گولارچی ، چک نمبر 14میں خسرہ کی وباء خطرناک حد تک پھیل گئی
اشاعت کی تاریخ: 6th, July 2025 GMT
data-id="863a0a8" data-element_type="widget" data-widget_type="theme-post-content.default">
گولارچی (نمائندہ جسارت) گولارچی کے نواحی علاقے چک نمبر 14، گاؤں درمون بھیل میں خسرہ (Measles) کی خطرناک وبا بے قابو ہوتی جارہی ہے، جہاں آج ایک اور معصوم بچہ، 5 سالہ گلشیر بھیل جان کی بازی ہار گیا۔ یوں اس مہلک وبا کے باعث ہونے والی اموات کی مجموعی تعداد 4 ہو گئی ہے، جس کے باعث علاقے میں شدید خوف و ہراس کی فضا قائم ہے۔علاقہ مکینوں کے مطابق گاؤں درمون بھیل اور اس سے ملحقہ دیہات میں کئی بچے خسرہ کی علامات کا شکار ہیں جبکہ صحت کی سہولیات نہ ہونے کے برابر ہیں۔ والدین اپنے بچوں کی زندگیوں کے تحفظ کے لیے شدید پریشان ہیں۔مقامی لوگوں نے محکمہ صحت سے پرزور مطالبہ کیا ہے کہ وہ فوری طور پر خسرہ کے خلاف ویکسینیشن مہم شروع کرے اور میڈیکل ٹیمیں روانہ کر کے نہ صرف گاؤں درمون بھیل بلکہ گرد و نواح کے تمام دیہات کا احاطہ کرے تاکہ وبا کے پھیلاؤ کو روکا جا سکے اور مزید قیمتی جانیں ضائع ہونے سے بچائی جا سکیں۔
.ذریعہ: Jasarat News
پڑھیں:
شکاگو کے نائٹ کلب میں اندھادھند فائرنگ سے 4افراد ہلاک ،متعدد زخمی
data-id="863a0a8" data-element_type="widget" data-widget_type="theme-post-content.default">
شکاگو: شکاگو کے علاقے ریور نارتھ کے ایک نائٹ کلب پر معروف ریپر میلو بکز (Mello Buckzz) کے میوزک البم کی تقریب رونمائی پر نامعلوم مسلح افراد نے حملہ کردیا۔
عالمی خبر رساں ادارے کے مطابق فائرنگ کا یہ واقعہ آرٹس ریسٹورنٹ اینڈ لاؤنج کے باہر رات 11 بجے پیش آیا۔
عینی شاہدین کا کہنا ہے کہ فائرنگ کے وقت کلب بند ہو رہا تھا اور بڑی تعداد میں لوگ باہر نکل رہے تھے۔ حملہ آور مبینہ طور پر سیاہ رنگ کی ایک گاڑی میں آئے تھے اور ایک حملہ آور نے اندھا دھند فائرنگ کردی۔ حملے میں دو خواتین اور دو مرد ہلاک ہوگئے جب کہ 11 لڑکیاں اور 3 لڑکے زخمی ہیں 6 کی حالت نازک ہونے کے باعث ہلاکتوں میں اضافے کا خدشہ ہے۔
پولیس کا کہنا ہے کہ ابھی تک کوئی گرفتاری عمل میں نہیں لائی گئی۔ ہلاک اور زخمی ہونے والوں کی عمریں 22 سے 30 سال کے درمیان ہے۔
علاقے میں ریڈ الرٹ جاری کردیا گیا اور عوام سے سیاہ رنگ کی مشکوک گاڑی پر نظر رکھنے اور کوئی اطلاع ملنے پر فوری رابطے کی اپیل کی گئی ہے۔
وزیراعلیٰ پنجاب کے دور حکومت کی کوئی آڈٹ رپورٹ سامنے نہیں آئی : عظمیٰ بخاری