وفاقی وزیر مذہبی امور سردار محمد یوسف سے ترکیہ کے قونصلر برائے مذہبی امور کی ملاقات
اشاعت کی تاریخ: 3rd, July 2025 GMT
وفاقی وزیر مذہبی امور سردار محمد یوسف سے ترکیہ کے سفارتخانے میں تعینات قونصلر برائے مذہبی امور ڈاکٹر عبدالرحمان آق کوش نے ملاقات کی، جس میں دینی علوم، مذہبی ہم آہنگی، رفاحی منصوبوں اور باہمی تعاون کے فروغ سے متعلق تفصیلی تبادلہ خیال کیا گیا۔
ملاقات کے دوران سردار محمد یوسف نے کہا کہ پاکستان اور ترکیہ کے درمیان اسلامی اخوت اور بھائی چارے پر مبنی تعلقات قائم ہیں، جو وقت کے ساتھ مزید مضبوط ہو رہے ہیں۔ اُنہوں نے کہا کہ دونوں ممالک کی حکومتیں سیاسی، اقتصادی، دینی اور ثقافتی شعبوں میں دوطرفہ تعلقات کو فروغ دے رہی ہیں، جو خوش آئند ہے۔
وزیر مذہبی امور نے ترکیہ کی جانب سے اسلامو فوبیا کے خلاف دو ٹوک مؤقف، کشمیر و فلسطین کے مظلوم عوام کی حمایت اور عالمی سطح پر امت مسلمہ کے مسائل اجاگر کرنے کی کوششوں کو سراہا۔ انہوں نے ڈاکٹر عبدالرحمان کی بطور حافظ قرآن اور دینی علوم کے ماہر کی حیثیت سے پاکستان میں تعیناتی کو ترکیہ حکومت کا ایک احسن اقدام قرار دیا۔
مزید پڑھیں: وفاقی وزیر مذہبی امور سردار یوسف کا پاکستان حج مشن مدینہ منورہ کا دورہ
سردار محمد یوسف نے کہا کہ ترکیہ کی دیانت فاؤنڈیشن نے رمضان پیکیج، قربانی مہم، صحت، تعلیم اور صاف پانی کی فراہمی جیسے متعدد رفاحی منصوبے پاکستان میں کامیابی سے مکمل کیے ہیں۔ انہوں نے 2005 کے زلزلے کا حوالہ دیتے ہوئے کہا کہ وہ اُس وقت بطور ناظم ضلع مانسہرہ ترکیہ کے بے لوث تعاون کے عینی شاہد ہیں۔
اس موقع پر انہوں نے رویت ہلال کے مسئلے پر عالمِ اسلام میں مشترکہ لائحہ عمل اختیار کرنے کے لیے ترکیہ کے ساتھ مشاورت کی خواہش کا بھی اظہار کیا۔
ڈاکٹر عبدالرحمان آق کوش نے اس موقع پر کہا کہ ترکیہ پاکستان کے ساتھ دینی تعلیم، صحت اور رفاحی کاموں میں تعاون کو مزید وسعت دینا چاہتا ہے۔ انہوں نے بتایا کہ دیانت فاؤنڈیشن پاکستان میں یتیم بچوں کے لیے ایک ہزار اسکول بیگ، ایک سو اعلیٰ تعلیمی وظائف اور سیرتِ نبویؐ پر مبنی رسائل فراہم کر رہی ہے، جبکہ نادار افراد کے لیے رمضان پیکیج، قربانی کا گوشت، اور صاف پانی کے کنوؤں کے منصوبے بھی جاری ہیں۔
انہوں نے یہ بھی بتایا کہ ترکیہ کا فتویٰ کمیشن جلد پاکستان کا دورہ کرے گا، جس میں علمائے کرام سے ملاقاتیں اور مذہبی امور پر مشاورت کی جائے گی۔ ڈاکٹر عبدالرحمان نے وفاقی وزیر سردار محمد یوسف کی امت مسلمہ سے متعلق فکر اور عزم کو قابل تقلید قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترکیہ ڈاکٹر عبدالرحمان آق کوش سردار محمد یوسف قونصلر برائے مذہبی امور وفاقی وزیر مذہبی امور.
ذریعہ
ذریعہ: WE News
کلیدی لفظ: ترکیہ ڈاکٹر عبدالرحمان آق کوش سردار محمد یوسف وفاقی وزیر مذہبی امور وفاقی وزیر مذہبی امور ڈاکٹر عبدالرحمان سردار محمد یوسف ترکیہ کے انہوں نے کے لیے کہا کہ
پڑھیں:
آزاد کشمیر الیکشن، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق
مظفر آباد(ڈیلی پاکستان آن لائن)آزاد کشمیر قانون اسمبلی کے انتخابات کے حوالے سے بڑی سیاسی پیشرفت سامنے آئی ہے، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق ہو گیا۔
صدر استحکام پاکستان پارٹی آزاد کشمیر سردار تنویر الیاس اور مسلم کانفرنس کے صدر سردارعتیق کی ملاقات میں اہم پیشرفت سامنے آئی ہے۔ آزاد کشمیر کے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کےبعد بھی مشترکہ حکمت عملی کےتحت آگےبڑھنے پر اتفاق کیا ہے۔ طے پایا کہ دونوں جماعتوں کی مشترکہ رابطہ کمیٹی امیدواروں کی حمایت کا حتمی اعلان جلدکرے گی۔
لومئیربرادرز اپنی ایجاد پر بہت مسرور تھے، وہ جہاں بھی اپنا سینما لے کر جاتے لوگ ششدر رہ جاتے ، وہ یہ کھیل تماشہ لے کر ہندوستان بھی آئے تھے
دونوں قائدین نے مسلح افواج اوراداروں کی مسئلہ کشمیر اجاگر کرنے کی کوششوں کی تعریف کی۔ ملاقات میں آئی پی پی کی جانب سے سردار امتیاز،سردارافتخار رشید اور سردارمنظور ایڈووکیٹ موجود تھے۔ سردارمحمود خان، سردار شجاع منگول، شبدیزصابر سمیت دیگر آئی پی پی رہنما بھی شریک ہوئے۔ جبکہ مسلم کانفرنس کے سردارعثمان عتیق،ڈاکٹرعرفان اشرف،سردارعفان عتیق،راجاعبدالجبار اور دیگر نے شرکت کی۔
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی