مری میں مال روڈ پر دو تاجر گروپوں میں فائرنگ، گولیاں لگنے سے 3 افراد زخمی
اشاعت کی تاریخ: 2nd, July 2025 GMT
فوٹو: اسکرین گریب: سوشل میڈیا
مری میں مال روڈ پر دو تاجر گروپوں میں کھلے عام فائرنگ کا تبادلہ ہوا ہے، گولیاں لگنے سے 3 افراد زخمی ہوگئے۔
فائرنگ کی ویڈیوز بھی سامنے آگئیں۔ فریقین وقفے وقفے سے ایک دوسرے پر فائرنگ کرتے رہے۔ پتھراؤ بھی کیا گیا۔
ترجمان مری پولیس کا کہنا ہے کہ دونوں گروپوں کے خلاف قانونی کارروائی کی جارہی ہے۔ کسی کو قانون ہاتھ میں لینے کی اجازت نہیں دی جائے گی۔
ذریعہ: Jang News
پڑھیں:
پشاور میں جھگڑے کے دوران اسلحے کا آزادانہ استعمال، ٹیوشن جانے والا بچہ گولی لگنے سے جاں بحق
پشاور کے علاقے بڈھ بیر میں جھگڑے کے دوران ہونے والی فائرنگ کی زد میں آکر ننھا بچہ جاں بحق ہوگیا۔
ایکسپریس نیوز کے مطابق بڈھ بیر میں جھگڑے کے دوران اسلحے کے آزادنہ استعمال اور فائرنگ کی زد میں آکر ٹیوشن سے گھر جانے والا کمسن بچہ جاں بحق ہوگیا۔
اسکول یونیفارم میں طالب علم کی لاش آبائی علاقہ مردان پہنچا دی گئی سوشل میڈیا پر پشاور میں کلاشنکوف کلچر کے خلاف مہم ، کاروائی کا مطالبہ زور پکڑ گیا۔
ابتدائی تفصیلات کے مطابق تھانہ بڈھ بیر کی حدود بازید خیل میں سابقہ قتل مقاتلے کی دشمنی کی بنا پر فریق اول کامران ساجد پسران سفیر نے فریق دوم عاطف کے درمیان فائرنگ کا تبادلہ ہوا۔
جس میں اسکول کا طالب علم اسحاق گولی کی زد میں آکر جاں بحق ہوگیا۔
واقعے کی اطلاع ملتے ہی ڈی ایس پی بڈھ بیر سرکل ظفر خان مقامی پولیس کے ہمراہ فوری موقع پر پہنچ کر نعش کو پوسٹ مورٹم کیلئے منتقل کردیا۔
ملوث ملزمان کی گرفتاری کیلئے چھاپہ مارا گیا لیکن کوئی گرفتاری عمل میں نہیں لائی جا سکی۔
آئندہ ہفتے مذاکرات: ایران نے امریکی صدر ٹرمپ کا دعویٰ مسترد کر دیا