حکومتِ سندھ کی جانب سے حالیہ اسرائیلی حملوں میں شہید ایرانی کمانڈروں، سائنسدانوں اور شہریوں کو خراجِ عقیدت
اشاعت کی تاریخ: 2nd, July 2025 GMT
کراچی میں متعین ایران کے قونصل جنرل ڈاکٹر واحد اصغری سے ملاقات میں سیدہ تحسین عابدی نے اس عزم کا اعادہ کیا کہ شہداء کی بہادری مظلوموں کے جذبۂ حریت کی زندہ مثال ہے اور یہ یاد دہانی ہے کہ عزت و وقار کی حفاظت کے لیے عظیم قربانیوں کی ضرورت ہوتی ہے۔ اسلام ٹائمز۔ حکومتِ سندھ نے حالیہ اسرائیلی حملوں میں شہید ہونے والے ایرانی کمانڈروں، سائنسدانوں اور بے گناہ شہریوں کو دل کی گہرائیوں سے خراجِ عقیدت پیش کیا ہے۔ حکومتِ سندھ کی ترجمان سیدہ تحسین عابدی نے کراچی میں متعین ایران کے قونصل جنرل ڈاکٹر واحد اصغری سے ملاقات میں ایرانی قوم سے اظہارِ یکجہتی کرتے ہوئے گہرے رنج و غم کا اظہار کیا۔ انہوں نے کہا کہ ان کی قربانی مزاحمت، غیرت اور مسلم دنیا کی خودمختاری سے وابستگی کی روشن علامت ہے۔ سیدہ تحسین عابدی نے اس عزم کا اعادہ کیا کہ شہداء کی بہادری مظلوموں کے جذبۂ حریت کی زندہ مثال ہے اور یہ یاد دہانی ہے کہ عزت و وقار کی حفاظت کے لیے عظیم قربانیوں کی ضرورت ہوتی ہے۔ ترجمان حکومتِ سندھ کے بیان میں عالمی برادری سے اپیل کی گئی کہ وہ انسانی حقوق کے اصولوں کی پاسداری کرے اور بے گناہ شہریوں پر ڈھائے گئے مظالم کی کھل کر مذمت کرے۔
.ذریعہ: Islam Times
پڑھیں:
اپنے سپہ سالار بھائی فیلڈ مارشل کو خراج تحسین، عوام کی زندگی میں بہتری کیلئے کوئی کسر نہیں چھوڑونگی: مریم نواز
لاہور (نوائے وقت رپورٹ+ نیوز رپورٹر) وزیراعلیٰ مریم نواز نے یادگار معرکہ حق، میوزیم اور پارک پراجیکٹ کی نقاب کشائی کی تقریب سے خطاب میں کہا میں وعدہ کرتی ہوں کہ عوام کی زندگی میں بہتری لانے کے لئے کوئی کسر نہیں چھوڑوں گی۔ عہد کرتے ہیں کہ پاکستان کو غربت سے آزاد کرانے کے لئے بھرپور کردار ادا کریں گے۔ اب غربت اور جہالت کے خلاف جنگ لڑیں گے۔ ملک کو بہتر بنانے کی جنگ ہوگی۔ فتنہ وفساد کے خلاف جنگ ہوگی۔ جنگ جیتنے کے لئے جنگی سازوسامان نہیں بلکہ اللہ پر غیر متزلزل ایمان ضروری ہے۔ پاک فضائیہ نے جے ایف تھنڈر، رافیل مار گرائے تو کسی کو یقین نہیں آرہا تھا۔ سیاسی طورپر تقسیم ہو کر لڑتے تو کبھی جنگ نہ جیت پاتے۔ معرکہ حق سے دنیا جان گئی کہ بنیان مرصوص کا مطلب کیا ہوتا ہے۔ لیپ ٹاپ سکیم کے لئے کالجز میں جا کر سمجھ آیا ’’یہ وطن تمہارا ہے، تم ہو پاسباں اس کے‘‘۔ پوری قوم نے متحد اور یک جان ہو کر سیسہ پلائی دیوار کھڑی کردی۔ دشمن کے رافیل طیارے گرانے والوں کوقوم سلام پیش کرتی ہے۔ اپنے سپہ سالار بھائی فیلڈ مارشل عاصم منیر کو خراج تحسین پیش کرتے ہیں جنہوں نے وار ٹائم لیڈرشپ کا اعلیٰ مظاہرہ کر کے پاکستان کو فتح سے ہمکنار کیا۔ آزادی کا یہ دن پاکستانی قوم کے نام ہے۔ پوری قوم سیسہ پلائی دیوارکی طرح افواج پاکستان کے شانہ بشانہ کھڑی ہے۔ یوم آزادی ان ماؤں کے نام جو ماتھا چوم کر بیٹوں کو میدان جنگ میں بھیجتی ہیں۔ جوان بیٹوں کو رخصت کرنے والی ماؤں کو قوم، نوازشریف اور میں سر جھکا کر سلام عقیدت پیش کرتے ہیں۔ اپنے سہاگ وطن کے لئے پیش کرنے والی بیٹیوں کو سلام کرتے ہیں۔ دفاع وطن کے لئے یتیمی کا تاج سر پر سجانے والے بچوں کو سلام پیش کرتے ہیں۔ آزادی کا دن وطن کے ان بیٹوں کے نام جنہوں نے خون دے کر وطن کی حفاظت کی۔ یوم آزادی کو سرحدوں پر دلیری سے لڑنے والے غازیو ں کے نام کرتے ہیں۔ ہر سال یوم آزادی مناتے ہیں مگر معرکہ حق کی وجہ سے اس سال مزہ ہی اور ہے۔ آج کا دن دشمن کے حملوں کا منہ توڑ جواب دینے والے جانبازوں کے نا م ہے۔ آج کا دن افواج پاکستان کی لیڈرشپ، افسروں اور جوانوں کے نام ہے۔ ملک کو ایٹمی طاقت بنا کر دفاع کو نا قابل تسخیر بنانے والے نوازشریف کے نام ہے۔ سب سے درخواست کرتی ہوں کہ آج وطن کو عظیم سے عظیم تر بنانے کا عزم کر کے اٹھیں۔ مزدور، کسانوں، ٹیچر، طلبہ اور سیاستدانوں کو کہنا چاہتی ہو ں کہ سیاسی مخالفت ایک طرف وطن کو مقدم رکھیں۔ ملک و قوم کی خدمت کا اعزاز ہرکسی کے نصیب میں نہیں ہوتا۔ بڑا عہدہ مل جائے نیت اچھی نہ ہو تو رسوائی ہوتی ہے۔ 2018ء سے شروع ہونے والے تنزلی کا سفر ختم ہوا ہے۔ یہ مٹی بہت زرخیز ہے، تھوڑا سا پانی اور تھوڑی سی محنت مانگتی ہے۔ پاکستان نے اپنے سے 4گنا بڑی طاقت کو جذبے کے ساتھ شکست دی۔ دعا ہے کہ پاکستان تا ابد آباد رہے، ہم اپنی زندگی میں رفعتوں کو چھوتا دیکھیں۔ وزیراعلی پنجاب کا منفرد اور اختراعی اقدام۔ پنجاب میں یادگار معرکہ حق، پارک اور میوزیم بنے گا۔ پراجیکٹ کی با ضابطہ نقاب کشائی کی۔ قبل ازیں وزیراعلیٰ مریم نواز نے کہا ہے کہ ’’پاکستان ہمیشہ زندہ باد‘‘- الحمدللہ رب العالمین! قوم کو 78 واں یوم آزادی مبارک ہو۔ وزیراعلیٰ نے جشن آزادی پر تشکر، اپنے پیغام میں کہا ہے کہ پاکستان جیسی بے مثال سر زمین عطا کرنے پر اللہ کریم کا شکر بجا لاتے ہیں۔ ہم آزادی کا دن مناتے ہوئے لاکھوں شہداء کو کیسے بھول سکتے ہیں۔ یوم آزادی پر ہمیں بحیثیت پاکستانی اپنا احتساب کرنا ہوگا، پاکستان نے ہمیں عزت اور آزادی دی ہم نے ملک کو کیا دیا؟۔ قبل ازیں یوم آزادی پر پنجاب بھر میں جشن کی نئی تاریخ رقم ہو گئی۔ تمام 41 اضلاع میں بیک وقت آتش بازی اور لیزر شوز کا نیا ریکارڈ قائم ہوگیا ہے۔ وزیراعلی کی ہدایت پر تمام اضلاع میں 78 ویں یوم آزادی پر خصوصی انتظامات کیے گئے تھے۔
افغان سرحد سے دراندازی کی کوشش ناکام، ژوب میں بھارتی حمایت یافتہ 33 خوارج ہلاک