دنیا کی سب سے تنگ کار کا ریکارڈ: اطالوی مکینک کا انوکھا کارنامہ
اشاعت کی تاریخ: 5th, July 2025 GMT
data-id="863a0a8" data-element_type="widget" data-widget_type="theme-post-content.default">
اٹلی کے ایک تخلیقی مکینک اور یوٹیوبر آندرے مرازی نے موٹر گاڑیوں کی دنیا میں ایک نیا ریکارڈ قائم کرتے ہوئے 1993 کی فیاٹ پانڈا کو دنیا کی سب سے تنگ کار میں تبدیل کردیا ہے۔
مرازی کو اس غیر معمولی پروجیکٹ کو مکمل کرنے میں پورے 12 ماہ کا عرصہ لگا۔ یہ منفرد گاڑی جس کی چوڑائی صرف 50 سینٹی میٹر (تقریباً 20 انچ) ہے، مکمل طور پر چلانے کے قابل ہے۔
دلچسپ بات یہ ہے کہ اس میں کار میں 99 فیصد پرزے اصل فیاٹ پانڈا کے ہی استعمال کیے گئے ہیں۔ کار میں صرف ایک ڈرائیور کے بیٹھنے کی گنجائش ہے اور اس میں صرف ایک ہیڈلائٹ نصب کی گئی ہے جو رات کے وقت ڈرائیونگ کو ممکن بناتی ہے۔
یہ کار دیکھنے میں ایسے لگتی ہے جیسے کسی جدید مصنوعی ذہانت کے ذریعے ڈیزائن کی گئی ہو، لیکن درحقیقت یہ ایک نوجوان مکینک کی محنت، لگن اور تخلیقی صلاحیتوں کا شاہکار ہے۔ مرازی کا کہنا ہے کہ وہ طویل عرصے سے دنیا کی سب سے تنگ کار بنانے کا خواب دیکھ رہے تھے۔
اس منفرد ایجاد نے نہ صرف موٹر انڈسٹری بلکہ یوٹیوب پر بھی تہلکہ مچا دیا ہے، جہاں مرازی کے چینل پر اس پروجیکٹ کی تفصیلات کو بے پناہ پذیرائی مل رہی ہے۔ کار کے ڈیزائن اور تعمیر کے مراحل کو دیکھ کر اندازہ ہوتا ہے کہ اس میں کس قدر محنت اور مہارت شامل ہے۔
ماہرین کے مطابق یہ کار نہ صرف ایک ریکارڈ ہے بلکہ یہ ثابت کرتا ہے کہ تخلیقی سوچ اور مستقل مزاجی سے کسی بھی عام چیز کو غیر معمولی بنا دیا جا سکتا ہے۔ اب دیکھنا یہ ہے کہ کیا گنیز بک آف ورلڈ ریکارڈز اس غیر معمولی کارنامے کو سرکاری طور پر تسلیم کرے گا۔
.
ذریعہ
ذریعہ: Jasarat News
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار