محرم الحرام، کوہاٹ، کرم، اورکزئی، ہنگو کے مشران اور افسران کا گرینڈ جرگہ
اشاعت کی تاریخ: 30th, June 2025 GMT
کمشنر کوہاٹ معتصم باللہ، ریجنل پولیس آفیسر عباس مجید مروت، ڈسٹرکٹ پولیس آفیسر ڈاکٹر زاہداللہ، ضلعی و ریجنل انتظامیہ، پاک فوج اور حساس اداروں کے افسران سمیت ضلع کوہاٹ، کرم، اورکزئی، ہنگو کے سیاسی نمائندگان، تاجر برادری، اہل سنت و اہل تشیع کے جید مشران اور معززینِ شہر نے شرکت کی۔ اسلام ٹائمز۔ کوہاٹ میں محرم الحرام کے پُرامن انعقاد کیلئے ڈویژن بھر افسران اور مشران کے گرینڈ جرگہ میں باہمی تعاون پر اتفاق ہو گیا۔ کمشنر ہاؤس کوہاٹ میں ماہ محرم الحرام کے پُرامن انعقاد اور مذہبی رواداری کے فروغ کیلئے ایک گرینڈ جرگہ کا انعقاد کیا گیا، جس میں کمشنر کوہاٹ معتصم باللہ، ریجنل پولیس آفیسر عباس مجید مروت، ڈسٹرکٹ پولیس آفیسر ڈاکٹر زاہداللہ، ضلعی و ریجنل انتظامیہ، پاک فوج اور حساس اداروں کے افسران سمیت ضلع کوہاٹ، کرم، اورکزئی، ہنگو کے سیاسی نمائندگان، تاجر برادری، اہل سنت و اہل تشیع کے جید مشران اور معززینِ شہر نے شرکت کی۔ ریجنل پولیس آفیسر کوہاٹ عباس مجید مروت نے جرگہ سے خطاب کرتے ہوئے کہا کہ ماہِ محرم الحرام کے دوران امن و امان کے قیام کیلئے سیکیورٹی انتظامات مکمل کر لیے گئے ہیں۔ پولیس فورس کی بھاری نفری کوہاٹ، ہنگو، کرم، کرک اور اورکزئی کے حساس مقامات پر تعینات کر دی گئی ہے، اور ہر ممکن حفاظتی اقدام کو یقینی بنایا گیا ہے تاکہ کسی بھی ممکنہ ناخوشگوار صورتحال سے بروقت نمٹا جا سکے۔
کوہاٹ ریجن کے اضلاع کوہاٹ، ہنگو ،کرم اور اورکزئی میں محرم الحرام کے عزاداری جلوسوں کی حفاظت کے لئے پولیس اور پاک فوج نے فل پروف اقدامات کر لئے ہیں کوہاٹ ریجن میں دس ہزار کے قریب پاک فوج اور پولیس کے جوان ڈیوٹیاں سرنجام دیں گے۔ ڈویژن بھر میں حساس مقامات پر سرچ آپریشن جاری ہیں۔ متعدد مشتبہ افراد کو حراست میں کے کر تفتیش کے لئے مختلف تھانوں کو منتقل کیا گیا ہے۔ آر پی او کوہاٹ نے کوہاٹ ، ہنگو ،کرم، کرک اور اورکزئی کی عوام سے اپیل کی محرم الحرام کو پرامن بنانے کے لئے پولیس اور سیکورٹی فورسز کے تعاون کریں۔
ذریعہ
ذریعہ: Islam Times
کلیدی لفظ: محرم الحرام کے پولیس آفیسر پاک فوج
پڑھیں:
چیمپئنز لیگ جیتنے کی خوشی تشدد میں بدل گئی، پیرس میں جلاؤ گھیراؤ اور پولیس سے جھڑپیں
یورپی چیمپئنز لیگ میں پی ایس جی کی کامیابی کے بعد فرانس کے دارالحکومت پیرس میں جشن پرتشدد ہنگاموں میں تبدیل ہو گیا۔ مظاہرین اور پولیس کے درمیان جھڑپوں، جلاؤ گھیراؤ اور توڑ پھوڑ کے واقعات میں متعدد افراد زخمی ہوئے، جبکہ پولیس نے 400 سے زائد افراد کو حراست میں لے لیا۔
یورپی چیمپئنز لیگ کے فائنل میں پی ایس جی کی فتح کے بعد فرانس کے دارالحکومت پیرس میں جشن کا ماحول بدامنی اور تشدد میں تبدیل ہو گیا، جہاں مشتعل افراد نے جلاؤ گھیراؤ، توڑ پھوڑ اور پولیس کے ساتھ جھڑپوں کا سلسلہ شروع کر دیا۔
میڈیا رپورٹس کے مطابق شہر کے مختلف علاقوں میں مظاہرین نے بوتل بم پھینکے، متعدد دکانوں پر حملے کیے اور سڑکوں پر موجود کچرے کے ڈبوں سمیت دیگر اشیا کو آگ لگا دی۔ ہنگامہ آرائی کے دوران درجنوں گاڑیوں کو بھی نقصان پہنچایا گیا۔
مظاہرین اور پولیس کے درمیان ہونے والی جھڑپوں میں کم از کم سات پولیس اہلکار زخمی ہوئے۔ بعض شرپسند عناصر نے آتش بازی کا رخ آسمان کے بجائے پولیس اہلکاروں کی جانب کر دیا، جس کے باعث کشیدگی میں مزید اضافہ ہوا۔
فرانسیسی پولیس نے کارروائی کرتے ہوئے 400 سے زائد افراد کو گرفتار کر لیا۔ حکام کے مطابق گرفتار افراد کے قبضے سے تیزاب سے بھری بوتلیں اور دیگر خطرناک مواد بھی برآمد کیا گیا ہے۔
حکام کو پہلے ہی ممکنہ ہنگامہ آرائی کا خدشہ تھا، جس کے پیش نظر پیرس میں 22 ہزار سے زائد پولیس اہلکار تعینات کیے گئے تھے۔ اس کے باوجود شہر کے مختلف حصوں میں جلاؤ گھیراؤ اور پرتشدد واقعات کو مکمل طور پر روکنا ممکن نہ ہو سکا۔
واضح رہے کہ پیرس سینٹ جرمین (PSG) نے چیمپئنز لیگ کے فائنل میں آرسنل کو شکست دے کر ٹائٹل اپنے نام کیا، جس کے بعد ہزاروں شائقین جشن منانے کے لیے سڑکوں پر نکل آئے۔ تاہم بعض مقامات پر یہ جشن بدامنی اور تشدد میں تبدیل ہو گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ