انگلش بیٹر جیمی اسمتھ نے کامران اکمل کا 19 سال پرانا ریکارڈ توڑ دیا
اشاعت کی تاریخ: 5th, July 2025 GMT
لندن(نیوز ڈیسک)انگلینڈ کے وکٹ کیپر بیٹر جیمی اسمتھ نے بھارت کے خلاف ٹیسٹ کرکٹ میں تیز ترین سینچری بنا کر نہ صرف ریکارڈ بک میں اپنا نام درج کرا لیا بلکہ پاکستان کے سابق وکٹ کیپر کامران اکمل کا 19 سالہ ریکارڈ بھی توڑ دیا۔
24 سالہ اسمتھ نے ایجبسٹن میں بھارت کے خلاف جاری 5 ٹیسٹ میچوں کی سیریز کے دوسرے میچ کے تیسرے دن بیٹنگ کا آغاز 7ویں نمبر پر کیا، اور بھارتی باؤلنگ اٹیک پر بھرپور حملہ کرتے ہوئے محض 80 گیندوں پر اپنی پہلی ٹیسٹ سینچری مکمل کی۔ انہوں نے یہ کارنامہ رویندرا جڈیجا کی گیند پر چوکا لگا کر انجام دیا۔ جیمی اسمتھ کی سینچری انگلینڈ کی تاریخ کی مشترکہ طور پر تیسری تیز ترین ٹیسٹ سینچری بھی ہے۔
یہ سینچری بھارت کے خلاف کسی انگلش بیٹر کی تیز ترین ٹیسٹ سینچری ہے۔ اس سے قبل یہ اعزاز پاکستان کے کامران اکمل کے پاس تھا، جنہوں نے جنوری 2006 میں لاہور میں 81 گیندوں پر سینچری بنائی تھی۔
میچ کی صورتِحال
اس خبر کے فائل ہونے تک، انگلینڈ نے پہلی اننگز میں 75 اوورز میں 355 رنز پر 5 کھلاڑی آؤٹ کے ساتھ شاندار واپسی کی، جبکہ بھارت کی پہلی اننگز کا مجموعہ 587 رنز تھا۔ انگلینڈ اب بھی 232 رنز کے خسارے میں ہے۔
جیمی اسمتھ اور ہیری بروک دونوں سینچریاں بنا چکے ہیں، جبکہ اننگز کا آغاز انگلینڈ کے لیے انتہائی مایوس کن رہا۔ بین ڈکٹ، زیک کراؤلی اور اولی پوپ صرف 25 کے مجموعے پر آؤٹ ہو چکے تھے۔ کپتان بین اسٹوکس بغیر کوئی رن بنائے پہلی ہی گیند پر پویلین لوٹ گئے۔
انگلینڈ کو 5 میچوں کی ٹیسٹ سیریز میں 1-0 کی برتری حاصل ہے، اور جیمی اسمتھ کی جارحانہ سینچری نے نہ صرف میچ میں جان ڈال دی بلکہ انگلینڈ کے وکٹ کیپر بیٹرز کی تاریخ میں ان کا نام نمایاں کر دیا۔
مزیدپڑھیں:ایران جوہری پروگرام دوبارہ شروع کرسکتا ہے، ٹرمپ
ذریعہ
ذریعہ: Daily Ausaf
کلیدی لفظ: جیمی اسمتھ
پڑھیں:
تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ
وزیر اطلاعات پنجاب عظمیٰ بخاری۔فوٹو: فائلوزیر اطلاعات پنجاب عظمیٰ بخاری کا کہنا ہے کہ تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ ہوئے، ورلڈ سمٹ آن دی انفارمیشن سوسائٹی (ڈبلیو ایس آئی ایس) میں دو منصوبوں کی شارٹ لسٹنگ کے ساتھ دنیا کا واحد ملک بن گیا۔
عظمیٰ بخاری نے کہا کہ اقوامِ متحدہ ڈبلیو ایس آئی ایس پرائز 2026 میں پنجاب کا ورچوئل سینٹر فار چائلڈ سیفٹی میرا پیارا عالمی چیمپئن پروجیکٹ قرار پایا، ورچوئل سینٹر فار چائلڈ سیفٹی ’’میرا پیارا‘‘ پروجیکٹ دنیا کے ٹاپ فائیو میں شامل ہوگیا۔
صوبائی وزیر نے کہا کہ پنجاب حکومت کا ورچوئل ویمن پولیس اسٹیشن بھی دنیا بھر کے ٹاپ 20 پروجیکٹس میں شارٹ لسٹ ہوگیا، ورچوئل سینٹر فار چائلڈ سیفٹی کی بدولت 77 ہزار سے زائد گمشدہ بچے بازیاب، ماؤں کی گودیں ہری ہو گئیں، حکومت نے 3 ہزار اسپیشل (معذور) بچوں کو بھی تلاش کر کے خاندانوں سے ملوایا، بدسلوکی، آن لائن استحصال اور کمزور بچوں کے تحفظ کے ہزاروں کیسز حل کیے گئے۔
عظمیٰ بخاری نے کہا کہ پنجاب میں اب تک مختلف کیٹیگریز کے 1,45,772 کیسز رپورٹ، 1,36,157 کیسز کو کامیابی سے حل کیا گیا، رپورٹ ہونے والے مقدمات میں سے 26,274 ایف آئی آرز رجسٹرڈ،7,081 چالان عدالتوں میں جمع کروا دیے گئے۔
صوبائی وزیر نے مزید بتایا کہ گمشدہ اور اغوا ہونے والے 54,741 بچوں میں سے 53,811 بچوں کو کامیابی سے تلاش کر کے اہلخانہ سے ملا دیا گیا، ریسکیو ٹیموں کی کارروائی کے نتیجے میں 22,989 بچے ملے، 21,178 کو خاندانوں کے سپرد کیا گیا، اس وقت سسٹم میں 930 بچے لاپتہ اور 1,811 بچے تاحال غیر شناخت شدہ ہیں۔
وزیر اطلاعات پنجاب نے کہا کہ بچوں پر تشدد اور ابیوز کے 15,447 کیسز رپورٹ ہوئے، 5,075 ایف آئی آرز درج کی گئیں، چائلڈ ابیوز کیسز میں 3,830 ملزمان کو گرفتار کر کے 4,168 مقدمات کے چالان عدالتوں میں جمع کروائے جا چکے ہیں، بچوں کے خلاف آن لائن اور ڈیجیٹل ابیوز کے 191 کیسز سامنے آئے، 14 ایف آئی آرز درج اور 5 ملزمان کو گرفتار کیا گیا۔
عظمیٰ بخاری نے کہا کہ خصوصی افراد کے مجموعی طور پر 4,377 کیسز رپورٹ ہوئے، 2,984 افراد کو بازیاب کروا کے خاندانوں سے ملایا گیا، خصوصی افراد کے تحفظ کو یقینی بنانے کے لیے پولیس نے اب تک 646 ایف آئی آرز درج کیں، چائلڈ پروٹیکشن بیورو میں 251 اور دارالامان میں 14 متاثرہ افراد کو فوری پناہ اور حکومتی سرپرستی فراہم کی گئی۔
انہوں نے کہا کہ وزیر اعلیٰ پنجاب مریم نواز نے میرا پیارا یو این گلوبل چیمپئن قرار دیے جانے پر اظہار تشکر کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ