتبہ مریضوں کو بروقت طبی امداد فراہم کی گئی۔ اسلام ٹائمز۔ محکمہ صحت گلگت بلتستان کی جانب سے جاری ایک بیان کے مطابق ضلع ہنزہ کے علاقے شمشال میں اپینڈیسائٹس کے اچانک رپورٹ ہونے والے کیسز مکمل طور پر قابو میں ہیں۔ محکمہ صحت گلگت بلتستان کے ترجمان کے مطابق شِمشال میں حال ہی میں رپورٹ ہونے والے اپینڈیسائٹس کے کیسز پر مکمل طور پر قابو پا لیا گیا ہے۔ ضلعی محکمہ صحت ہنزہ کی میڈیکل ٹیموں کی جانب سے موصول ہونے والی تازہ ترین رپورٹ کے مطابق ابتدائی طور پر رپورٹ ہونے والے 31 مشتبہ مریضوں کو بروقت طبی امداد فراہم کی گئی، جبکہ کسی بھی مریض میں اپینڈیسائٹس کی کوئی وبائی صورت سامنے نہیں آئی۔ محکمہ صحت گلگت بلتستان نے واضح کیا ہے کہ شِمشال میں اپینڈیسائٹس سے متعلق تمام کیسز انفرادی نوعیت کے تھے اور گزشتہ کئی دنوں سے کوئی نیا کیس رپورٹ نہیں ہوا۔ علاقے کی مجموعی صحتِ عامہ کی صورتحال مکمل طور پر تسلی بخش ہے۔ ای پی یو شِمشال کی میڈیکل ٹیمیں 24/7 موجود ہیں اور کسی بھی ہنگامی صورتِ حال میں فوری رابطے کے لیے دستیاب ہیں۔ ضروری ادویات، طبی سامان اور ایمبولینس سروس مکمل طور پر فعال ہے۔ مزید برآں، محکمہ صحت کی درخواست پر انوائرمنٹل پروٹیکشن ایجنسی (EPA) کی ٹیم نے شِمشال کا دورہ کیا، جہاں پانی اور غذائی اشیاء کے نمونے حاصل کر کے ٹیسٹنگ کے لیے بھیجے گئے ہیں۔ تفصیلی رپورٹ محکمہ صحت کو ارسال کی جائے گی جس کی روشنی میں مزید اقدامات کیے جائیں گے۔
.
ذریعہ
ذریعہ: Islam Times
کلیدی لفظ: محکمہ صحت گلگت بلتستان رپورٹ ہونے والے کے مطابق مشال میں ش مشال
پڑھیں:
بجٹ سے پہلے قانون سازی، پیپلزپارٹی کے تحفظات، 5 جون کو ہونے والا اجلاس مؤخر
اسلام آباد (ًؐنمائندہ خصوصی +نوائے وقت رپورٹ) وفاقی بجٹ 5 جون کو پیش نہیں کیا جائے گا۔ ذرائع کے مطابق قومی اقتصادی کونسل کا 3 جون کو ہونے والا اجلاس ملتوی ہو گیا جس کا باقاعدہ نوٹیفکیشن بھی جاری کر دیا گیا ہے۔ ذرائع کا بتانا ہے کہ وفاقی بجٹ پیش کرنے کی نئی تاریخ کا تعین نہیں ہو سکا، دوسری جانب ذرائع قومی اسمبلی کا بتانا ہے کہ وفاقی بجٹ 10 جون کو پیش کیے جانے کا امکان ہے۔ نوٹیفکیشن کے مطابق قومی اقتصادی کونسل کے اجلاس کی نئی تاریخ کا اعلان بعد میں کیا جائے گا۔ حکومت کی جانب سے وفاقی بجٹ میں تاخیر کی وجہ سامنے آگئی۔ پارلیمانی ذرائع کے مطابق حکومت بجٹ اجلاس سے قبل اہم قانون سازی کرنا چاہ رہی ہے، قانون سازی کے آئندہ وفاقی بجٹ سے متعلق اہم اثرات ہوں گے تاہم پیپلز پارٹی قانون سازی کے حق میں نہیں ہے۔ پارلیمانی ذرائع کا بتانا ہے کہ چیئرمین پیپلز پارٹی بلاول بھٹو زرداری نے شگر ویلی میں اپنے خطاب میں واضح پیغام دیا ہے، پیپلز پارٹی مجوزہ ترامیم کی مخالفت کر رہی ہے۔ بجٹ اجلاس سے قبل ترامیم نہ ہو سکیں تو آئندہ مالی سال میں تبدیلیاں نہیں آسکیں گی۔ پارلیمانی ذرائع نے یہ بھی بتایا کہ پیپلز پارٹی کو منانے کے لیے اہم شخصیات کو ٹاسک دے دیا گیا ہے۔ بلاول بھٹو زرداری فی الحال گلگت بلتستان میں الیکشن مہم میں مصروف ہیں، بلاول بھٹو زرداری کو منانے کے بعد ہی بجٹ اجلاس کی نئی تاریخ دی جا سکے گی۔وزارت خزانہ میں پیپلز پارٹی اور حکومتی ٹیم کے درمیان اجلاس ختم ہو گیا۔ ذرائع کے مطابق پیپلز پارٹی کے خدشات دور نہ کئے جا سکے۔ پی پی اور حکومتی ٹیم کا اجلاس آج دوبارہ ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ