بھارت کیخلاف جنگ میں غیبی مدد آئی، ایران اسرائیل سیز فائر کے پیچھے بھی وردی ہے، وزیر داخلہ
اشاعت کی تاریخ: 3rd, July 2025 GMT
وفاقی وزیر داخلہ محسن نقوی نے کہا ہے کہ بھارت کیخلاف جنگ میں غیبی مدد آئی جب کہ ایران سیز اور ایران کی نظر آنے والی کامیابی کے پیچھے بھی وردی ہے۔
اسلام آباد میں وفاقی وزیر داخلہ محسن نقوی کی زیر صدارت علمائے کرام کے ساتھ محرم الحرام میں امن و امان سے متعلق اہم اجلاس ہوا۔
اجلاس میں وزیر مملکت برائے داخلہ طلال چوہدری، رویت ہلال کمیٹی کے سربراہ مولانا عبدالخبیر آزاد سمیت دیگر اہم مذہبی شخصیات نے شرکت کی۔
اجلاس میں اظہار خیال کرتے ہوئے محسن نقوی نے کہا کہ قیام امن میں علماء کرام نے ہمیشہ اہم کردار ادا کیا، چیئرمین رویت ہلال کمیٹی تمام مکاتب فکر کے لوگوں کو ساتھ لے کر چلیں، اپنا مسلک چھوڑو نہ، اور کسی کا مسلک چھیڑو نہ، کی تھیم رکھنی چاہئے۔
محسن نقوی نے کہا کہ پاک بھارت جنگ کے دوران غیبی مدد آئی، دونوں ملکوں میں کشیدگی میں نہیں چاہتے، اس کوشش تھی کہ کوئی بھارتی شہری مارا جائے، پاکستان نے میزائل فائر کیے، کچھ نمبر آگے پیچھے ہوگئے، ڈر تھا کہ شہری آبادی کو نقصان نہ ہو لیکن پاکستانی میزائل بھارت کے سب سے بڑے آئل ڈپو میں لگے۔
اس کے علاوہ بھارت نے ایک پاکستانی بیس پر تقریباً 11 میزائل فائر کیے، اس بیس پر ہمارے جہاز اور لوگ بھی موجود تھے، خدشہ تھا کہ بھارتی میزائلوں سے بہت نقصان ہوگا، ہمیں اطلاع ملی کہ بھارتی میزائلوں سے کوئی نقصان نہیں ہوا۔
انہوں نےکہا یہ صرف دو قصے ہیں جو میں نے بتائے کہ کس طرح سے غیبی مدد آئی۔
وزیر داخلہ کا کہنا ہے کہ کسی ایک بھارتی میزائل سے پاکستان کے جہاز اور لوگوں کو نقصان نہیں پہنچا، آرمی چیف نے واضح کردیا تھا کہ حملہ کرنے پر بھارت اس سے زیادہ بھگتے گا۔
محسن نقوی نے کہا کہ اسرائیل کی ایران کے خلاف جارحیت اور جنگ بندی میں وزیر اعظم کا اہم کردار ہے اور اس کے پیچھے اور ایران کی نظر آنے والی کامیابی کے پیچھے بھی وردی ہے۔
وزیر داخلہ نے کہا کہ میں آگے ڈیٹیل میں نہیں جانا چاہتا، جس طرح سے انہوں نے بات کی، جس طرح سے عالمی رہنماؤں کو قائل کیا ہے، اس پر ہم سب کو فخر کرنا چاہئے۔
.
ذریعہ: Express News
کلیدی لفظ: محسن نقوی نے کہا وزیر داخلہ نے کہا کہ کے پیچھے
پڑھیں:
فیلڈ مارشل کی حکمت عملی سے بھارت کے خلاف جنگ میں کامیابی حاصل ہوئی، محسن نقوی
وفاقی وزیرداخلہ محسن نقوی نے کہا ہے کہ فیلڈ مارشل کی بہترین حکمت عملی سے ہمیں بھارت کے خلاف جنگ میں کامیابی حاصل ہوئی، مسلح افواج نے ایک اسٹریٹیجی سے جنگ لڑی۔
لاہور میں سیمینار سے خطاب کرتے ہوئے وفاقی وزیرداخلہ محسن نقوی نے کہا کہ پاک بھارت جنگ کے بہت سے واقعات کا عینی شاہد رہا ہوں، میں خاموش اور پسِ پردہ مجاہدوں کو خراجِ تحسین پیش کرنا چاہتا ہوں کیونکہ ان کا ذکر ہمیشہ کم ہوتا ہے، اس جنگ میں ہمیں اللہ تعالیٰ کی غیبی مدد بھی حاصل تھی۔ بھارت نے ہمارے ایک ایئر بیس پر سات میزائل فائر کیے، ہمیں پتا چل گیا کہ یہ پاکستان کی طرف آ رہے ہیں اور کس بیس کی طرف جا رہے ہیں۔
یہ بھی پڑھیں: کیا محسن نقوی وزیراعظم بننے کے خواہش مند ہیں؟ اسحاق ڈار نے بتا دیا
محسن نقوی نے کہا کہ سب لوگ پریشان ہوگئے کہ یہ میزائل جس بیس کی طرف جا رہے ہیں وہ بہت اہم ایئر بیس ہے، ہمارے کئی قیمتی اثاثے وہاں موجود ہیں، لیکن ان سات میزائلوں میں سے ایک بھی ایئر بیس کے اندر جا کر نہیں گرا۔ دوسری بات یہ کہ ہماری پوری کوشش رہی کہ ہم بھارت کو یہ موقع نہ دیں کہ وہ ڈراما کرسکے کہ سول افراد زخمی ہوئے یا سویلین مارے گئے۔ ہم نے جس ایئر بیس پر میزائل فائر کیے وہ آبادی کے قریب تھا، ہمیں فکر ہوئی کہ سویلینز نہ مارے جائیں، بھارت کا آئل ڈپو تباہ ہوگیا اور کوئی سویلین ہلاکت نہیں ہوئی۔
ہم پر دنیا کا دباؤ تھا کہ آپ نے پہلے ہی بھارت کے جہاز گرا دیے ہیں، مزید بھارت پر حملہ نہ کریں۔ لیکن اس کے باوجود فیلڈ مارشل اور وزیرِاعظم شہباز شریف نے سارا دباؤ برداشت کیا اور بھارت کو منہ توڑ جواب دیا۔ وفاقی وزیرِ داخلہ، محسن نقوی pic.twitter.com/HFoiZ8g2Ic
— WE News (@WENewsPk) August 17, 2025
انہوں نے کہا کہ کچھ لوگ انٹیلی جنس ایجنسیوں کے خلاف بہت باتیں کرتے ہیں، بھارت سے جنگ کے دوران ہماری انٹیلی جنس ایجنسیوں نے بہترین کام کیا، بھارت کی ہر پلاننگ ہمارے پاس پہلے پہنچ جاتی تھی۔ بھارتی جہاز گرانے کا فیصلہ کیا تو کہا کہ ثبوت آنے تک ہم اعلان نہیں کریں گے۔ ہم ریڈار میں دیکھ چکے تھے کہ ہماری فورسز نے بھارت کے پانچ طیارے گرائے ہیں، اس کے بعد منٹوں میں شواہد ہمارے پاس آ گئے۔
یہ بھی پڑھیں: بھارت کو ایک اور ناکامی، محسن نقوی کی قیادت میں اے سی سی کا کورم مکمل، اہم اجلاس آج ہوگا
ان کا کہنا تھا کہ بھارت کی بہت ساری تنصیبات ہمارے ٹارگٹ پر تھیں جو ہم آسانی سے تباہ کرسکتے تھے، ہم نے ان کے 36 کے قریب اہداف ٹارگٹ کیے اور تمام کے تمام کامیاب ثابت ہوئے۔
وزیرداخلہ کا کہنا تھا کہ فیلڈ مارشل کی بہترین حکمت عملی سے ہمیں جنگ میں کامیابی حاصل ہوئی۔ گواہی دے سکتا ہوں کہ فیلڈ مارشل نے جنگ میں بہترین قیادت کی۔ بھارت پاکستان میں دہشت گردی کرا رہا ہے اور ہماری سیکیورٹی فورسز کے خلاف بھرپور کارروائیاں کر رہا ہے۔
انہوں نے کہا کہ مسلح افواج نے متحد ہو کر ایک اسٹریٹیجی سے جنگ لڑی، دوسری طرف انڈین ایئرفورس چیف مودی سے علیحدہ مل رہا تھا، آرمی چیف علیحدہ مل رہا تھا، نیول چیف علیحدہ مل رہا تھا، اور وہ آپس میں اتنے دور تھے جس کا نتیجہ انہوں نے خود دیکھ لیا۔
وفاقی وزیر داخلہ نے مزید کہا کہ اجیت دوول اورامیت شاہ بھارتی حکومت چلارہے ہیں، دونوں حکومت کے ساتھ مودی کو بھی لے ڈوبیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت پاکستان جنگ شہباز شریف عاصم منیر فیلڈ مارشل محسن نقوی وزیراعظم وزیرداخلہ
بھارتی ایئر چیف کے دعوے مسترد، وزیر دفاع کا دونوں ممالک کے طیاروں کی گنتی کا مطالبہ