وزیراعلیٰ خیبر پختونخوا سہیل آفریدی کی نااہلی کے لیے الیکشن کمیشن میں درخواست دائر
اشاعت کی تاریخ: 28th, October 2025 GMT
وزیراعلیٰ خیبر پختونخواہ سہیل آفریدی کی نااہلی کے لیے الیکشن کمیشن آف پاکستان میں باضابطہ درخواست دائر کر دی گئی ہے۔
ہائیکورٹ کے وکیل میاں صبغت اللہ شاہ ایڈووکیٹ کی جانب سے دائر درخواست میں مؤقف اختیار کیا گیا ہے کہ وزیراعلیٰ سہیل آفریدی نے خیبر پختونخوا بار کونسل کے انتخابات میں انصاف لائرز فورم کے امیدواروں کی حمایت کر کے آئینِ پاکستان کے متعدد آرٹیکلز کی خلاف ورزی کی ہے۔
درخواست کے متن کے مطابق وزیراعلیٰ سہیل آفریدی نے 29 اکتوبر 2025 کو پشاور ہائیکورٹ کا دورہ کیا اور انصاف لائرز فورم کے امیدواروں کی حمایت کا اعلان کیا، جو اُن کے عہدے کے حلف اور آئینی ذمہ داریوں سے متصادم ہے۔
بریکنگ:
وزیراعلی خیبر پختوانخواہ سہیل آفریدی کی نااہلی کیلئے درخواست الیکشن کمیشن میں دائر ،
سہیل آفریدی نے بار الیکشنز میں انصاف لائرز فورم کے وکلاء کی حمایت کی،
سہیل آفریدی نے آرٹیکل،2اے،4،5،6،9اور25کی کھلم خلاف ورزی کی،درخواستگزار نےاستدعای کی کے وزیراعلی سہیل آفریدی کو نااہل… pic.
— Shahid Hussain (@ShahidHussainJM) October 28, 2025
درخواست گزار کے مطابق وزیراعلیٰ کا یہ اقدام آئین کے آرٹیکل 2-اے، 4، 5، 6، 9 اور 25 سمیت آرٹیکل 22(7) کی بھی کھلی خلاف ورزی ہے، جس سے اُن کی امانت و دیانت مشکوک ہو گئی ہے۔
میاں صبغت اللہ شاہ ایڈووکیٹ نے موقف اختیار کیا کہ وزیراعلیٰ صوبے کے تمام شہریوں کے نمائندہ ہیں، نہ کہ کسی مخصوص وکلا تنظیم کے۔ ان کا کسی گروہ یا تنظیم کی انتخابی مہم میں شامل ہونا ناانصافی کے زمرے میں آتا ہے۔
درخواست میں استدعا کی گئی ہے کہ الیکشن کمیشن وزیراعلیٰ سہیل آفریدی کو عہدے سے نااہل قرار دے کر اُنہیں وزارتِ اعلیٰ اور صوبائی اسمبلی کی رکنیت سے فوری طور پر برطرف کرے۔
درخواست میں مزید کہا گیا ہے کہ الیکشن کمیشن سہیل آفریدی کو انصاف لائرز فورم کے امیدواروں کی حمایت سے باز رکھنے کے لیے عبوری حکم بھی جاری کرے، تاکہ بار انتخابات سے قبل کسی قسم کا اثر و رسوخ استعمال نہ ہو۔
درخواست کی نقول گورنر خیبر پختونخوا، چیئرمین پاکستان بار کونسل، چیئرمین خیبر پختونخوا بار کونسل اور پشاور ہائیکورٹ بار ایسوسی ایشن کے صدر کو بھی ارسال کی گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن انصاف لائرز فورم خیبرپختونخوا سہیل آفریدی نااہل وزیر اعلی
ذریعہ
ذریعہ: WE News
کلیدی لفظ: الیکشن کمیشن انصاف لائرز فورم خیبرپختونخوا سہیل ا فریدی نااہل وزیر اعلی انصاف لائرز فورم کے سہیل آفریدی نے خیبر پختونخوا الیکشن کمیشن کی حمایت کے لیے
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع