ڈی آئی جی حیدرآباد نے پہلے ماڈل تھانے کا افتتاح کردیا
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) ڈپٹی انسپکٹر جنرل آف پولیس طارق رزاق دھاریجو حیدرآباد رینج نے ایس ایس پی حیدرآباد عدیل حسین چانڈیو کے ہمراہ حیدرآباد کے پہلے ماڈل تھانہ ہٹڑی کا افتتاح کردیا۔تقریب میں میئر حیدرآباد کاشف شورو، ڈپٹی کمشنر حیدرآباد زین العابدین بطور مہمان خصوصی شرکت کی جبکہ اس موقع پر ایس ایس پی انویسٹی گیشن حیدرآباد عبداللہ میمن، ایس ایس پی ٹریفک حیدرآباد عطا محمد نظامانی، ایس پی ہیڈکوارٹر جاوید چانڈیو سمیت حیدرآباد کی مختلف تاجر تنظیموں کے عہدیداران و ذمے داران، صحافی، وکلاء سمیت عمائدین شہر معروف سماجی و مذہبی شخصیات نے شرکت ۔ ڈی آئی جی پی حیدرآباد رینج نے ماڈل پولیس اسٹیشن کی عمارت، دفاتر اور دستیاب سہولیات کا تفصیلی معائنہ کیا۔ ماڈل تھانہ ہٹڑی عوام کی خدمت کے جذبے کے تحت جدید پولیسنگ کے اصولوں کے مطابق تعمیر کیا گیا ہے، جس میں استقبالیہ ڈیسک، ویٹنگ ایریا، خواتین و بچوں کے علیحدہ ڈیسک، سمیت دیگر سہولیات فراہم کی گئی ہیں۔ ایس ایس پی حیدرآباد کی جانب سے ڈی آئی جی پی حیدرآباد رینج کو ماڈل پولیس اسٹیشن کے حوالے سے تفصیلی بریفنگ دی گئی۔ ڈی آئی جی حیدرآباد طارق رازق دھاریجو نے افتتاحی تقریب سے خطاب کرتے ہوئے کہا کہ کچھ عرصہ قبل تک یہ تھانہ نہایت مخدوش حالت میں تھا مگر آئی جی سندھ غلام نبی میمن اور حکومت سندھ کی خصوصی دلچسپی اور کاوشوں کی بدولت آج یہ ایک نہایت خوبصورت ماڈل تھانے میں تبدیل ہو چکا ہے۔ انہوں نے کہا کہ حیدرآباد رینج میں مزید ماڈل تھانوں کا قیام عمل میں لایا جائے گا ۔ ڈی آئی جی پی حیدرآباد رینج نے کہا کہ ماڈل پولیس اسٹیشن کا قیام پولیس اور عوام کے درمیان اعتماد کو فروغ دینے، فوری انصاف کی فراہمی، اور تھانوں کو جدید خطوط پر استوار کرنے کی ایک عملی مثال ہے۔انہوں نے تھانہ ہٹڑی کی تزئین و آرائش کے امور میں تعاون پر عبداللہ میمن اور قمر دین میمن(پام بلڈرز اینڈ ڈیولپرز) کا شکریہ ادا کیا۔
.
ذریعہ
ذریعہ: Jasarat News
کلیدی لفظ: پی حیدرا باد ایس ایس پی ڈی ا ئی جی
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار