اسلام آباد، وزیر اعلیٰ جی بی حاجی گلبر خان کی چیئرمین واپڈا سے ملاقات
اشاعت کی تاریخ: 3rd, July 2025 GMT
چیئرمین واپڈا نوید اصغر چوہدری نے وزیر اعلیٰ کو یقین دلایا کہ متاثرین ڈیم اور واپڈا کے مابین طے پانے والے معاہدے پر تیزی سے عملدرآمد کو یقینی بنائیں گے اور متاثرین دیامر بھاشا ڈیم کی محرومیوں کو دور کریں گے۔ اسلام ٹائمز۔ وزیر اعلیٰ گلگت بلتستان حاجی گلبر خان نے چیئرمین واپڈا نوید اصغر چوہدری سے اسلام آباد میں ملاقات کی۔ اس موقع پر وزیر اعلیٰ نے نوید اصغر چوہدری کو چیئرمین واپڈا کی ذمہ داری سنبھالنے پر مبارک باد دیتے ہوئے نیک خواہشات کا اظہار کیا۔ وزیر اعلیٰ نے کہا کہ دیامر کے عوام نے ملک کے وسیع تر مفاد میں قربانیاں دی ہیں۔ متاثرین ڈیم کے جائز تحفظات کے ازالے کیلئے وزیر اعظم پاکستان کی جانب سے بنائی جانے والی وزارتی کمیٹی کی سفارشات کی روشنی میں وزیر اعظم پاکستان کی منظوری سے متاثرین ڈیم اور واپڈا کے مابین طے پانے والے معاہدے پر فوری عملدرآمد کیلئے اقدامات اٹھائے جائیں۔ وزیر اعلیٰ نے کہا کہ دیامر بھاشا ڈیم کے CBMs پر بھی عملدرآمد کو تیز کیا جائے تاکہ متاثرین میں پائی جانے والی محرمیوں کا ازالہ کیا جا سکے۔ دیامر بھاشا ڈیم ملک کے روشن مستقبل کیلئے انتہائی اہم منصوبہ ہے، ہماری خواہش ہے کہ اس منصوبے کی تعمیر میں کسی قسم کی رکاوٹ پیش نہ ہو۔ اس موقع پر وزیر اعلیٰ نے داریل میں واپڈا کی جانب سے تعمیر کئے جانے والا پاور پروجیکٹ کی تکمیل کے حوالے سے بھی بات کی۔ اس موقع پر وزیر اعلیٰ نے چیئرمین واپڈا کو گلگت بلتستان دورے کی دعوت دی جس کو چیئرمین واپڈا نوید اصغر چوہدری نے قبول کر لی۔چیئرمین واپڈا نوید اصغر چوہدری نے وزیر اعلیٰ کو یقین دلایا کہ متاثرین ڈیم اور واپڈا کے مابین طے پانے والے معاہدے پر تیزی سے عملدرآمد کو یقینی بنائیں گے اور متاثرین دیامر بھاشا ڈیم کی محرومیوں کو دور کریں گے۔
.
ذریعہ
ذریعہ: Islam Times
کلیدی لفظ: چیئرمین واپڈا نوید اصغر چوہدری دیامر بھاشا ڈیم متاثرین ڈیم وزیر اعلی
پڑھیں:
وزیر اعلیٰ سہیل آفریدی نے بجٹ پاس کرنےکی بات کی تو علیمہ خان نے ٹوک دیا
علیمہ خان : فائل فوٹوبانی پاکستان تحریک انصاف (پی ٹی آئی) کی بہن علیمہ خان نے خیبر پختونخوا کا بجٹ پاس کرنے کی بات پر سہیل آفریدی کو تنبیہ کردی۔
راولپنڈی میں میڈیا سے گفتگو کے دوران وزیر اعلیٰ سہیل آفریدی نے بجٹ پاس کرنے کی بات کی تو علیمہ خان نے ٹوک دیا، بانی پی ٹی آئی کی بہن نے کہا کہ آپ بجٹ پاس کیوں کر رہے ہیں؟ ان سے کہیں پہلے میری ملاقات کروائیں۔
وزیر اعلیٰ خیبر پختونخوا سہیل آفریدی گورکھ پور ناکے پر پہنچ گئے، سہیل آفریدی سرکاری پروٹوکول میں گورکھ پور ناکے پر پہنچے۔
علیمہ خان نے کہا کہ بانی پی ٹی آئی نے پچھلے سال بھی کہا تھا میرے ساتھ بجٹ ڈسکس کرو، آپ آج بھی ان سے کہیں بجٹ سے پہلے بانی پی ٹی آئی سے ملاقات کروائیں۔
انہوں نے کہا کہ بانی پی ٹی آئی کو تنہا کیا گیا جو غیر قانونی اور غیر آئینی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ