پاکستان انٹرنیشنل اسکول جدہ (عزیزیہ) میں یادگار ری یونین تقریب
اشاعت کی تاریخ: 17th, November 2025 GMT
data-id="863a0a8" data-element_type="widget" data-widget_type="theme-post-content.default">
جدہ میں پاکستان انٹرنیشنل اسکول (عزیزیہ) میں سابق طلبہ اور اساتذہ کی ری یونین تقریب منعقد ہوئی،جس میں بڑی تعداد میں شرکاء نے شرکت کر کے اسکول کے سنہری دنوں کی یادیں تازہ کیں۔ تقریب کا انعقاد پرنسپل عتیق الرحمن کی سرپرستی میں کیا گیا، جبکہ انتظامات کی ذمہ داری سابق طالب علم محمد امجد نے سنبھالی۔ تقریب کا آغاز خیرمقدمی کلمات اور قاری عبدالباسط کی تلاوتِ قرآنِ پاک سےہوا۔ تقریب دوپہر دو بجے شروع ہوئی اور نمازِ عصر کے بعد اختتام پذیر ہوئی۔ اس موقع پر شرکاء نےاسکول گراؤنڈ میں پرانی یادوں کو تازہ کیا اور ساتھیوں کے ساتھ بچپن کے لمحات دہرائے۔ تقریب میں گروپ کی جانب سے دس اساتذہ کو تعریفی اسناد اور پرنسپل عتیق الرحمن کو وی ار ون شیلڈ پیش کی گئی۔ شرکاء نے اس اقدام کو اساتذہ کی خدمات کا اعتراف قرار دیا۔ یاختتامی لمحات میں جدہ کے مقامی ہوٹل میں عشائیہ کا اہتمام کیا گیا، جہاں تمام شرکاء نے آئندہ بھی رابطہ برقرار رکھنے کے عزم کا اظہار کیا۔ تقریب کی نظامت محمد امجد نے کی، معاونت عبدالعزیز کریم بخش نے جبکہ میڈیا کوریج عماد سجاد، احتشام، فیصل وسیم، عبدالحفیظ، شعیب الطاف اور بلال اقبال نے انجام دیا۔ سابق طلبہ نے اپنے تعلیمی دور کی یادیں تازہ کرتے ہوئے اسکول کی انتظامیہ اور اساتذہ کا شکریہ ادا کیا جنہوں نے ان کی رہنمائی کی اور زندگی میں آگے بڑھنے کا حوصلہ دیا۔ کئی فارغ التحصیل طلبہ اب مختلف ممالک میں نمایاں عہدوں پر فائز ہیں، جو اسکول کے لیے باعثِ فخر ہے۔
ذریعہ
ذریعہ: Jasarat News
کلیدی لفظ: شرکاء نے
پڑھیں:
ٹرمپ انتظامیہ نے 60 تجارتی شراکت داروں پر نئے ٹیرف عائد کر دیئے
واشنگٹن (اُردو پوائنٹ اخبارتازہ ترین - اے پی پی۔ 24 جولائی2026ء) امریکی صدر ڈونلڈ ٹرمپ کی انتظامیہ نے یورپی یونین جیسے گروپوں اور ممالک سمیت 60 تجارتی شراکت داروں سے درآمد ہونے والی مصنوعات پر 10 اور 12.5 فیصد کے نئے ٹیرف نافذ کر دیئے۔ برطانوی خبر رساں ادارے رائٹرز کے مطابق امریکی تجارتی نمائندے جیمی سن گریئر نے بیان میں کہا ہےکہ نئی ڈیوٹیز امریکی تجارتی قانون 1974 کے سیکشن 301 کے تحت نافذ کی گئی ہیں اور ان کا اطلاق امریکی درآمدات کے تقریباً 99.4 فیصد حصے پر ہوگا، تاہم تیل و گیس، کھاد اور بعض غذائی اشیاء سمیت متعدد مصنوعات کو اس سے مستثنیٰ رکھا گیا ہے۔ان ممالک میں یورپی یونین،جاپان، جنوبی کوریا، تائیوان، سوئٹزرلینڈ، کینیڈا، بھارت ، برطانیہ، میکسیکو اور دیگر شامل ہیں۔(جاری ہے)
جیمی سن گریئر نے کہا کہ امریکا تقریباً ایک صدی سے جبری مشقت سے تیار کردہ مصنوعات کی درآمد پر پابندی عائد کیے ہوئے ہے اور اس پر سختی سے عمل درآمد کرتا ہے۔ اب وقت آ گیا ہے کہ امریکا کے تجارتی شراکت دار بھی ایسے ہی موثر اقدامات کریں۔
امریکا نے ارجنٹائن، بنگلہ دیش، برطانیہ، کمبوڈیا، کینیڈا، ایکواڈور، ایل سلواڈور، گوئٹے مالا، ہونڈوراس، بھارت، انڈونیشیا، اردن، ملائیشیا، میکسیکو ،سری لنکا، ٹرینیڈاڈ اینڈ ٹوباگو سمیت متعدد ممالک پر 10 فیصد ٹیرف عائد کیا ہے۔ دوسری جانب یورپی یونین، تائیوان، جاپان، جنوبی کوریا اور سوئٹزرلینڈ پر پہلے سے موجود درآمدی محصولات کو مدنظر رکھتے ہوئے مجموعی ٹیرف 10 یا 12.5 فیصد مقرر کیا گیا ہے جبکہ باقی 38 ممالک پر 12.5 فیصد شرح نافذ کی گئی ہے جن میں چین اور ویتنام بھی شامل ہیں۔ امریکا کے اس اقدام پر متعدد ممالک نے فوری ردِعمل دیتے ہوئے احتجاج کیا۔ یورپی یونین کی خارجہ امور کی سربراہ کاجا کیلس نے کہا کہ یورپی بلاک اس اقدام کو ایک غیر متوقع دھچکا سمجھتا ہے اور امریکا کی جانب سے پیش کی گئی اس کی توجیہ ناقابلِ فہم ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع