سویڈن کا اسلام آباد میں ویزا سروسز دوبارہ شروع کرنے کا اعلان
اشاعت کی تاریخ: 7th, July 2025 GMT
سٹی 42 : سویڈن نے اسلام آباد میں ویزا سروسز دوبارہ شروع کرنے کا اعلان کردیا ۔
ترجمان دفتر خارجہ کے مطابق 7 جولائی سے پاکستانی شہری سویڈن کے لیے شینجن ویزا کی درخواست دے سکیں گے، سویڈن کا ویزا صرف 90 دن کی مختصر مدت کے قیام کے لیے جاری ہو گا۔
ترجمان دفتر خارجہ نے بتایا کہ دو طرفہ سیاسی مشاورت 2 جولائی کو اسٹاک ہوم میں ہوئی، پاکستانی وفد کی قیادت ایڈیشنل سیکریٹری یورپ نے کی، جبکہ سویڈش وفد کی سربراہی ڈائریکٹر جنرل برائے گلوبل افیئرز نے کی۔
سکولوں کی انسپکشن کرنے والے افسران کی آن لائن مانیٹرنگ کا فیصلہ
ترجمان دفتر خارجہ کا کہنا ہے کہ ویزا سروسز کی بحالی دونوں ممالک کے تعلقات میں بہتری کی عکاس ہے۔
.ذریعہ: City 42
پڑھیں:
دہشتگردی علاقائی امن و سلامتی کیلئے خطرہ، پاکستان و افغانستان کا اتفاق
فوٹو سوشل میڈیا۔وزارت خارجہپاکستان اور افغانستان کے درمیان ایڈیشنل سیکرٹری سطح کے مذاکرات کا پہلا دور ہوا۔ ترجمان دفتر خارجہ کے مطابق بات چیت نائب وزیرِ اعظم اسحاق ڈار کے 19 اپریل کو دورہ کابل کے دوران فیصلوں کے تحت عمل میں آئی۔
پاکستانی وفد کی قیادت ایڈیشنل سیکرٹری افغانستان و مغربی ایشیا سید علی اسد گیلانی نے کی جبکہ افغان وفد کی قیادت افغان وزارتِ خارجہ کے ڈائریکٹر پولیٹیکل ڈویژن مفتی نور احمد نور نے کی، مذاکرات میں دو طرفہ دلچسپی کے اہم امور پر تبادلہ خیال کیا گیا۔
ترجمان دفتر خارجہ کے مطابق تجارت، ٹرانزٹ تعاون، سلامتی اور علاقائی روابط کے امور زیر بحث آئے، فریقین نے دہشتگردی کو علاقائی امن و سلامتی کے لیے سنگین خطرہ قرار دیا۔
ترجمان دفتر خارجہ کے مطابق پاکستان نے افغان سر زمین پر دہشتگرد گروہوں کے خلاف ٹھوس کارروائی کی ضرورت پر زور دیا اور کہا ایسے عناصر پاکستان کی سلامتی کو نقصان اور علاقائی ترقی میں رکاوٹ بن رہے ہیں۔
ترجمان دفتر خارجہ کے مطابق دونوں ممالک نے تجارتی اور ٹرانزٹ تعاون کو مزید مستحکم بنانے پر تبادلہ خیال کیا۔ پاکستانی وفد نے دورہ کابل کے دوران اعلان کردہ اقدامات پر عمل درآمد کا جائزہ پیش کیا۔
ترجمان دفتر خارجہ کے مطابق ان میں ٹریک اینڈ ٹریس سسٹم کو فعال کرنے سمیت دیگر اقدامات شامل تھے، فریقین نے پائیدار ترقی اور مشترکہ خوشحالی کے لیے علاقائی روابط کی اہمیت پر زور دیا اور ازبکستان، افغانستان، پاکستان ریلوے کی تزویراتی اہمیت کو تسلیم کیا گیا۔
ترجمان دفتر خارجہ کے مطابق دونوں ملکوں نے فریم ورک معاہدے کو جلد حتمی شکل دینے پر اتفاق کیا۔ مذاکرات میں افغان شہریوں کی وطن واپسی سے متعلق امور پر بھی بات چیت کی گئی۔
ترجمان دفتر خارجہ کے مطابق جنوری 2024 سے اب تک مختلف کیٹیگریز میں 5 لاکھ سے زائد ویزے جاری کیے جا چکے، فریقین نے قانونی اور منظم آمد و رفت کو مزید مضبوط بنانے کے عزم کا اظہار کیا، دونوں ممالک نے مشترکہ چیلنجز سے نمٹنے کے لیے مسلسل رابطوں اور بات چیت کی اہمیت پر اتفاق کیا۔
کراچی میں پارکنگ کہاں کہاں مفت کردی گئی؟ 32 سائٹس کی تفصیلات سامنے آگئیں