ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
اشاعت کی تاریخ: 7th, July 2025 GMT
پاکستان کرکٹ بورڈ نے 26-2025 کے سیزن کا ڈومیسٹک کرکٹ کیلنڈر جاری کر دیا جس میں تمام فارمیٹس کے ٹورنامنٹ، جونیئر لیول مقابلے اور ڈیپارٹمنٹل کرکٹ کے مقابلے شامل ہیں
یہ بھی پڑھیں: ڈومیسٹک کرکٹ کا مضبوط ڈھانچہ ہی بہترین کرکٹرز پیدا کرتا ہے، چیئرمین پی سی بی محسن نقوی
سیزن کا آغاز 15 اگست سے حنیف محمد ٹرافی سے ہوگا جبکہ ملک کی سب سے بڑی فرسٹ کلاس کرکٹ چیمپیئن شپ قائداعظم ٹرافی 22 ستمبر سے 7 نومبر تک اسلام آباد اور راولپنڈی میں کھیلی جائے گی۔
پی سی بی کے جاری کردہ شیڈول کے مطابق حنیف محمد ٹرافی میں 12 ریجنز کی ٹیمیں حصہ لیں گی اور ان کے میچز کراچی، ملتان، بہاولپور اور رحیم یار خان میں ہوں گے۔
اس ٹورنامنٹ کی ٹاپ 2 ٹیمیں قائداعظم ٹرافی کے لیے کوالیفائی کریں گی جس میں مجموعی طور پر 8 ٹیمیں شرکت کریں گی۔ قائداعظم ٹرافی لیگ فارمیٹ پر مشتمل ہو گی اور اس میں 29 میچز کھیلے جائیں گے۔
سیزن میں قومی ٹی 20 ٹورنامنٹ بھی شامل ہے جو یکم مارچ سے 12 مارچ تک فیصل آباد میں ہوگا۔ اس ایونٹ کے لیے کوالیفائنگ راؤنڈ کا نیا نظام متعارف کرایا گیا ہے جس میں 10 ٹیمیں حصہ لیں گی اور ٹاپ 2 ٹیمیں سپر 10 مرحلے میں جگہ بنائیں گی۔
سپر 10 مرحلے میں کراچی وائٹس، لاہور وائٹس، پشاور، کراچی بلیوز، سیالکوٹ، اسلام آباد اور فیصل آباد سمیت 8 ٹیمیں براہ راست شامل ہوں گی۔
مزید پڑھیے: ’ڈومیسٹک کرکٹ: دوستی یاری میں امپائر سے بچ جاتے ہیں‘، فہیم اشرف کے بیان نے نیا پنڈورا باکس کھول دیا
علاوہ ازیں، پی سی بی نے 4 ڈیپارٹمنٹل ٹورنامنٹس پریذیڈنٹ ٹرافی، پریذیڈنٹ کپ، گریڈ II اور گریڈ III بھی سیزن میں شامل کیے ہیں۔ اس کے ساتھ ساتھ انڈر 15، انڈر 17 اور انڈر 19 کے ریجنل ٹورنامنٹس کو بھی کیلنڈر کا حصہ بنایا گیا ہے تاکہ نوجوان ٹیلنٹ کو مواقع فراہم کیے جا سکیں۔
چیف آپریٹنگ آفیسر پی سی بی سمیر احمد سید کا کہنا ہے کہ 26-2025 کا ڈومیسٹک اسٹرکچر میرٹ، مواقع اور مقابلے کی بنیاد پر تیار کیا گیا ہے۔
انہوں نے کہا کہ ہر میچ کی اہمیت بڑھا دی گئی ہے اور کارکردگی کو بنیاد بنایا گیا ہے۔انہوں نے مزید کہا کہ حنیف محمد ٹرافی میں 12 ریجنز کے لیے خود کو منوانے کا سنہری موقع ہوگا جبکہ نیشنل ٹی 20 کا سپر 10 فارمیٹ معیاری اور سنسنی خیز کرکٹ کو فروغ دے گا۔
سمیر احمد سعید نے کہا کہ ہمارا مقصد کارکردگی کی بنیاد پر عالمی معیار کے کھلاڑی تیار کرنا ہے۔
ڈائریکٹر ڈومیسٹک کرکٹ آپریشنز عبداللہ خرم نیازی کا کہنا تھا کہ ریجنل اور ڈیپارٹمنٹل کرکٹ کو یکساں اہمیت دی گئی ہے۔ انڈر 15، انڈر 17 اور انڈر 19 ٹورنامنٹس نوجوان ٹیلنٹ کے لیے نیا پلیٹ فارم فراہم کریں گے۔
مزید پڑھیں: پی سی بی کا خواتین کرکٹرز کو پہلی مرتبہ ڈومیسٹک کنٹریکٹس دینے کا فیصلہ
انہوں نے بتایا کہ حنیف محمد ٹرافی کے نمایاں کھلاڑی قائداعظم ٹرافی میں بطور گیسٹ پلیئرز کھیل سکیں گے اور انہیں ڈومیسٹک کنٹریکٹس بھی دیے جائیں گے تاکہ ان کی کارکردگی میں مزید نکھار آئے۔
دریں اثنا پی سی بی کا یہ نیا ڈومیسٹک کیلنڈر پاکستانی کرکٹ میں مقابلے، معیار اور کھلاڑیوں کی ترقی کی نئی راہیں کھولنے کی جانب ایک اہم قدم قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
26-2025 ڈومیسٹک کرکٹ کیلنڈر پی سی بی ڈومیسٹک کرکٹ ڈومیسٹک کرکٹ کیلنڈر.
ذریعہ
ذریعہ: WE News
کلیدی لفظ: 26 2025 ڈومیسٹک کرکٹ کیلنڈر پی سی بی ڈومیسٹک کرکٹ ڈومیسٹک کرکٹ کیلنڈر ڈومیسٹک کرکٹ کی حنیف محمد ٹرافی قائداعظم ٹرافی پی سی بی کے لیے گیا ہے
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار