پاکستان نے اقوام متحدہ کی سلامتی کونسل کی صدارت سنبھال لی
اشاعت کی تاریخ: 1st, July 2025 GMT
---فائل فوٹو
پاکستان کو سفارتی محاذ پر ایک اہم کامیابی مل گئی، پاکستان نے جولائی 2025ء کے لیے اقوام متحدہ کی سلامتی کونسل کی صدارت سنبھال لی۔
ترجمان دفتر خارجہ شفقت علی خان نے کہا ہے کہ پاکستان یہ ذمہ داری شعور، انکساری اور یقین کے ساتھ نبھائے گا، سلامتی کونسل کی صدارت کے دوران پاکستان اقوام متحدہ کے چارٹر کی پاسداری کرے گا۔
انہوں نے کہا کہ پاکستان امن، قانون کی حکمرانی اور کثیرالجہتی سفارتکاری کا حامی ہے، سلامتی کونسل میں متوازن، شفاف اور مشاورتی طرز عمل اپنائے گا، عالمی امن کے فروغ میں اقوام متحدہ کے ساتھ کردار ادا کرتا رہا ہے۔
دفتر خارجہ کی جانب سے کہا گیا ہے کہ پاکستان دہشتگردی کے خاتمے کے لیے ہر سطح پر پُرعزم ہے۔
ترجمان نے بتایا کہ پاکستان جولائی کے دوران 2 اعلیٰ سطح کے اجلاس منعقد کرے گا۔ 22 جولائی کو امن کے فروغ اور پُرامن تصفیہ تنازعات پر اوپن ڈیبیٹ ہوگی، 23 جولائی کو مسئلہ فلسطین پر سہ ماہی اوپن ڈیبیٹ ہوگی، 24 جولائی کو او آئی سی اور اقوام متحدہ کے باہمی تعاون پر بریفنگ دی جائے گی۔
ان کا کہنا ہے کہ تینوں اجلاس کی صدارت سینیٹر اسحاق ڈار کریں گے، پاکستان کی صدارت میں سلامتی کونسل فعال، مؤثر اور مشاورتی انداز اپنائے گی، پاکستان اقوام متحدہ کے رکن ممالک کے درمیان پل کا کردار ادا کرے گا۔
.
ذریعہ
ذریعہ: Jang News
کلیدی لفظ: سلامتی کونسل کی اقوام متحدہ کے کہ پاکستان کی صدارت
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ