یورپ میں ہیٹ ویو کی شدید لہر، سب سے زیادہ گرمی کہاں پڑ رہی ہے؟
اشاعت کی تاریخ: 1st, July 2025 GMT
یورپ اس وقت تاریخ کی شدید ترین گرمی کی لپیٹ میں ہے، جہاں اسپین، پرتگال، فرانس، جرمنی اور برطانیہ میں درجہ حرارت نئے ریکارڈ قائم کر رہا ہے۔ اقوام متحدہ کے سیکریٹری جنرل انتونیو گوتریش نے کہا ہے کہ انتہائی گرمی اب غیر معمولی نہیں رہی، یہ ہمارا نیا معمول بن چکی ہے۔
اسپین: جون کا نیا ریکارڈاسپین نے جون میں اب تک کا سب سے زیادہ درجہ حرارت ریکارڈ کیا۔ ہویلو (Huelva) کے علاقے میں 46 ڈگری سینٹی گریڈ درجہ حرارت ریکارڈ کیا گیا، جو 1965 میں سیویل میں ریکارڈ کیے گئے 45.
ہیٹ ڈوم نامی موسم کی غیر معمولی صورتحال مغربی یورپ پر چھائی ہوئی ہے، جس میں ایک ہائی پریشر سسٹم گرم اور خشک ہوا کو ایک جگہ روک کر رکھتا ہے، جس سے گرمی کی شدت بڑھ جاتی ہے۔
مزید پڑھیں: ملک کے میدانی علاقے شدید گرمی کی زد میں، ہیٹ ویو کب تک برقرار رہے گا؟
پرتگال: 46.6 ڈگری کی جانچ جاریاقوام متحدہ کے سیکریٹری جنرل جو سیویل میں ایک ترقیاتی کانفرنس میں شریک تھے، انہوں نے خود گرمی کی شدت کا ذکر کرتے ہوئے کہا کہ وہ اسے براہِ راست محسوس کر رہے ہیں۔ اُن کے آبائی ملک پرتگال کے مشرقی قصبے مورا میں اتوار کو 46.6 ڈگری ریکارڈ ہوا، جو ممکنہ طور پر نیا جون ریکارڈ ہو سکتا ہے۔
پرتگال میں 7 اضلاع میں ریڈ الرٹ جاری کیا گیا ہے، جہاں درجہ حرارت 43 ڈگری سے تجاوز کرنے کی پیشگوئی ہے۔
فرانس کے بیشتر علاقے شدید گرمی کی لپیٹ میں ہیں، اور پیرس سمیت 16 اضلاع کو منگل کے روز ریڈ الرٹ پر رکھا جائے گا، جو موسمی انتباہ کی اعلیٰ ترین سطح ہے۔
جنوب مغربی علاقے اودے (Aude) میں رواں سیزن کی پہلی بڑی جنگلاتی آگ نے 400 ہیکٹرز پر محیط علاقے کو جلا دیا ہے۔ قریبی کیمپ سائٹ خالی کرالی گئی ہے اور 300 سے زائد فائر فائٹرز اور واٹر بمبرز کو متحرک کیا گیا ہے۔
جرمنی: گرمی شمال کی طرف بڑھ رہی ہےجرمنی میں منگل اور بدھ کو شدید گرمی کی پیشگوئی کی گئی ہے۔ جنوب مغربی جرمنی میں پیر کو درجہ حرارت 35 ڈگری تک پہنچا، جبکہ بدھ کو بعض علاقوں میں 40 ڈگری کا امکان ہے۔ پورے ملک میں اوسط درجہ حرارت 18.5 ڈگری ریکارڈ کیا گیا، جو 1961-1990 کے حوالہ جاتی عرصے سے 3.1 ڈگری زیادہ ہے۔
مزید پڑھیں: پاکستان ہیٹ ویو کے نشانے پر، درجہ حرارت معمول سے زیادہ ہونے کا امکان
برطانیہ: ومبلڈن کا گرم ترین دنگرمی کی لہر جنوبی برطانیہ تک بھی پہنچ گئی ہے، جہاں ومبلڈن میں پیر کو تاریخ کا گرم ترین دن ریکارڈ کیا گیا۔ Kew Gardens میں 29.7 ڈگری، جبکہ ٹورنامنٹ وینیو پر 33 ڈگری درجہ حرارت ریکارڈ ہوا۔ حکام نے 30.1 ڈگری سے اوپر کے درجہ حرارت پر کھلاڑیوں کو وقفہ دینے کی ہدایت جاری کی ہے۔
لندن اور جنوب مشرقی انگلینڈ میں پیر کے روز 34 ڈگری تک گرمی پہنچنے کی پیشگوئی کی گئی تھی، اور وہاں بھی ہیٹ الرٹ جاری کیا گیا ہے۔ ماہرین کے مطابق ہفتے کے آخر میں ایک ٹھنڈی ہواؤں کا سلسلہ متوقع ہے، جو عارضی ریلیف فراہم کرسکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین برطانیہ پرتگال جرمنی درجہ حرارت فرانس گرمی ہیٹ ویوذریعہ: WE News
کلیدی لفظ: اسپین برطانیہ پرتگال ہیٹ ویو ریکارڈ کیا سے زیادہ گرمی کی کیا گیا ہیٹ ویو
پڑھیں:
گلوبل صمود فلوٹیلا پر حملہ : یورپ کے مختلف ممالک میں اسرائیل کے خلاف مظاہرے
یورپ کے مختلف شہروں میں اسرائیلی افواج کی جانب سے گلوبل صمود فلوٹیلا پر حملے کے بعد احتجاجی مظاہرے شروع ہو گئے۔ ان مظاہروں میں بڑی تعداد میں فلسطین کے حامی کارکنان، طلبہ اور یونینز کے ارکان شریک ہوئے۔
ترک خبر رساں ادارے انادولو کے مطابق اٹلی کے دارالحکومت روم میں سیکڑوں مظاہرین نے ٹرمنی اسٹیشن کے سامنے پیاچا دی چیونکوینتو پر جمع ہو کر اسرائیل کے خلاف نعرے لگائے۔ مظاہرین نے فلسطینی عوام سے اظہارِ یکجہتی کرتے ہوئے امدادی قافلے پر حملے کو بین الاقوامی قوانین کی خلاف ورزی قرار دیا۔
اسی طرح اسپین کے شہر بارسلونا میں بھی سیکڑوں افراد نے اسرائیلی قونصلیٹ کے باہر احتجاج کیا اور غزہ کے عوام کے ساتھ اپنی حمایت کا اعلان کیا۔
جرمنی کے شہر برلن میں درجنوں افراد مرکزی ریلوے اسٹیشن کے باہر جمع ہوئے اور اسرائیلی کارروائی کے خلاف مظاہرہ کیا، جبکہ بیلجیم کے دارالحکومت برسلز میں احتجاجی ریلی نکالی گئی جو پلاس دی لا بورس سے چل کر بیلجین وزارتِ خارجہ تک پہنچی۔
مظاہرین کا کہنا تھا کہ اسرائیلی حملہ انسانی ہمدردی کی کوششوں پر کھلا حملہ ہے اور عالمی برادری کو فلسطین کے مظلوم عوام کی مدد کے لیے فوری قدم اٹھانا چاہیے۔
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل