پی ٹی آئی غلطیاں دہراتی رہی تو ان کے ساتھ ایک اور 8 فروری ہو جائےگا، رانا ثنااللہ
اشاعت کی تاریخ: 30th, June 2025 GMT
وزیراعظم پاکستان کے مشیر برائے سیاسی امور رانا ثنااللہ نے کہا ہے کہ عمران خان کو جیل سے تحریک نہیں چلانے دیں گے، اگر پی ٹی آئی والے غلطیاں دہراتے رہے تو ان کے ساتھ ایک اور 8 فروری ہو جائےگا۔
نجی ٹی وی سے گفتگو کرتے ہوئے انہوں نے کہاکہ عمران خان دھمکیاں دیں گے تو ان کی مشکلات میں اضافہ ہوگا، پھر یہ کہتے پھریں گے کہ ہماری ملاقات نہیں ہورہی۔
یہ بھی پڑھیں: احتجاجی تحریک کا اعلان ہو چکا، چند دن میں لائحہ عمل دیں گے : جیل سے عمران خان کا پیغام
رانا ثنااللہ نے کہاکہ اسٹیبلشمنٹ کا مؤقف ہے سیاسی جماعتیں آپس میں مذاکرات کریں، پی ٹی آئی کے ساتھ سنگجانی میں مذاکرات ہو سکتے تھے، لیکن موقع ضائع کردیا گیا۔
انہوں نے کہاکہ وزیراعظم نے پی ٹی آئی کو تین بار بات چیت کی آفر کی، حالیہ بجٹ سیشن کے دوران بھی پی ٹی آئی کو بات چیت کی پیشکش کی گئی۔
مشیر وزیراعظم نے کہاکہ پی ٹی آئی نے 2018 میں ہمارا مینڈیٹ چوری کرکے حکومت بنائی لیکن ہم نے پھر بھی ان کو مذاکرات کی پیشکش کی، جسے مسترد کردیا گیا۔
واضح رہے کہ جیل میں قید بانی پی ٹی آئی نے عیدالاضحیٰ کے بعد حکومت کے خلاف تحریک چلانے کا اعلان کیا تھا، تاہم ایران اسرائیل جنگ کے باعث تحریک کا وقت آگے لے جانے کا کہا گیا تھا۔
یہ بھی پڑھیں: ’ہمیں دیوار سے لگایا جارہا ہے‘، عمران خان نے ملک گیر احتجاجی تحریک کا اعلان کردیا
اب ایران اسرائیل جنگ ختم ہوگئی ہے، تاہم ابھی تک بانی پی ٹی آئی عمران خان کی جانب سے حکومت کے خلاف احتجاجی تحریک کا وقت نہیں دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حکومت اپوزیشن مذاکرات رانا ثنااللہ شہباز شریف عمران خان رہائی مسلم لیگ ن وزیراعظم پاکستان وی نیوز.ذریعہ: WE News
کلیدی لفظ: حکومت اپوزیشن مذاکرات رانا ثنااللہ شہباز شریف عمران خان رہائی مسلم لیگ ن وزیراعظم پاکستان وی نیوز رانا ثنااللہ پی ٹی ا ئی تحریک کا نے کہاکہ
پڑھیں:
میں پی ٹی آئی میں ہوتا تو عمران خان مئی 2024 میں رہا ہو چکے ہوتے، شیر افضل مروت
پاکستان تحریک انصاف (پی ٹی آئی) کے سابق سینیئر نائب صدر و رکن قومی اسمبلی شیر افضل مروت نے کہا ہے کہ اگر وہ پارٹی میں ہوتے تو مئی 2024 میں عمران خان کو رہا کرا چکے ہوتے، اس وقت مذاکرات سے کچھ حاصل نہیں ہوگا کیونکہ پی ٹی آئی کمزور ہے اور احتجاج کرنے کی پوزیشن میں بھی نہیں۔
’وی ایکسکلوسیو‘ میں سینیئر صحافی عمار مسعود سے گفتگو کرتے ہوئے شیر افضل مروت نے کہاکہ احتجاجی تحریک چلائے بغیر مذاکرات لاحاصل ہیں اور فی الحال پی ٹی آئی میں ایک مؤثر احتجاجی تحریک چلانے کی سکت نہیں ہے۔
یہ بھی پڑھیں: پی ٹی آئی کی کوئی حکمت عملی نہیں، عمران خان کی رہائی کیلئے 4 سے 5 لاکھ لوگ اسلام آباد چاہیے، شیر افضل مروت
شیر افضل مروت جو ایک شعلہ بیان مقرر ہیں اور تحریک انصاف کے کارکنوں میں مقبول ہیں کو اندرونی اختلافات کی وجہ سے گزشتہ سال پارٹی کے اہم عہدوں سے برطرف کردیا گیا تھا اور رواں سال فروری میں انہیں پارٹی سے نکال دیا گیا تھا۔ تاہم وہ تاحال اسمبلی کے رکن ہیں اور اجلاسوں میں شریک ہوتے ہیں۔
’پارٹی کی موجودہ قیادت میری مقبولیت سے خائف ہے‘ان کا کہنا ہے کہ پارٹی کی موجودہ قیادت ان کی مقبولیت سے خائف ہے اور یہی وجہ ہے کہ وہ ان کے خلاف سازشیں کرتی ہے اور اڈیالہ جیل جا کر عمران خان کے کان ان کے خلاف بھرے جاتے ہیں۔ حالانکہ وہ اب بھی پی ٹی آئی کی پارلیمانی پارٹی کا حصہ ہیں۔ نہ انہیں پارلیمانی پارٹی سے برخاست کیا گیا اور نہ ہی اسپیکر کے پاس انہیں نکالنے کی کوئی درخواست جمع کروائی گئی ہے۔
تحریک انصاف کے موجودہ سیکریٹری جنرل سلمان اکرم راجا کے خلاف چارج شیٹ پیش کرتے ہوئے شیر افضل مروت کا کہنا تھا کہ جس دن وہ پارٹی کے سیکریٹری جنرل بنے تھے اسی روز انہوں نے ان کے خلاف بیان بازی کی تھی۔
’لیکن میں نے پارٹی کے لیے بہت سی قربانیاں دی ہیں، اگر کوئی مجھے رام رکھنے کے لیے آواز اونچی کرے گا تو میں خاموش نہیں رہ سکتا۔‘
پی ٹی آئی کی موجودہ صورتحال اور حکومت سے ممکنہ مذاکرات کے متعلق گفتگو کرتے ہوئے شیر افضل مروت نے کہاکہ میں نہیں سمجھتا کہ کوئی بھی سیاستدان انفرادی حیثیت میں مذاکرات کرتا ہے مذاکرات جب بھی کبھی ہوں گے وہ پارٹی کے مقرر کردہ نمائندے پارٹی کی نمائندگی کرتے ہوئے کریں گے۔
انہوں نے کہا کہ مذاکرات کامیاب اور بانی پی ٹی آئی عمران خان کی رہائی کو ممکن بنانے کا ایک ہی راستہ ہے کہ تحریک انصاف 5 لاکھ لوگ اسلام آباد لے آئے۔ جس دن 5 لاکھ لوگ اسلام آباد آ گئے اس دن عمران خان کی آزادی ہو سکتی ہے، لیکن پی ٹی آئی اس وقت کمزور ہے اور ایسی احتجاجی تحریک نہیں چلا سکتی۔
’پی ٹی آئی کے بیشتر رہنماؤں کے اسپیکر ایاز صادق کے ساتھ رابطے ہیں‘انہوں نے کہاکہ پی ٹی آئی کے بیشتر رہنماؤں کے اسپیکر ایاز صادق کے ساتھ رابطے ضرور ہیں لیکن وہ اس لیے ہیں کہ یہ رہنما اراکین اسمبلی بھی ہیں اور 9 مئی کے مقدمات میں ہونے والی سزاؤں اور اس کے بعد ممکنہ نااہلی سے بچنے کے لیے اسپیکر قومی اسمبلی کے ساتھ رابطے میں رہنا اپنے لیے ضروری سمجھ رہے ہیں۔
واضح رہے کہ عمران خان کی قید کے دوران تحریک انصاف نے متعدد احتجاجی مظاہرے کیے ہیں اور گزشتہ سال 24 نومبر کو اسلام آباد میں ہونے والے ایک احتجاج کے دوران پارٹی کو توقع تھی کہ یہ بانی کی رہائی پر منتج ہوگا تاہم حکومت کی جانب سے بھرپور کاروائی کے بعد تمام مظاہرین منتشر ہوگئے اور اس کے بعد سے پی ٹی آئی کوئی بڑا اجتماع نہیں کرسکی۔
شیر افضل مروت نے اس صورت حال کے بارے میں اظہار خیال کرتے ہوئے کہاکہ پی ٹی آئی کو ٹھکانے لگانے میں 9 مئی کا بڑا کردار ہے، تاہم پارٹی کو سب سے زیادہ نقصان سلمان اکرم راجا نے پہنچایا ہے، جنہوں نے عمران خان سے غلط فیصلے کروائے۔
’اڈیالہ کے گرفتار ڈپٹی سپرنٹنڈنٹ پر عمران خان کی جنرل فیض سے ملاقات کروانے کا الزام ہے‘انہوں نے انکشاف کیاکہ اڈیالہ جیل کے گرفتار ڈپٹی سپرنٹنڈنٹ پر عمران خان کی جنرل فیض سے ملاقات کروانے کا الزام ہے۔
تاہم انہوں نے کہاکہ جس وقت کے حوالے سے اس ملاقات کی بات کہ گئی ہے وہ اس وقت عمران خان ان کے ساتھ بہت زیادہ رابطے میں تھے لیکن انہوں نے اس طرح کی کوئی بات نہیں سنی جس سے یہ ظاہر ہو کہ جنرل فیض کی ملاقات ہوئی ہے۔
تحریک انصاف اور عمران خان کے ساتھ اپنے تعلق کے بارے میں مزید بات کرتے ہوئے شیر افضل مروت نے کہاکہ انہوں نے عمران خان کے ساتھ ایک سال ایسا گزارا کہ جب صرف وہ اور بیرسٹر گوہر عمران خان کے ساتھ ہوتے تھے، نہ کوئی اور وکیل ہوتا تھا نہ ہی کوئی سیاسی رہنما ہوتا تھا، اس عرصے میں ان کے عمران خان سے بہت اچھے تعلقات ہوگئے تھے۔
’14 اگست کو احتجاج کا اعلان نہیں ہونا چاہیے تھا‘’پھر 8 فروری کو ہونے والے انتخابات کے بعد جب سیاسی رہنما باہر آئے تو میں نے عمران خان کے ساتھ ملاقاتیں کرا دیں، لیکن ان لوگوں نے عمران خان کے کان میرے خلاف بھرنے شروع کر دیے، پارٹی کے بہت سارے سیاسی رہنما مجھے اس لیے پسند نہیں کرتے کہ انہوں نے 26 سال گزارے اور میں کچھ ہی عرصے میں ان سے آگے نکل گیا۔ اب تحریک انصاف دن بدن کمزور ہو رہی ہے اور (اس کا اندرونی) انتشار بڑھ رہا ہے۔‘
انہوں نے کہاکہ 14 اگست کو احتجاج کا اعلان نہیں ہونا چاہیے تھا کیونکہ یہ احتجاج کا دن نہیں ہے یہ پاکستان کی تخلیق کا جشن منانے کا دن ہے۔ اگر کوئی اس دن احتجاج کرتا ہے تو وہ پاکستان بننے کے دن کی نفی کررہا ہے۔
یہ بھی پڑھیں: عمران خان کے شیر افضل مروت سے متعلق سخت ریمارکس، وکلا سے ملاقات کی اندرونی کہانی سامنے آگئی
9 مئی کے واقعات کے حوالے سے بات کرتے ہوئے شیر افضل مروت نے کہاکہ ان کے خیال میں 9 مئی کے واقعے میں عمران خان اور پارٹی کے ساتھ ناانصافی ہوئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاجی تحریک اڈیالہ جیل پاکستان تحریک انصاف پی ٹی آئی پی ٹی آئی احتجاج سانحہ 9 مئی شیر افضل مروت عمران خان رہائی وی نیوز
ہائپرسونک طیارہ، بیجنگ سے پیرس ایک گھنٹے کا سفر، پہلی کب پرواز ہوگی؟ رپورٹ سامنے آگئی