شیفالی جریوالا کی موت کے بعد ملیکہ شراوت نے خواتین کو کیا نصیحت کی؟
اشاعت کی تاریخ: 2nd, July 2025 GMT
بھارت کی معروف ماڈل، اداکارہ اور ڈانسرشیفالی جریوالا کی موت کے بعد یہ بحث چھڑ گئی کہ اسی رات انہوں نے اینٹی ایجنگ انجیکشن بھی لیا تھا جس کے بعد خوبصورتی بڑھانے والے طریقہ کار اور خصوصاً اینٹی ایجنگ علاج سے جڑے ممکنہ خطرات پر نئی بحث چھڑ گئی ہے۔
حال ہی میں بالی ووڈ اداکارہ ملیکہ شراوت نے بھی اس حوالے سے گفتگو کرتے ہوئے مصنوعی کاسمیٹکس کے استعمال سے گریز کرنے اور قدرتی خوبصورتی کو اپنانے کی ترغیب دی ہے۔ انہوں نے اپنے مداحوں سے صحت مند طرزِ زندگی اختیار کرنے کی اپیل بھی کی ہے۔ یہ بیان اداکارہ شیفالی جریوالا کی گزشتہ ہفتے ہونے والی اچانک موت کے بعد سامنے آیا ہے۔
یہ بھی پڑھیں: موت سے چند لمحے قبل شیفالی کی شوہر سے کیا گفتگو ہوئی؟
ملیکہ شراوت نے حال ہی میں انسٹاگرام پر ایک ویڈیو جاری کی ہے۔ ویڈیو میں اداکارہ کا کہنا تھا کہ میں نے نہ کوئی میک اپ کیا ہے، نہ فلٹر لگایا اور نہ ہی اپنے بالوں کو برش کیا ہے اور میں یہ ویڈیو اس لیے شیئر کر رہی ہوں تاکہ سب کے ساتھ مل کر ہم ’بوٹوکس‘ اور ’آرٹیفیشل کاسمیٹک فلرز‘ کو نہ کہیں، اور صحت مند طرزِ زندگی کو ہاں کہیں۔
View this post on Instagram
A post shared by Mallika Sherawat (@mallikasherawat)
واضح رہے کہ ابتدائی پوسٹ مارٹم رپورٹ میں یہ بات سامنے آئی ہے کہ بلڈ پریشر میں اچانک کمی اور اس کے بعد دل کا دورہ پڑنے کی وجہ سے ان کا انتقال ہو سکتا ہے۔ شیفالی اپنے شوہر پراگ تیاگی کے ساتھ تھیں جس وقت ان کی طبیعت بگڑی اور انہیں فوری طور پر اسپتال لے جایا گیا جہاں ڈاکٹروں نے انہیں مردہ قرار دے دیا۔
ابتدائی رپورٹس کے مطابق شیفالی کو27 اور 28 جون کی درمیانی شب اچانک دل کا دورہ پڑا۔ حادثے کے دن شیفالی نے گھر میں ہونے والی پوجا کی وجہ سے روزہ رکھا تھا۔ کہا جاتا ہے کہ وہ اپنی پہلی غذا لیتے ہوئے بیہوش ہو کر گر گئی تھیں۔ شیفالی کے قریبی ذرائع کے مطابق اسی رات انہوں نے اینٹی ایجنگ انجیکشن بھی لیا تھا، تاہم اس انجیکشن کا اس واقعے میں کیا کردار تھا اس کی تحقیقات جاری ہیں۔
یہ بھی پڑھیں: اداکارہ شیفالی جریوالا کو دل کا دورہ کیوں پڑا؟ پوسٹ مارٹم رپورٹ سامنے آگئی
انڈین میڈیا کے مطابق اداکارہ اینٹی ایجنگ ٹریٹمنٹ کروا رہی تھیں جس میں وٹامن سی اور گلوٹاثیون شامل تھے۔ یہ مواد عام طور پر رنگت گوری کرنے اور ڈیٹوکس کے لیے استعمال ہوتا ہے۔
شیفالی کی قریبی دوست اور اداکارہ پوجا نے بھی بتایا کہ شیفالی نے وٹامن سی کی آئی وی ڈرپ لگائی تھی لیکن یہ کوئی غیر معمولی بات نہیں ہے، یہ ڈرپس آج کل سب ہی لیتے ہیں۔ کووِڈ کے بعد لوگ باقاعدگی سے وٹامن سی لینا شروع ہو گئے ہیں۔ کچھ لوگ گولی لے لیتے ہیں اور کچھ لوگ آئی وی ڈرپ کے ذریعے لیتے ہیں اور شفالی نے اسے ڈرپ کے ذریعے لیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی وی ڈرپ بالی ووڈ بوٹوکس شیفالی جریوالہ شیفالی جریوالہ موت.ذریعہ: WE News
کلیدی لفظ: ا ئی وی ڈرپ بالی ووڈ بوٹوکس اینٹی ایجنگ کے بعد
پڑھیں:
روشنیوں کے پیچھے چھپے زخم، اداکارہ سنگیتا کی زندگی کے تلخ انکشافات
پاکستان کی فلم اور ٹی وی انڈسٹری کی معروف اداکارہ اور ہدایتکارہ سنگیتا نے اپنی زندگی کے تلخ ترین پہلوؤں کا انکشاف کیا ہے۔ انہوں نے 100 سے زائد فلموں میں اداکاری کی اور اسی سے زیادہ فلموں کی کامیاب ہدایتکاری بھی کی، تاہم ذاتی زندگی میں انہیں کئی بڑے صدمات جھیلنے پڑے۔
سنگیتا حال ہی میں ٹی وی شو میں شریک ہوئیں جہاں انہوں نے بتایا کہ ان کی شادی ان کی زندگی کی سب سے بڑی غلطی اور پچھتاوا ہے۔ انہوں نے کہا کہ ایک بار ان کی والدہ فلم کے سیٹ پر آئیں اور سب کے سامنے انہیں سخت برا بھلا کہا۔
مزید پڑھیں: ’شادی کے کارڈ چھپ چکے تھے‘، سلمان خان کیساتھ تعلق پر سنگیتا بجلانی نے خاموشی توڑ دی
وہ اس قدر دل شکستہ ہوئیں کہ دریائے سوات میں کود کر خودکشی کرنے لگیں مگر فلم کے ہیرو ہمایوں قریشی نے انہیں بچالیا۔ اگلے دن ہمایوں قریشی کو شادی کی پیشکش کی اور والدین کی مخالفت کے باوجود شادی کرلی، لیکن یہ رشتہ صرف 3 سال قائم رہا۔ اس شادی سے ان کی 3 بیٹیاں ہیں جنہیں انہوں نے اکیلے پالا۔
اداکارہ نے ایک اور کربناک پہلو بھی بتایا کہ انہوں نے اپنی بڑی بیٹی کی شادی محض 16 برس کی عمر میں کردی، کیونکہ انہیں ڈر تھا کہ لوگ بطور اداکارہ کی بیٹی پر باتیں نہ بنائیں۔
مزید پڑھیں: بالی ووڈ اسٹار سلمان خان میری نقل کرتے تھے، گلوکار حسن جہانگیر
تاہم یہ فیصلہ ان کی بیٹی کے لیے تکلیف دہ ثابت ہوا اور سنگیتا آج بھی اسے اپنی زندگی کی سب سے بڑی غلطی مانتی ہیں۔ انہوں نے والدین کو نصیحت کی کہ وہ اپنے بچوں کے ساتھ سختی نہ کریں اور ماضی کی غلطیوں کو نہ دہرانے۔
سنگیتا نے بتایا کہ سال 2000 میں انہیں ہیپاٹائٹس سی ہوا جس کے بعد ڈاکٹرز نے انہیں موت کی خبر تک سنا دی۔ وہ پاکستان اور بھارت دونوں جگہ زیرِ علاج رہیں۔ انہوں نے ہمت نہ ہاری اور صحتیاب ہونے کے بعد دوسروں کو بھی پیغام دیا کہ بیماری سے لڑنا چاہیے اور امید کبھی نہیں چھوڑنی چاہیے۔
مزید پڑھیں: عدالت نے بالی ووڈ اسٹار عامر خان کے بیٹے کی فلم ریلیز ہونے سے کیوں روک دی؟
اپنے بھائی کے انتقال کا ذکر کرتے ہوئے کہا کہ وہ کینسر کے مرض میں مبتلا تھے۔ سنگیتا کے مطابق ان کے بھائی کی بیٹی بھارتی اداکارہ جیا خان تھیں، جو بھارت میں پراسرار حالات میں قتل ہوئیں۔ ان کے بھائی اپنی زندگی بھر بیٹی کے غم میں روتے رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹی وی فلم معروف اداکارہ اور ہدایتکارہ سنگیتا
پاکستان کا آذربائیجان اورآرمینیا کے درمیان تاریخی امن معاہدے کا خیرمقدم