اسلام آباد ہائیکورٹ کے ججز کی تعطیلات کا شیڈول جاری، چیف جسٹس سرفراز ڈوگر چھٹی نہیں کریں گے
اشاعت کی تاریخ: 3rd, July 2025 GMT
اسلام آباد ہائیکورٹ کی موسم گرما کی تعطیلات میں ججز کی چھٹیوں اور دستیابی کا آفس آرڈر جاری کر دیا گیا، چیف جسٹس سرفراز ڈوگر کوئی چھٹی نہیں کریں گے، جسٹس محسن اختر کیانی اور جسٹس محمد آصف نے ابھی شیڈول نہیں بتایا جبکہ دیگر ججز تقریباً ایک ماہ چھٹی کریں گے۔
اسلام آباد ہائیکورٹ نے جولائی اور اگست 2025 کے لیے عدالتی تعطیلات کا باقاعدہ شیڈول جاری کر دیا ہے، جس کے تحت عدالت کے مختلف معزز ججز کی دستیابی اور عدم دستیابی کی تفصیلات سامنے آ گئی ہیں۔
اسلام آباد ہائیکورٹ کی موسم گرما کی تعطیلات میں ججز کی چھٹیوں اور دستیابی کا آفس آرڈر جاری کر دیا گیا، چیف جسٹس سرفراز ڈوگر کوئی چھٹی نہیں کرینگے، جسٹس محسن اختر کیانی اور جسٹس محمد آصف نے ابھی شیڈول نہیں بتایا جبکہ دیگر ججز تقریباً ایک ایک ماہ چھٹی کرینگے اور ایک ایک ماہ کیلئے… pic.
— Ehtsham Kiani (@ehtshamkiani) July 3, 2025
جاری کردہ آفس آرڈر کے مطابق چیف جسٹس سرفراز احمد ڈوگر تعطیلات کے دونوں مہینوں کے دوران عدالت میں فرائض انجام دیتے رہیں گے اور کسی قسم کی رخصت نہیں لیں گے جبکہ جسٹس طارق جہانگیری اور جسٹس بابر ستار جولائی میں چھٹی پر ہوں گے جبکہ اگست میں دستیاب ہوں گے۔
یہ بھی پڑھیں: 5 ماہ کے تنازعات کے بعد جسٹس سرفراز ڈوگر اسلام آباد ہائیکورٹ کے چیف جسٹس بن گئے
جسٹس خادم حسین اور جسٹس اعظم خان اگست میں رخصت پر ہوں گے جبکہ جولائی میں عدالتی فرائض انجام دیں گے، اسی طرح جسٹس ارباب محمد طاہر اگست میں چھٹی پر ہوں گے اور جولائی میں دستیاب رہیں گے۔
جسٹس سردار اعجاز اسحاق خان یکم جولائی سے 20 جولائی تک دستیاب ہوں گے، جبکہ 21 جولائی سے 30 اگست تک رخصت پر ہوں گے، جسٹس انعام امین منہاس20 جولائی سے 20 اگست تک چھٹی پر ہوں گے۔
مزید پڑھیں: اسلام آباد ہائیکورٹ میں بینچز کی تبدیلی کو لے کر ججوں کے درمیان کیا تنازع چل رہا ہے؟
اسلام آباد ہائیکورٹ کے آفس آرڈر کے مطابق جسٹس ثمن رفعت امتیاز 14 سے 18 جولائی اور پھر 4 سے 22 اگست تک رخصت پر ہوں گی، دوسری جانب جسٹس محسن اختر کیانی اور جسٹس محمد آصف کی تعطیلات کا شیڈول تاحال جاری نہیں کیا گیا۔
عدالتی ذرائع کے مطابق تعطیلات کے دوران اہم نوعیت کے مقدمات بدستور سنے جائیں گے، ان میں ضمانت کی درخواستیں، حبس بے جا سے متعلق کیسز، فکس مقدمات اور اسٹے آرڈر سے متعلق درخواستیں شامل ہوں گی۔
اسلام آباد ہائیکورٹ کی ڈائری برانچ بھی تعطیلات کے دوران مقدمات کی فائلنگ کے لیے کھلی رہے گی تاکہ فوری نوعیت کے مقدمات کی کارروائی جاری رکھی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ آفس آرڈر تعطیلات جسٹس بابر ستار جسٹس ثمن رفعت امتیاز جسٹس سرفراز ڈوگر جسٹس طارق جہانگیری جسٹس محسن اختر کیانی جسٹس محمد آصف چیف جسٹس ڈائری برانچذریعہ: WE News
کلیدی لفظ: اسلام ا باد ہائیکورٹ تعطیلات جسٹس بابر ستار جسٹس ثمن رفعت امتیاز جسٹس سرفراز ڈوگر جسٹس طارق جہانگیری جسٹس محسن اختر کیانی چیف جسٹس ڈائری برانچ جسٹس محسن اختر کیانی اسلام آباد ہائیکورٹ جسٹس سرفراز ڈوگر چیف جسٹس سرفراز کی تعطیلات پر ہوں گے اور جسٹس ججز کی
پڑھیں:
بلوچستان ہائیکورٹ: ٹرانسپورٹ پر پابندی کا حکم فوری واپس لینے اور محفوظ علاقوں میں انٹرنیٹ بحال کرنے کا حکم
بلوچستان ہائیکورٹ نے پبلک ٹرانسپورٹ پر پابندی اور موبائل انٹرنیٹ سروس بحال کرنے کا حکم دیدیا۔
بلوچستان ہائیکورٹ میں پبلک ٹرانسپورٹ اور موبائل انٹرنیٹ سروس کی بندش سے متعلق درخواست پر سماعت چیف جسٹس روزی خان بڑیچ اور جسٹس سردار احمد حلیمی پر مشتمل 2 رکنی بینچ نے کی۔
سماعت کے دوران عدالت نے صوبائی حکومت کو ہدایت دی کہ پبلک ٹرانسپورٹ پر عائد پابندی سے متعلق جاری حکم نامہ فوری طور پر واپس لیا جائے تاکہ عوام کو سفری مشکلات کا سامنا نہ ہو۔
یہ بھی پڑھیے بلوچستان ہائیکورٹ میں موبائل انٹرنیٹ کی بندش پر سماعت، سیکریٹری داخلہ اور پی ٹی اے کے افسران طلب
عدالت نے مزید حکم دیا کہ صوبے کے وہ علاقے جہاں سیکورٹی خدشات نہیں پائے جاتے، وہاں موبائل انٹرنیٹ سروس فوراً بحال کی جائے۔ ساتھ ہی بلوچستان حکومت کو ہدایت کی گئی کہ صوبے بھر میں 31 اگست تک موبائل انٹرنیٹ بند رکھنے کے نوٹیفکیشن پر دوبارہ غور کیا جائے اور اس پر مناسب فیصلہ کیا جائے۔
یہ بھی پڑھیے بلوچستان اسمبلی میں موبائل انٹرنیٹ بندش کے خلاف تحریک التوا جمع
بلوچستان ہائیکورٹ نے کیس کی مزید سماعت 21 اگست تک ملتوی کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان ہائیکورٹ پبلک ٹرانسپورٹ پر پابندی جسٹس سردار احمد حلیمی چیف جسٹس روزی خان موبائل انٹرنیٹ سروس پر پابندی
بھارتی ایئر چیف کے دعوے مسترد، وزیر دفاع کا دونوں ممالک کے طیاروں کی گنتی کا مطالبہ