فون کال اسکینڈل میں تھائی لینڈ کی عدالت نے وزیراعظم کو عہدے سے معطل کردیا
اشاعت کی تاریخ: 1st, July 2025 GMT
تھائی لینڈ کی آئینی عدالت نے ملک کی خاتون وزیراعظم پیتونگاترن شیناوترا کو ان کے عہدے سے عارضی طور پر معطل کر دیا ہے۔
یہ اقدام اس وقت کیا گیا جب ایک متنازع فون کال لیک ہونے کے بعد ان پر آئینی خلاف ورزی کا الزام عائد کیا گیا۔
عدالتی اعلامیے کے مطابق، 36 سینیٹرز کی جانب سے دائر کردہ درخواست پر فیصلہ آنے تک وزیراعظم اپنے فرائض سرانجام نہیں دے سکتیں۔
سینیٹرز نے وزیراعظم پر بددیانتی، غیر شفاف طرز حکومت اور ملکی آئین کی خلاف ورزی جیسے سنگین الزامات عائد کیے ہیں۔
یہ تنازع اس وقت شروع ہوا جب تھائی وزیراعظم کی سابق کمبوڈین وزیراعظم کے ساتھ فون کال لیک ہوئی، جس میں وہ تھائی فوج کے ایک سینئر افسر پر تنقید کرتی سنائی دیتی ہیں۔
یہ فون کال تھائی-کمبوڈیا سرحد پر جھڑپوں کے بعد منظر عام پر آئی تھی، جس پر ان کو شدید عوامی اور سیاسی دباؤ کا سامنا ہوا، حتیٰ کہ استعفے کا مطالبہ بھی زور پکڑنے لگا۔
عدالت نے واضح کیا ہے کہ کیس کی مکمل سماعت اور فیصلہ آنے تک وزیراعظم کی معطلی برقرار رہے گی۔
ذریعہ: Express News
کلیدی لفظ: فون کال
پڑھیں:
ایچ ای سی کے ایگزیکٹو ڈائریکٹر ڈاکٹر ضیاء القیوم عہدے پر بحال
پروفیسر ڈاکٹر ضیاء القیوم— فائل فوٹوعدالت نے پروفیسر ڈاکٹر ضیاء القیوم کی برطرفی کے خلاف درخواست پر عبوری حکم جاری کرتے ہوئے انہیں عہدے پر بحال کر دیا۔
عدالت نے پروفیسر ڈاکٹر ضیاء القیوم کے خلاف جاری کیے گئے برطرفی کے احکامات غیر قانونی قرار دیتے ہوئے معطل کر دیا ہے، جس کے بعد وہ بطور ایگزیکٹو ڈائریکٹر ہائر ایجوکیشن کمیشن (ایچ ای سی) بحال ہو گئے ہیں۔
وفاقی ہائر ایجوکیشن کمیشن کے ایگزیکٹو ڈائریکٹر ڈاکٹر ضیاء القیوم کو ان کی کارکردگی غیر تسلی بخش قرار دے کر فارغ کر دیا ہے۔
سول جج فرسٹ کلاس ویسٹ نے اپنے حکم میں کہا کہ ڈاکٹر ضیاء القیوم کی برطرفی ہائر ایجوکیشن کمیشن آرڈیننس کی دفعہ 21 کے تحت قانونی طریقہ کار کے مطابق نہیں کی گئی۔
عدالت نے اس بات پر زور دیا کہ ملازمت سے ہٹانے کے لیے قانونی تقاضوں کی پاسداری ضروری ہے اور جب تک مکمل سماعت نہیں ہو جاتی، برطرفی کے احکامات معطل رہیں گے۔
عدالت نے 21 مئی 2025 کو جاری کیے گئے احکامات کو آئندہ سماعت تک معطل کر دیا اور قرار دیا کہ یہ احکامات بادی النظر میں غیر قانونی ہیں۔
اس دوران عدالت نے تمام فریقین کو نوٹس جاری کرتے ہوئے آئندہ سماعت کی تاریخ 16 جولائی 2025 مقرر کی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی