کابینہ نے کمپنی بورڈز میں شامل بیوروکریٹس کی ایک ملین روپے سالانہ فیس کی حد ختم کردی
اشاعت کی تاریخ: 8th, July 2025 GMT
وفاقی کابینہ نے اعلیٰ بیوروکریٹس کی بورڈ فیس سالانہ ایک ملین روپے تک محدود کرنے کا اپنا ایک سال پرانا فیصلہ واپس لے لیا ہے، کیونکہ اکثریت نے اس فیصلے پر عملدرآمد نہیں کیا۔
میڈیا رپورٹس کے مطابق وزیراعظم شہباز شریف اور نائب وزیراعظم اسحاق ڈار جون 2024 میں کابینہ کے اس فیصلے کے روح رواں تھے، جس کے تحت بیوروکریٹس کو ایک ملین روپے تک بورڈ فیس رکھنے اور زائد رقم قومی خزانے میں جمع کرانے کی ہدایت دی گئی تھی۔
کچھ سرکاری اداروں کی بورڈ فیس ایک اجلاس کے لیے 5,000 ڈالر تقریباً 14 لاکھ روپے تک جاتی ہے، جبکہ اکثر معاملات میں یہ فیس چند ہزار سے لے کر کئی لاکھ روپے تک ہوتی ہے۔
یہ بھی پڑھیں: پاکستان کو دیوالیہ پن سے بچانے کے لیے بہت بڑی سیاسی قیمت ادا کی، وزیراعظم شہباز شریف
وزارت خزانہ کی جانب سے رواں ماہ جاری کردہ نوٹیفکیشن کے مطابق، کابینہ ڈویژن نے 22 جون 2025 کو یہ فیصلہ باضابطہ طور پر واپس لے لیا ہے۔
نوٹیفکیشن میں لکھا گیا ہے کہ کابینہ ڈویژن کے فیصلے مورخہ 22 جون 2025 کی پیروی میں، وزارت خزانہ کا خط مورخہ 10 جولائی 2024 اور اس سے متعلقہ دفتر یادداشت کو از خود منسوخ سمجھا جائے۔
گزشتہ برس جون میں وزیراعظم اور نائب وزیراعظم کا مؤقف تھا کہ بیوروکریٹس کو بھاری فیس کا صرف کچھ حصہ رکھنا چاہیے اور باقی قومی خزانے میں جمع کرانا چاہیے۔
مزید پڑھیں:
وزیراعظم نے بعض بورڈ اجلاسوں کے لیے 5,000 ڈالر یا 14 لاکھ روپے تک فیس لینے پر شدید تحفظات کا اظہار کیا تھا۔ دو سرکاری ادارے — پاک عرب ریفائنری لمیٹڈ اور پاکستان ٹیلی کمیونیکیشن لمیٹڈ ہر بورڈ اجلاس کے لیے تقریباً ایک ملین روپے یا اس سے زائد فیس دیتے ہیں۔
وزارت خزانہ، پیٹرولیم، نجکاری اور انفارمیشن ٹیکنالوجی کے سیکریٹریز ان بورڈز کے رکن ہیں، بعض دیگر بورڈز میں فی اجلاس فیس 1 لاکھ سے 2.
سال 2023 میں اُس وقت کے وزیر خزانہ اسحاق ڈار نے اعلان کیا تھا کہ سرکاری افسران سالانہ زیادہ سے زیادہ 6 لاکھ روپے بورڈ فیس رکھ سکتے ہیں، باقی قومی خزانے میں جمع کرائیں گے، تاہم اس فیصلے پر عمل نہیں ہو سکا۔
مزید پڑھیں:
وزارت خزانہ کی طرف سے جاری کردہ دفتر یادداشت میں کہا گیا تھا کہ سرکاری ملازمین جو کمپنیوں یا تنظیموں کے بورڈ کے رکن کے طور پر فیس کے حقدار بنتے ہیں، وہ سالانہ زیادہ سے زیادہ 10 لاکھ روپے تک رکھ سکیں گے۔ اس سے زائد رقم قومی خزانے میں جمع کروائی جائے گی، اور متعلقہ وزارت/ڈویژن کے انتظامی ونگ کو اس کی رپورٹ دی جائے گی۔
چونکہ شاید ہی کسی بیوروکریٹ نے اس پر عمل کیا، اس لیے وفاقی کابینہ نے یہ فیصلہ واپس لے لیا جیسے یہ کبھی کیا ہی نہ گیا ہو۔
کفایت شعاری کے اقداماتوزارت خزانہ نے مالی سال 2025-26 کے لیے کفایت شعاری اقدامات کے تسلسل کا بھی اعلان کیا ہے۔ یہ اقدامات وفاقی حکومت کے تمام منسلک اداروں، ریاستی ملکیت کے اداروں اور قانونی اداروں بشمول ریگولیٹری اتھارٹیز پر لاگو ہوں گے۔
نوٹیفکیشن کے مطابق، ریاستی اداروں کے معاملے میں یہ اقدامات 2023 کے ایس او ایز ایکٹ کی دفعہ 35 اور متعلقہ قوانین کی دفعات کے تحت حکومت کی ہدایت تصور ہوں گے۔
یہ اقدامات ہر سال حکومتی اخراجات کم کرنے کے لیے متعارف کرائے جاتے ہیں، جن میں خالی آسامیوں کا خاتمہ، نئی گاڑیوں و مشینری کی خریداری پر پابندی، اور سرکاری افسران کے غیر ضروری غیر ملکی دوروں پر قدغن شامل ہے۔
مزید پڑھیں:کفایت شعاری مہم، اسپیکر قومی اسمبلی کا سیکرٹریٹ کے اخراجات میں کمی کا فیصلہ
نوٹیفکیشن کے مطابق صرف آپریشنل گاڑیاں، جیسے ایمبولینس، طبی آلات کی گاڑیاں، فائر بریگیڈ، تعلیمی اداروں کے لیے بسیں و وینز، کوڑا کرکٹ اٹھانے والی گاڑیاں، اور موٹرسائیکلیں، ضرورت پڑنے پر خریدی جا سکیں گی۔
ایکسپریس ٹریبیون کی رپورٹ کے مطابق وزیراعظم شہباز شریف کی حکومت نے حال ہی میں وزرا اور فیڈرل بورڈ آف ریونیو کے افسران کے لیے گاڑیاں خریدی ہیں، ایف بی آر لوگو والی نئی گاڑیاں نجی استعمال میں بھی دیکھی گئی ہیں۔
اسی طرح، مختلف سرکاری محکموں کے لیے مشینری و آلات کی خریداری پر بھی پابندی عائد ہوگی، صرف اسپتالوں، لیبارٹریز، زراعت، مائننگ اور اسکولوں کے لیے درکار مشینری خریدی جا سکے گی۔
مزید پڑھیں:کفایت شعاری مہم: حکومت نے وزرا اور سرکاری افسران پر کون سی سفری پابندیاں عائد کی ہیں؟
وزارت نے نئے مستقل یا عارضی عہدوں کے قیام پر بھی پابندی لگا دی ہے، سوائے ان عہدوں کے جو پبلک سیکٹر ڈیولپمنٹ پروگرام کے تحت ہوں، جو آسامیاں گزشتہ 3 سال سے خالی ہیں، انہیں ختم کر دیا جائے گا۔
پبلک سیکٹر ڈیولپمنٹ پروگرام فنڈ سے خریداری اس پابندی سے مستثنیٰ ہو گی، بیرونِ ملک حکومتی خرچ پر علاج اور تمام غیر ضروری غیر ملکی دوروں پر مکمل پابندی عائد کر دی گئی ہے۔
ایڈہاک تنخواہ میں اضافہوزارت خزانہ نے مسلح افواج، سول آرمڈ فورسز، وفاقی حکومت کے تمام سول ملازمین، دفاعی اخراجات سے تنخواہ پانے والے سویلینز، اور کنٹریکٹ ملازمین کے لیے 10 فیصد ایڈہاک تنخواہ اضافے کا بھی نوٹیفکیشن جاری کر دیا ہے، مذکورہ فیصلہ بجٹ میں کیا گیا تھا۔
اسی طرح وفاقی حکومت کے تمام سول پینشنرز کے لیے پینشن میں 7 فیصد اضافہ بھی کیا گیا ہے، جو کہ 1954 کی پینشن کم گریجویٹی اسکیم اور 1977 کے لبرلائزڈ پینشن رولز کے تحت دی گئی فیملی پینشنز پر بھی لاگو ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈہاک تنخواہ ایس او ایز ایکٹ پبلک سیکٹر ڈیولپمنٹ پروگرام پینشن کم گریجویٹی اسکیم دفاعی اخراجات سول آرمڈ فورسز سول ملازمین لبرلائزڈ پینشن رولز وزارت خزانہ وفاقی حکومتذریعہ: WE News
کلیدی لفظ: ایس او ایز ایکٹ پینشن کم گریجویٹی اسکیم دفاعی اخراجات سول آرمڈ فورسز سول ملازمین لبرلائزڈ پینشن رولز وفاقی حکومت ایک ملین روپے لاکھ روپے تک کفایت شعاری وفاقی حکومت مزید پڑھیں بورڈ فیس کے مطابق کے لیے کے تحت
پڑھیں:
پاکستانی کمپنی کو عالمی مارکیٹ سے بیف کے کروڑوں روپے کے آرڈرز مل گئے
data-id="863a0a8" data-element_type="widget" data-widget_type="theme-post-content.default">
پاکستانی معیشت کے لیے خوش آئند خبر یہ ہے کہ چین میں بیف کی بڑھتی ہوئی طلب کے باعث پاکستان کو اربوں روپے کے برآمدی آرڈرز مل گئے ہیں۔
دی اورگینک میٹ کمپنی نے پاکستان اسٹاک ایکسچینج کو آگاہ کیا ہے کہ اسے چین سے 7.5 ملین امریکی ڈالر مالیت کے نئے آرڈرز موصول ہوئے ہیں۔ یہ معاہدہ سی پیک فریم ورک کے تحت طے پایا ہے اور اس کے ذریعے پاکستان سے ایک سال کے دوران فروزن بون لیس بیف چین کو برآمد کیا جائے گا۔
کمپنی کے مطابق چین میں حلال پروٹین مصنوعات کی مانگ میں مسلسل اضافہ دیکھا جا رہا ہے، جس سے پاکستانی بیف ایکسپورٹ کے مواقع وسیع ہورہے ہیں۔ برآمد کیا جانے والا بیف عالمی معیار کے مطابق ہوگا تاکہ بین الاقوامی مارکیٹ میں پاکستانی مصنوعات کا اعتماد اور مقام مزید مضبوط ہوسکے۔
یہ پیش رفت نہ صرف پاکستان کے زرِمبادلہ کے ذخائر میں اضافے کا باعث بنے گی بلکہ لائیو اسٹاک سیکٹر کے فروغ میں بھی اہم کردار ادا کرے گی۔ ماہرین کے مطابق اگر پاکستان اپنی پروسیسنگ اور ایکسپورٹ کے معیار کو مزید بہتر کرے تو مستقبل میں برآمدات کئی گنا بڑھ سکتی ہیں۔
اقتصادی ماہرین کا کہنا ہے کہ چین کے ساتھ یہ شراکت داری پاکستان کے زرعی اور گوشت کے شعبے کے لیے ایک بڑا موقع ہے، جس سے کسانوں اور کاشتکاروں کو بھی فائدہ پہنچے گا اور دیہی معیشت کو سہارا ملے گا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام