فلسطین میں یزیدیت کے ہاتھوں آج بھی مسلمانوں کا خون بہہ رہا ہے، وزیر دفاع
اشاعت کی تاریخ: 6th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی وزیر دفاع خواجہ محمد آصف کا کہنا ہے کہ آج بھی عالم اسلام میں یزیدیت کا نظام غالب ہے اور فلسطین کے نہتے عوام کربلا کے مظالم کو دہرا رہے ہیں۔
خواجہ آصف نے کہا کہ حضرت امام حسینؓ نے دین اسلام اور حق و صداقت کی سربلندی کے لیے اپنی جان اور اپنے خاندان کی قربانی دی، اور ہمیں اُن کی سنت پر چلتے ہوئے ظلم و ناانصافی کے خلاف آواز بلند کرنی چاہیے، کربلا کا پیغام صرف ایک واقعہ نہیں بلکہ ایک مسلسل جدوجہد کا نام ہے جو آج بھی فلسطین اور کشمیر میں زندہ ہے۔
وفاقی وزیر دفاع کا کہنا تھا کہ “آج بھی مسلمانوں کا خون یزیدیت کے ہاتھوں بہہ رہا ہے، فلسطین میں بچے، خواتین اور بے گناہ شہری جس طرح اسرائیلی بربریت کا شکار ہیں، وہ کربلا کی ایک زندہ مثال بن چکا ہے، پاکستان سمیت متعدد اسلامی ممالک نے فلسطینیوں کے حق میں آواز اٹھائی ہے، تاہم افسوسناک امر یہ ہے کہ دنیا بھر کے ڈیڑھ ارب مسلمان مصلحت اور خاموشی کا شکار ہیں، جس سے مظلوم اقوام کی آواز دبائی جا رہی ہے۔
خواجہ آصف نے مقبوضہ کشمیر کی صورتحال پر بھی شدید تشویش کا اظہار کرتے ہوئے کہا کہ یومِ عاشور پر بھارت نے وادی میں ایسی سخت پابندیاں لگائیں جو اس سے پہلے کبھی دیکھنے میں نہیں آئیں۔ انہوں نے کہا کہ بھارتی حکومت کشمیری مسلمانوں کو ان کے مذہبی شعائر سے بھی محروم کر رہی ہے جو انسانی حقوق اور مذہبی آزادی کے خلاف کھلی جارحیت ہے۔
وزیر دفاع نے کہا کہ پاکستان نے ہمیشہ مظلوم اقوام، بالخصوص فلسطین اور کشمیر کے حق میں آواز بلند کی ہے اور یہ مؤقف قائداعظم محمد علی جناح کے اصولی مؤقف کا تسلسل ہے۔
پاک بھارت تعلقات پر بات کرتے ہوئے خواجہ آصف کا کہنا تھا کہ پاکستان اور بھارت کے درمیان جنگ کے دوران مودی کا تکبر چکناچور ہوا اور اُس کا سندور اجڑ گیا، بھارت کو یہ سمجھ لینا چاہیے کہ ظلم زیادہ دیر نہیں چل سکتا، اور حق ہمیشہ غالب آتا ہے۔
خواجہ آصف نے کہا کہ کربلا ہمیں سکھاتی ہے کہ باطل چاہے جتنا بھی طاقتور ہو، سچائی اور قربانی ہمیشہ زندہ رہتی ہے۔ ہمیں بطور اُمت، امام حسینؓ کے پیغام کو زندہ رکھنا ہوگا اور مظلوموں کے ساتھ عملی یکجہتی کا مظاہرہ کرنا ہوگا۔
.
ذریعہ
ذریعہ: Jasarat News
کلیدی لفظ: وزیر دفاع خواجہ آصف نے کہا کہ آج بھی
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار