عوام کے لیے بُری خبر: بجلی کی فی یونٹ قیمت میں 7 روپے 41 پیسے کا ریلیف ختم
اشاعت کی تاریخ: 1st, July 2025 GMT
وزیراعظم پاکستان شہباز شریف کی جانب سے بجلی کے نرخوں میں دی گئی ریلیف مدت ختم ہونے کے بعد آج سے صارفین کو پھر گزشتہ سال کی گرمیوں والی قیمتوں پر بل ادا کرنا ہوگا۔
میڈیا رپورٹس کے مطابق اپریل 2023 میں وزیراعظم نے بجلی کی فی یونٹ قیمت میں 7 روپے 41 پیسے کی عارضی کمی کا اعلان کیا تھا، جسے عوام نے ایک بڑے ریلیف کے طور پر سراہا تھا۔ تاہم اب یہ سہولت ختم ہوگئی ہے اور میٹر دوبارہ پرانی قیمتوں کے مطابق چلیں گے۔
شہریوں نے حکومتی رویے پر تحفظات کا اظہار کرتے ہوئے کہا ہے کہ اس کمی کو مستقل کمی کا تاثر دیا گیا تھا، لیکن حقیقت میں یہ صرف ایک وقتی ایڈجسٹمنٹ تھی۔ عوام کا مطالبہ ہے کہ بجلی کے نرخوں میں طویل مدتی اور مستقل بنیادوں پر کمی کی جائے۔
ادھر وفاقی وزیر برائے توانائی اویس لغاری کا کہنا ہے کہ حکومت نے صارفین کو مستقل ریلیف دیا ہے اور صرف فیول ایڈجسٹمنٹ چارجز میں تبدیلی آتی ہے، بنیادی ٹیرف میں کوئی اضافہ نہیں کیا گیا۔
تاہم نیپرا کی جانب سے ہونے والی ایک حالیہ عوامی سماعت کے دوران صارفین نے سوال اٹھایا کہ آیا 7 روپے 41 پیسے کا ریلیف مستقل ہے یا ختم ہوچکا ہے؟ اس پر سینٹرل پاور پرچیزنگ ایجنسی کے حکام نے واضح جواب دینے سے گریز کیا، جس پر ممبر نیپرا سندھ رفیق احمد شیخ نے برہمی کا اظہار کرتے ہوئے کہا کہ صارفین کے سوالات کا صاف اور سیدھا جواب دیا جائے۔
نیپرا حکام نے سی پی پی اے کے مبہم مؤقف پر عدم اطمینان کا اظہار کرتے ہوئے معاملے کی مزید وضاحت کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی مہنگی بری خبر عارضی ریلیف ختم نیپرا وزیراعظم پاکستان وی نیوز.ذریعہ: WE News
کلیدی لفظ: بجلی مہنگی عارضی ریلیف ختم نیپرا وزیراعظم پاکستان وی نیوز
پڑھیں:
پیٹرولیم مصنوعات کی قیمتوں کا اعلان
ویب ڈیسک :حکومتِ پاکستان نے پیٹرولیم مصنوعات کی نئی قیمتوں کا اعلان کرتے ہوئے باقاعدہ نوٹیفیکیشن جاری کردیا ہے۔
نوٹیفکیشن کے مطابق حکومت نے پیٹرول کی قیمت برقرار رکھنے کا فیصلہ کیا جبکہ ہائی سپیڈ ڈیزل 6 روپے مہنگا کر دیاگیا۔ڈیزل کی نئی قیمت 284 روپے 44 پیسے مقررہو گئی۔
پیٹرول کی قیمت میں کوئی ردو بدل نہیں کیا گیا ۔پیٹرول کی قیمت 265روپے 45 پیسے برقرار ہے۔پیٹرول کی قیمت آئندہ 15 روز کے لیے برقرار رہے گی۔
پٹرولیم مصنوعات کی قیمتوں میں عالمی مارکیٹ میں قیمتوں کے تناسب سے رد و بدل ہو گیا
ڈیزل کےبعدمٹی کے تیل کی قیمت میں بھی اضافے کا نوٹیفکیشن جاری کر دیاگیا۔مٹی کے تیل کی قیمت میں 9روپے 29 پیسے فی لیٹر کا اضافہ کیا گیا ہے،جس سے مٹی کے تیل کی نئی قیمت 194روپے34پیسےفی لیٹر مقرر ہو گئی۔
نوٹیفکیشن کے مطابق مٹی کے تیل کی قیمت میں اضافے کا اطلاق آج سے ہوگا،اس سے قبل مٹی کے تیل کی قیمت 185روپے5پیسے فی لیٹر مقررتھی۔
گرین شرٹس آج روایتی حریف کو کرکٹ سکھانے کے لئے میدان میں آئیں گے
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن