خیبرپختونخوا میں کابینہ کی تشکیل، عمران خان نے سہیل آفریدی کو اہم پیغام پہنچا دیا
اشاعت کی تاریخ: 28th, October 2025 GMT
پاکستان تحریک انصاف (پی ٹی آئی) کے بانی عمران خان کی بہنوں نے کہا ہے کہ عمران خان نے وزیراعلیٰ خیبر پختونخوا سہیل آفریدی کو ہدایت دی ہے کہ وہ اپنی صوابدید سے کابینہ تشکیل دیں اور اس کا حجم مختصر رکھیں۔
آج اڈیالہ جیل میں عظمیٰ خان کی اپنے بھائی عمران خان سے ملاقات ہوئی، جس کے بعد انہوں نے علیمہ خان اور دیگر کے ساتھ میڈیا سے گفتگو کی۔
یہ بھی پڑھیں: سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان
ان کا کہنا تھا کہ بانی پی ٹی آئی عمران خان نے ملاقات نہ ہونے کے معاملے پر پارٹی قیادت کو ہدایت دی ہے کہ ہائیکورٹ اور سپریم کورٹ میں ملاقات کے لیے پٹیشنز دائر کی جائیں، اور یہ ہدایات سلمان اکرم راجا تک پہنچائی جائیں گی۔
آج عدالتی حکم کے باوجود وزیراعلی خیبرپختونخوا سہیل آفریدی سلمان اکرم راجہ سمیت دیگر وکلاء اور فیملی آئی ہوئی تھی کسی کو ملاقات نہیں کرنے دی گئی ماسوائے ہماری ایک بہن ڈاکٹر عظمیٰ کے عمران خان نے پیغام بھیجا ہے کہ اس توہین عدالت پر پارٹی فوری پٹیشن دائر کرے۔ علیمہ خان pic.
— PTI (@PTIofficial) October 28, 2025
عظمیٰ خان نے بتایا کہ ملاقات میں عمران خان کو خیبر پختونخوا کے جلسے سے متعلق آگاہ کیا گیا، جس پر انہوں نے خوشی کا اظہار کیا۔ ان کے مطابق کارکنان نے لانگ مارچ کی خواہش ظاہر کی تو عمران خان مسکرا دیے۔
عظمیٰ خان نے کہاکہ انہیں عدالتوں سے کسی قسم کی امید نہیں ہے، تاہم انہوں نے وزیراعلیٰ خیبر پختونخوا کو یہ پیغام دیا ہے کہ وہ اپنی مرضی سے ایک مختصر ٹیم تشکیل دیں، اور واضح کیا کہ انہوں نے کسی فرد کا نام تجویز نہیں کیا۔ یہ مکمل اختیار وزیراعلیٰ کے پاس ہے۔
بانی پی ٹی آئی کی ہمشیرہ کے مطابق عمران خان نے مزید کہاکہ پارٹی پیغامات سلمان اکرم راجا کے ذریعے پہنچائے جائیں گے۔
ان کے مطابق بانی پی ٹی آئی عمران خان نے علامہ راجا ناصر عباس اور محدود خان اچکزئی کی تقرری کے نوٹیفکیشن جاری نہ ہونے پر تشویش ظاہر کی، جبکہ احمد چھٹہ اور بلال اعجاز کو عہدوں سے ہٹانے پر بھی سوال اٹھایا، یہ کہہ کرکے وہ ان کے پرانے ساتھی ہیں۔
یہ بھی پڑھیں: کور کمانڈر پشاور سے کیا گفتگو ہوئی؟ وزیراعلیٰ خیبرپختونخوا سہیل آفریدی نے تفصیل بتادی
عمران خان نے ہدایت دی کہ توہین عدالت کی درخواست فوری طور پر دائر کی جائے اور یہ بھی کہاکہ ہائیکورٹ سے تاریخ لیے بغیر واپس نہ آیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل ملاقات پاکستان تحریک انصاف پی ٹی آئی خیبرپختونخوا صوبائی کابینہ عظمیٰ خان علیمہ خان عمران خان وزیراعلی وی نیوز
ذریعہ
ذریعہ: WE News
کلیدی لفظ: اڈیالہ جیل ملاقات پاکستان تحریک انصاف پی ٹی ا ئی خیبرپختونخوا صوبائی کابینہ علیمہ خان وزیراعلی وی نیوز سہیل ا فریدی پی ٹی ا ئی انہوں نے
پڑھیں:
وفاقی وزیر داخلہ محسن نقوی سے گورنر خیبرپختونخوا کی ملاقات
سٹی 42: وفاقی وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات ہوئی ۔ خیبرپختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیاگیا ۔
ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا۔گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا
وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلیجنس بیسڈ آپریشنز پر سکیورٹی فورسز کو خراج تحسین پیش کیا ۔ دونوں رہنماؤں کا دہشتگردی کے خلاف جنگ کے شہداء کو خراج عقیدت پیش کیا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
محسن نقوی نے کہا خیبرپختونخوا میں قیام امن کیلئے سکیورٹی فورسز کی قربانیاں ناقابل فراموش ہیں۔وفاقی وزیر داخلہ محسن نقوی نے صوبہ خیبر پختونخوا میں امن و استحکام کے
لیے ہر ممکن تعاون کی یقین دہانی کروائی ۔
محسن نقوی نے کہا وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ