اطالوی مکینک نے دنیا کی سب سے تنگ کار بنالی
اشاعت کی تاریخ: 5th, July 2025 GMT
اطالوی مکینک اور یوٹیوبر آندرے مرازی نے 1993 کی فیاٹ پانڈا کو دنیا کی سب سے تنگ کار میں بدل کر (جس کو چلایا جا سکتا ہے) ریکارڈ بنا دیا۔
یہ کار بظاہر تو مصنوعی ذہانت سے بنائی گئی لگتی ہے لیکن دراصل یہ ایک نوجوان مکینک کا حقیقی شاہکار ہے جو دنیا کی سب سے تنگ کار بنانا چاہتے تھے۔
آندرے مرازی کا یہ اسپیشل ماڈل صرف 50 سینٹی میٹر چوڑا ہے، جس میں صرف ایک ڈرائیور کے بیٹھنے کی جگہ ہے اور اس میں صرف ایک ہیڈلائیڈ لگی ہے جس کی مدد سے ڈرائیور رات میں گاڑی چلا سکتے ہیں۔
مکینک کو یہ فلیٹ فیاٹ بنانے میں 12 ماہ کا عرصہ لگا اور اس میں 99 فی صد 1993 کی فیاٹ پانڈا کے اصلی پرزے استعمال کیے گئے ہیں۔
.ذریعہ: Express News
پڑھیں:
سونے سے بنا فن یا سرمایہ داری پر طنز؟ دنیا کا مہنگا ترین ٹوائلٹ نیلامی کے لیے تیار
سدابیز نے اعلان کیا کہ وہ اطالوی فنکار موریتزیو کیٹیلان کے تخلیق کردہ خالص سونے کے ٹوائلٹ ’امریکا‘ کو نیلامی کے لیے پیش کرے گا۔
سدابیز ایک بین الاقوامی کارپوریشن ہے جو فنِ لطیفہ اور اعلیٰ معیار کی آسائشی اشیا کے عالمی رہنما ادارے کے طور پر جانی جاتی ہے۔
یہ اپنی عالمی شہرت یافتہ آکشن ہاؤس یعنی نیلام گھر کے باعث مشہور ہے، جو 1744 سے سرگرمِ عمل ہے۔
یہ بھی پڑھیں: ریاض میں بازوں کی سالانہ نیلامی، 2 باز 5 لاکھ 78 ہزار ریال میں فروخت
نیلام گھر کے مطابق یہ فن پارہ ’فن اور مالیت کے تصادم پر ایک گہرا تبصرہ‘ ہے۔
Cattelan’s “America” (2016), the 101.2-kilogram solid gold toilet, will be auctioned for its bullion value, with the starting bid in the region of $10 million. https://t.co/AQIKn9EtaL
— Artsy (@artsy) November 3, 2025
’یہ صرف ایک فن پارہ نہیں بلکہ مکمل طور پر قابلِ استعمال بیت الخلا بھی ہے، جو 2019 میں انگلینڈ کے بلینہم پیلس سے چوری ہونے والے مشہور سنہری ٹوائلٹ جیسا ہی ہے۔‘
یہ نیلامی 18 نومبر کو نیویارک میں ہوگی، جس کی ابتدائی قیمت ٹوائلٹ میں استعمال ہونے والے 101.2 کلوگرام سونے کے موجودہ نرخ یعنی تقریباً 10 ملین ڈالر کے برابر رکھی گئی ہے۔
سدابیز کے نیویارک میں عصری فن کے سربراہ ڈیوڈ گالپرن کے مطابق اطالوی آرٹسٹ موریتزیو کیٹیلان ’آرٹ کی دنیا کے ایک حقیقی اشتعال انگیز فنکار‘ ہیں۔
یہ بھی پڑھیں: بدھ مت سے منسوب قیمتی جواہرات کی ہانگ کانگ میں نیلامی منسوخ، 127 سال بعد بھارت واپس پہنچ گئے
کیٹیلان اپنی متنازع اور پرمزاح تخلیقات کے لیے مشہور ہیں، ان کا ایک فن پارہ’کامیڈین‘ جس میں ایک کیلا دیوار پر ٹیپ سے چپکایا گیا تھا۔
گزشتہ سال نیویارک میں 6.2 ملین ڈالر میں فروخت ہوا، جبکہ ان کی دوسری تخلیق گھٹنوں کے بل بیٹھے ایڈولف ہٹلر کا مجسمہ تھا، انگریزی پروناؤن ’ہِم‘ نامی یہ مجسمہ 2016 میں 17.2 ملین ڈالر میں نیلام ہوا تھا۔
موریتزیو کیٹیلان کے مطابق ’امریکا‘ دولت کی زیادتی پر ایک طنزیہ تبصرہ ہے۔ ’چاہے آپ 200 ڈالر کا لنچ کھائیں یا 2 ڈالر کا ہاٹ ڈاگ، نتیجہ بیت الخلا میں ایک سا ہی ہوتا ہے۔‘
2 قن پارے’امریکا‘ کے 2 فن پارے 2016 میں تیار کیے گئے تھے، ایک 2017 سے ایک نامعلوم کلیکٹر کے پاس ہے، یہی ورژن اب فروخت کے لیے پیش کیا جا رہا ہے۔
دوسرا فن پارہ 2016 میں نیویارک کے گوگن ہائیم میوزیم کے بیت الخلا میں نصب کیا گیا، جہاں ایک لاکھ سے زائد افراد نے اس فن پارے کے ساتھ براہِ راست ’تجربہ‘ کرنے کے لیے قطاریں لگائیں۔
گوگن ہائیم نے بعد میں اس فن پارے کو امریکی صدر ڈونلڈ ٹرمپ کو پیش کرنے کی پیشکش کی، جب انہوں نے میوزیم سے ایک وین گوگ کی پینٹنگ ادھار مانگی تھی۔
مزید پڑھیں:ملکہ الزبتھ دوم کے زیرِ استعمال گاڑی نیلامی کے لیے پیش، متوقع بولی 50 سے 70 ہزار پاؤنڈ
2019 میں یہ ٹوائلٹ انگلینڈ کے تاریخی بلینہم پیلس میں نمائش کے لیے رکھا گیا، لیکن چند دن بعد چوروں نے اسے دیوار سے توڑ کر چرا لیا۔
اس واقعے میں ملوث 2 افراد کو رواں سال سزا سنائی گئی، تاہم ٹوائلٹ اب تک برآمد نہیں ہوا، تحقیقات کے مطابق امکان ہے کہ اسے پگھلا کر بیچ دیا گیا ہو۔
ڈیوڈ گالپرن کے مطابق یہ کہنا ممکن نہیں کہ ’امریکا‘ کتنی رقم میں فروخت ہوگا۔
مزید پڑھیں:ٹائٹینک سے لکھے گئے خط کی 4 لاکھ ڈالرز میں نیلامی، خط کی خاص بات کیا ہے؟
انہوں نے کہا کہ کیٹیلان کا ’دیوار پر ٹیپ زدہ کیلا ‘ والا فن پارہ اس سوال کو جنم دیتا ہے کہ کسی چیز کی حقیقی قدر کس بنیاد پر طے کی جاتی ہے، محض خیال اور مصنف کے نام پر یا مادی قیمت پر؟
’امریکا نامی یہ بیت الخلا اس سوچ کا الٹ ہے، یہاں فن پارے میں سونا موجود ہے، جو حقیقی قدر رکھتا ہے۔ سوال یہ ہے کہ اس میں زیادہ اہم کیا ہے، فنکار کا تصور یا خام مال کی قیمت؟‘
یہ سنہرا ٹوائلٹ 8 نومبر سے نیویارک کے نئے سدابیز ہیڈکوارٹر بریوار بلڈنگ میں عوامی نمائش کے لیے رکھا جائے گا، لیکن اس بار صرف دیکھنے کی اجازت ہوگی، یعنی دیکھ سکتے ہیں، مگر فلش نہیں کرسکتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بیت الخلا ٹوائلٹ قیمتی کامیڈین لنچ مہنگا نیلامی ہاٹ ڈاگ
جعلی بینک اکاؤنٹس کیس: 12 ارب کے منجمد شیئرز ڈی فریز کرنے کا فیصلہ معطل کرنے کی استدعا مسترد