اسٹارلنک کو لائسنس کے حصول میں شدید مشکلات کا سامنا، عارضی رجسٹریشن منسوخ
اشاعت کی تاریخ: 3rd, July 2025 GMT
اسپیس ایکس کی سیٹلائٹ انٹرنیٹ سروس اسٹارلنک کو پاکستان میں انٹرنیٹ سروسز کی فراہمی کے لیے لائسنس کے حصول میں شدید مشکلات کا سامنا ہے، جس سے ملک میں جدید سیٹلائٹ انٹرنیٹ کی دستیابی کا منصوبہ مزید تاخیر کا شکار ہوگیا ہے۔
یہ بھی پڑھیں: اسپیس ایکس نے مزید 28 اسٹار لنک انٹرنیٹ سیٹلائٹس لانچ کردیے
پاکستان اسپیس ایکٹیویٹیز ریگولیٹری بورڈ (پی ایس اے آر بی) نے اسٹارلنک کی عارضی رجسٹریشن منسوخ کر دی ہے۔ یہ رجسٹریشن 21 مارچ کو دی گئی تھی تاکہ کمپنی ابتدائی تیاریوں اور حکومتی تقاضوں کو پورا کر سکے، تاہم جون میں اس کی مدت ختم ہوگئی اور کمپنی مستقل رجسٹریشن حاصل کرنے میں ناکام رہی۔
پاکستان ٹیلی کمیونیکیشن اتھارٹی (پی ٹی اے) نے واضح کردیا ہے کہ ملک میں سروس فراہم کرنے کے لیے مستقل رجسٹریشن صرف اس صورت میں دی جا سکتی ہے جب کمپنی لائسنس حاصل کرے۔ اسٹارلنک تاحال یہ لائسنس حاصل نہیں کرسکا۔
یہ بھی پڑھیں: اسٹار لنک کی سروسز پاکستان میں کب تک دستیاب ہوں گی؟ خوشخبری آگئی
اسٹارلنک کے حکام نے اس پیشرفت کی تصدیق کرتے ہوئے کہا ہے کہ وہ صورتحال کا جائزہ لے رہے ہیں اور حکومت کی حتمی پالیسی کے واضح ہونے کا انتظار کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپیس ایکس اسٹار لنک انٹرنیٹ سیٹلائٹ ایلون مسک پاکستان پی ٹی اے.ذریعہ: WE News
کلیدی لفظ: اسپیس ایکس اسٹار لنک انٹرنیٹ سیٹلائٹ ایلون مسک پاکستان پی ٹی اے
پڑھیں:
میلانیا ٹرمپ کی اے آئی ویڈیو نے انٹرنیٹ پر دھوم
امریکی خاتون اول میلانیا ٹرمپ نے اپنی ہی ایک اے آئی سے تیار کردہ ویڈیو سوشل میڈیا پر شیئر کی ہے جس نے انٹرنیٹ پر دھوم مچا دی ہے۔
یہ ویڈیو سب سے پہلے ایکس (سابقہ ٹوئٹر) اکاؤنٹ @TrueMELANIAmeme پر پوسٹ کی گئی تھی جسے بعد میں میلانیا ٹرمپ نے خود بھی ری شیئر کیا۔ اس سے قبل امریکی صدر ڈونلڈ ٹرمپ بھی اے آئی پر مبنی کانٹینٹ شیئر کرچکے ہیں، جس سے یہ عندیہ ملتا ہے کہ ٹرمپ فیملی اپنی ڈیجیٹل حکمتِ عملی کے ایک نئے دور میں داخل ہو رہی ہے۔
یہ بھی پڑھیں: پچھلی بار لوگوں نے مجھے قبول نہیں کیا، اس بار میرے پاس منصوبہ ہے، میلانیا ٹرمپ
مختصر کلپ جس کا عنوان Into The Future ہے، میں میلانیا ٹرمپ کا ڈیجیٹل ورژن دکھایا گیا ہے جو پکسلز سے ابھرتا ہے، آنکھ جھپکتا ہے اور ٹرمپ ٹاور کے شاندار انٹیریئر میں کھڑا نظر آتا ہے۔ وہ گہرے رنگ کے فارمل لباس اور اپنے نمایاں اسٹائل والے بالوں کے ساتھ جلوہ گر ہیں۔
Into The Future. pic.twitter.com/hTsi5VThiZ
— MelaniaMeme (@TrueMELANIAmeme) October 1, 2025
اس منفرد انداز اور اے آئی ٹیکنالوجی پر مبنی پیشکش نے ناظرین کو اس کے پیغام اور مطلب کے بارے میں سوچنے پر مجبور کر دیا ہے۔
ویڈیو نے دیکھتے ہی دیکھتے تقریباً 1 ملین ویوز حاصل کرلیے۔ سوشل میڈیا صارفین نے اس پر مختلف ردعمل دیے، کچھ نے تجسس کا اظہار کیا تو کچھ نے الجھن کا۔
یہ بھی پڑھیں: کیا فرانسیسی صدر کے بعد ٹرمپ کی بھی خاتونِ اول سے تلخ کلامی ہوئی؟ مبینہ تکرار کی ویڈیو وائرل
یہ میم دراصل میلانیا ٹرمپ کی کرپٹوکرنسی $MELANIA سے جڑا ہوا ہے، جو ٹیکنالوجی، فیشن اور سیاست کو یکجا کرکے ایک ڈیجیٹل برانڈ شناخت بنانے کی کوشش ہے۔
صارفین نے اس ویڈیو کو لے کر کئی طرح کی تعبیرات اور پرسرار تبصرے کیے۔ ایک نے لکھا کہ میلانیا جانتی ہیں کہ ہم سب الوہی ہیں اور ہمیں صرف ’گنوسس‘ چاہیے۔ ایک اور نے نوٹ کیا کہ کیا کسی نے وہ عمارت دیکھی جو غائب ہوگئی؟
ایک صارف نے کہا کہ میں آپ کے ساتھ مستقبل میں جانا چاہتا ہوں، ہمیں لامحدودیت کی طرف لے چلیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا اے آئی ویڈیو خاتون اول ڈونلڈ ٹرمپ میلانیا ٹرمپ
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت