یورپ شدید گرمی کی لپیٹ میں، درجہ حرارت 40 ڈگری تک پہنچ گیا
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
یورپ شدید ہیٹ ویو کی لپیٹ میں ہے اور کئی ممالک میں درجہ حرارت 40 ڈگری سینٹی گریڈ سے تجاوز کر چکا ہے۔ اٹلی، یونان، اسپین، پرتگال اور فرانس میں گرمی کی شدت نے زندگی مفلوج کر دی ہے۔
اسپین کے شہر بارسلونا میں ایک خاتون گرمی کی شدت سے جان کی بازی ہار گئی، جبکہ پرتگال کے علاقے مورا میں درجہ حرارت 47 ڈگری تک جا پہنچا ہے، جس کے بعد شہریوں کو گھروں میں رہنے کی ہدایات دی گئی ہیں۔
اٹلی میں روم، میلان اور نیپلز سمیت 21 شہروں میں ہائی ہیٹ الرٹ جاری ہے اور اسپتالوں میں ہیٹ اسٹروک کے کیسز میں اضافہ دیکھنے میں آ رہا ہے۔ پیرس میں آج سال کا گرم ترین دن ریکارڈ ہوا جہاں درجہ حرارت 35 ڈگری تک پہنچ گیا جو ممکنہ طور پر 49 تک جا سکتا ہے۔
فرانس میں اورنج الرٹ جاری کرتے ہوئے تعلیمی ادارے بند کر دیے گئے ہیں۔ برطانیہ کے شہر مانچسٹر میں جون کا گرم ترین دن ریکارڈ کیا گیا ہے جہاں درجہ حرارت 35 ڈگری کو چھو گیا۔
شدید گرمی کے باعث کئی ممالک میں جنگلات میں آگ لگنے کا خطرہ بڑھ گیا ہے جبکہ لوگ گرمی سے بچاؤ کے لیے ساحلوں کا رخ کر رہے ہیں۔ حکام نے وائلڈ لائف اور ہیلتھ وارننگز جاری کرتے ہوئے عوام سے احتیاط برتنے کی اپیل کی ہے۔
.ذریعہ: Jasarat News
پڑھیں:
دنیا بھر جامعات کی درجہ بندی 2026 جاری، پاکستانی یونیورسٹیوں کی تفصیلات شامل
اسلام آباد:دنیا کی بہترین جامعات کی درجہ بند کرنے والے ادارے کیو ایس کی 2026 کی درجہ بندی جاری کردی گئی ہے، جس میں پاکستان کی کوئی یونیورسٹی سرفہرست 350 یونیورسٹیوں میں جگہ نہیں سکیں۔
کیو ایس ورلڈ یونیورسٹی رینکنگ 2026 کے مطابق اس درجہ بندی میں دنیا کی سرفہرست 1500 جامعات کو شامل کیا گیا ہے، جو دنیا بھر کے 100 مختلف مقامات پر قائم ہیں۔
اعداد وشمار میں بتایا گیا کہ گزشتہ برس کے مقابلے میں 500 جامعات کی کارکردگی میں بہتری آئی ہے، جن میں ملائیشیا کی سن وے یونیورسٹی کی درجہ بندی میں 120 سے زائد درجہ بہتری آئی ہے، جو سب سے بہتری کارکردگی ہے۔
کیو ایس رینکنگ کے مطابق درجہ بندی 2026 میں پاکستان کی 18 جامعات کو عالمی سطح کے 1500 اعلیٰ اداروں میں شامل کیا گیا تاہم پاکستان کی ایک بھی جامعہ دنیا کی 350 بہترین جامعات میں جگہ بنانے میں ناکام رہی۔
پاکستان کی سب سے بہترین کارکردگی دکھانے والی جامعات میں وفاقی دارالحکومت میں قائم قائد اعظم یونیورسٹی ہے جو 354 اور نسٹ 371 نمبر پر جگہ بنانے میں کامیاب ہوئی ہیں۔
جامعہ کراچی 1001 جامعات میں جگہ بنانے میں کامیاب ہوئی ہے جبکہ سندھ کی کوئی اور جامعہ 1500 جامعات میں بھی جگہ نہیں بناسکی۔
اسی طرح پنجاب یونیورسٹی 542، لاہور یونیورسٹی آف منیجمنٹ سائنس 555 نمبر پر، یونیورسٹی آف ایگریکلچر فیصل آباد 654 ویں نمبر میں شامل ہے، کامسیٹس یونیورسٹی اسلام آباد 664، پاکستان انسٹی ٹیوٹ آف انجنئیرنگ اینڈ اپلائڈ سائنز 721 نمبر پرہے۔
پاکستان کی دیگر جامعات میں یو ای ٹی لاہور 801، پشاور یونیورسٹی 901 اور لاہور یونیورسٹی کا 951 نمبر ہے، بہأالدین زکریا یونیورسٹی، بین الاقوامی اسلامی یونیورسٹی، رفاہ انٹرنیشنل یونیورسٹی اور یونیورسٹی آف مینجمنٹ اینڈ ٹیکنالوجی 1201 نمبر اور اسلامیہ یونیورسٹی آف بہاولپور 1401 درجہ پر رہی۔
دنیا کی 10 بہترین جامعات میں میساچوسٹس انسٹی ٹیوٹ آف ٹیکنالوجی امریکا پہلے نمبر پر، امپیریل کالج لندن برطانیہ دوسرے، اسٹین فورڈ یونیورسٹی امریکا تیسرے، یونیورسٹی آف آکسفورڈ برطانیہ چوتھے، ہارورڈ یونیورسٹی امریکا پانچویں اور کیمبرج یونیورسٹی برطانیہ چھٹے نمبر پر دنیا کی بہترین یونیورسٹی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی