وفاقی کابینہ کا 5 لاکھ ٹن چینی درآمد کرنے کا حتمی فیصلہ
اشاعت کی تاریخ: 8th, July 2025 GMT
وزارتِ غذائی تحفظ و تحقیق کے مطابق وفاقی کابینہ نے ملک میں چینی کی قیمتوں میں استحکام برقرار رکھنے کے لیے 5 لاکھ ٹن چینی درآمد کرنے کا حتمی فیصلہ کر لیا ہے۔
وزارت کا کہنا ہے کہ چینی کی درآمد سرکاری شعبے کے ذریعے کی جائے گی اور اس کے لیے تمام انتظامات مکمل کر لیے گئے ہیں، درآمدی عمل کا فوری آغاز کیا جا رہا ہے تاکہ مقامی منڈی میں چینی کی طلب و رسد میں توازن قائم رکھا جا سکے۔
یہ بھی پڑھیں:اسحاق ڈار کی زیرصدارت اجلاس، 5 لاکھ میٹرک ٹن چینی درآمد کرنے کا فیصلہ برقرار
ترجمان وزارت غذائی تحفظ کے مطابق، چینی کی درآمد کا موجودہ طریقہ کار ماضی کی حکومتوں سے بالکل مختلف اور ایک بہتر حکمتِ عملی کی عکاسی کرتا ہے۔
’ماضی میں اکثر اوقات مصنوعی قلت پیدا کر کے قومی خزانے پر سبسڈی کا بوجھ ڈالا جاتا رہا، جبکہ موجودہ حکومت نے وافر دستیابی کے وقت چینی برآمد کی اور اب ضرورت کے تحت اس کی درآمد کا فیصلہ کیا ہے۔‘
مزید پڑھیں:سپریم کورٹ بار کا پیٹرولیم مصنوعات اور چینی کی قیمتوں میں اضافہ پر اظہارِ تشویش
ترجمان وزارت غذائی تحفظ کا مزید کہنا ہے کہ یہ اقدام عوامی مفاد اور معیشت کے استحکام کے لیے ضروری تھا تاکہ چینی کی قیمتیں قابو میں رہیں اور صارفین کو کسی قسم کی پریشانی کا سامنا نہ ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چینی درآمد سبسڈی قومی خزانے وزارت غذائی تحفظ.
ذریعہ
ذریعہ: WE News
کلیدی لفظ: چینی سبسڈی چینی کی کے لیے
پڑھیں:
اسکردو: معرکہ حق دوسری سرفرنگا نیشنل میراتھن 2026 کا کامیاب انعقاد
پاک فوج کے زیر اہتمام اسکردو میں معرکہ حق دوسری سرفرنگا نیشنل میراتھن 2026 کا کامیاب انعقاد ہوا۔
تفصیلات کے مطابق دنیا کے بلند ترین صحرا سرفرنگا میں 21 کلومیٹر میراتھن کے ساتھ سینئر سیٹیزن اور طلبا کے لیے فن رن کا بھی انعقاد کیا گیا۔
سرفرنگا نیشنل میراتھن میں گلگت بلتستان سمیت پورے پاکستان سے ایک ہزار سے زائد ایتھلیٹس نے حصہ لیا۔
کمانڈر ایف سی این اے سرفرنگا نیشنل میراتھن کی اختتامی تقریب کے مہمان خصوصی تھے۔
میراتھن میں پہلی پوزیشن حاصل کرنے والے ایتھلیٹ محمد اختر کو10 لاکھ روپے نقد انعام اور میڈل سے نوازا گیا۔
دوسری پوزیشن والے سہیل عامر 7 لاکھ اور تیسری پوزیشن حاصل کرنے والے شہباز کو 4 لاکھ کے نقد انعامات دیے گئے۔
پہلی 50 پوزیشنز پر آنے والے ایتھلیٹس کو بھی نقد انعامات، میڈلز اور سرٹیفکیٹس سے نوازا گیا۔
تقریب کے شرکاء اور مقامی عوام نے پاک فوج کی جانب سے میراتھن کے انعقاد کو بھرپور سراہا۔
اس موقع پر شرکاء کا کہنا تھا کہ علاقے میں امن، یکجہتی اور صحت مند سرگرمیوں کے فروغ کے لیے یہ میراتھن قابلِ تحسین اقدام ہے۔ اس کامیاب ایونٹ نے نوجوانوں کو مثبت سرگرمیوں کی جانب راغب کیا ہے۔
پاک فوج دفاع وطن کے ساتھ ساتھ نوجوانوں کو صحت مند سرگرمیوں کی طرف راغب کرنے کے لیے بھی کوشاں ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ