صادق آباد: کچے کے ڈاکوؤں نے 2 بچوں سمیت 13 افراد کو اغوا کرلیا
اشاعت کی تاریخ: 1st, July 2025 GMT
صادق آباد کے کچے کے علاقے میں جرائم پیشہ عناصر نے ایک بار پھر قانون نافذ کرنے والے اداروں کو چیلنج کرتے ہوئے دو بچوں سمیت 13 افراد کو اغوا کر لیا۔ یہ افسوسناک واقعہ تھانہ سونمیانی، ضلع راجن پور کی حدود میں پیش آیا، جہاں مسلح ڈاکو باغ کے علاقے میں کام کرنے والے مزدوروں کو اغوا کر کے لے گئے۔
پولیس کے مطابق اغوا کیے گئے تمام افراد کا تعلق تحصیل صادق آباد کے علاقے رحیم آباد سے ہے، اور یہ افراد ٹھیکیدار عبدالکریم منوانی کے ساتھ لیبر کے طور پر کام کر رہے تھے۔
متاثرین میں دو کم سن بچے بھی شامل ہیں جنہیں ڈاکو دیگر مزدوروں کے ساتھ اغوا کر کے کچے کے جنگلات میں لے گئے۔
Post Views: 4.ذریعہ: Daily Mumtaz
کلیدی لفظ: اغوا کر
پڑھیں:
مون سون کی پہلی بارش میں کراچی فارغ، کئی سڑکیں اور علاقے زیرآب،حادثات میں2 بچوں سمیت3 افراد جاں بحق
شہر قائد میں ہونے والی بارشوں کے بعد صورت حال گھمبیر ہوگئی ہے، شہر کی کئی سڑکیں اور علاقے زیر آب آگئے ہیں جبکہ مختلف حادثات میں باپ بیٹی سمیت تین افراد جاں بحق جبکہ 7 افراد زخمی ہوگئے۔
تفصیلات کے مطابق لیاری کے علاقے موسیٰ کالونی گلی نمبر 5 میں تیسری منزل کے فلیٹ کی چھت گرنے سے ملبے تلے دب کر باپ اور بیٹی جاں بحق ہوگئے۔
متوفی کی بیٹی ، بیٹا اور خاتون سمیت 5 افراد زخمی ہوگئے۔ واقعے کی اطلاع ملتے ہی اہل محلہ کی بڑی تعداد جمع ہوگئی جبکہ ایدھی کے رضا بھی موقع پر پہنچ گئے اور امدادی کاروائیوں کے دوران ملبے دب کر جاں بحق و زخمیوں کو سول اسپتال منتقل کیا۔
اس حوالے سے ایدھی حکام کا کہنا ہے کہ جاں بحق ہونے والوں کی شناخت 45 سالہ دانش اور اس کی کمسن بیٹی 3 سالہ عالمیہ کی لاشیں ضابطے کی کارروائی کے لیے سول اسپتال منتقل کی گئیں جبکہ متوفی دانش کی بیٹی 11 سالہ ایان اور بیٹا 12 سالہ دانش بھی زخمی ہوئے ہیں۔
اس کے علاوہ زخمیوں میں 4 سالہ زبیدہ ، 30 سالہ بینش اور 30 سالہ کاشف شامل ہے جنھیں سول اسپتال میں طبی امداد فراہم کی جا رہی ہے جبکہ ایدھی کے رضا کاروں کی جانب سے ملبہ ہٹانے کا کام جاری ہے۔
علاقہ مکین قادر نے بتایا کہ عمارت مخدوش ہے تاہم مجبوری کی وجہ سے لوگوں نے رہائش اختیار کی ہوئی ہے واقعہ چوتھی منزل کا فرش تیسری منزل پر بنے ہوئے ڈرائنگ روم میں گر گیا جہاں پر لوگ موجود تھے اور اس افسوسناک واقعے میں باپ اور کمسن بیٹی جاں بحق اور دیگر افراد زخمی ہوگئے۔
اس سے قبل منظور کالونی کے علاقے سیکٹر آئی گلی نمبر 1 میں دیوار سیمنٹ کی چادروں کی چھت پر گرنے کے نتیجے میں کمسن بیٹا جاں بحق جبکہ باپ اور بڑا بیٹا زخمی ہوگئے۔
واقعے کی اطلاع ملتے چھیپا کے رضا کار موقع پر پہنچ کر متوفی کی لاش ضابطے کی کارروائی کے لیے جناح اسپتال پہنچائی جہاں اس کی شناخت 2 سالہ حسن کے نام سے کی گئی جبکہ چھت گرنے سے متوفی حسن کا والد 40 سالہ رضوان اور بڑا بھائی 6 سالہ محمد حسین زخمی ہوگیا۔
اس حوالے سے چھیپا حکام کا کہنا ہے کہ واقعہ پہلی پڑوس کی دیوار کا کچھ حصہ سیمنٹ کی چاردوں سے بنی ہوئی گھر کی چھت پر گری تھی اس حوالے سے ایس ایچ او بلوچ کالونی مظہر کانگو نے بتایا کہ ابتدائی معلومات کے مطابق واقعہ دیوار گرنے کے باعث پیش آیا ہے جبکہ پولیس کی نفری بھی موقع پر پہنچ گئی ہے اور اس حوالے سے مزید معلومات حاصل کی جا رہی ہے۔
دوسری جانب شہر قائد میں بارشوں کے باعث کراچی کا حلیہ بگڑ گیا اور کئی نشیبی علاقوں میں دو ، دو فٹ سے زائد پانی کھڑا ہوگیا، جبکہ اختر کالونی اور گجر نالہ ابلنے کی وجہ سے نالے کا پانی گھروں میں داخل ہوگیا۔
اس کے علاوہ ریڈ زون میں گورنر ہاؤس، لیاقت آباد، ناظم آباد، اولڈ سٹی ایریا سمیت دیگر علاقے بھی نالوں کا منظر پیش کرنے لگے۔
اُدھر میئر کراچی نے شہر کے مختلف علاقوں کا دورہ کیا اور نکاسی کے کام پر اطمینان کا اظہار کرتے ہوئے شہریوں کو یقین دلایا کہ جن علاقوں میں پانی جمع ہے وہاں سے جلد اخراج کردیا جائے گا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی