خیرپور: سچل لائبریری کے ڈائریکٹر غلام سرور کی ڈائریکٹر جنرل کے عہدے پر ترقی
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
خیرپور(جسارت نیوز ) سندھ حکومت نے گزشتہ 6 سال سے سندھ گورنمنٹ سچل لائبریری خیرپور میں ڈاریکٹر کے فرائض انجام دینے والے غلام سرور چنڑ کو ڈاریکٹر جنرل لائبریری مقرر کردیا، جس کا نوٹیفکیشن جاری ہونے کے بعد غلام سرور چنڑ نے عہدے کا چارج سنبھال کر کام شروع کردیا ہے، غلام سرور چنڑ نے بطور ڈاریکٹر سچل سرمست لائبریری خیرپور لائبریری میں تعلیم حاصل کرنے کیلئے آنے والے طلبا و طالبات کو بہترین سہولیات فراہم کی، سچل سرمست لائبریری میں دوران ڈاریکٹر لائبریری سرور چنڑ نے جدید کمپیوٹر لیب، مفت انٹرنیٹ سسٹم، سی سی ٹی وی کیمرہ، جدید فرنیچر، دو جدید ریڈنگ حال سمیت سی ایس ایس کے کئی پروگرامز منعقد کرائے۔
.ذریعہ: Jasarat News
کلیدی لفظ: غلام سرور
پڑھیں:
انتقامی سیاست کو دفن کئے بغیر آگے نہیں بڑھاجاسکتا،جاوید قصوری
data-id="863a0a8" data-element_type="widget" data-widget_type="theme-post-content.default">
لاہور (وقائع نگارخصوصی) امیر جماعت اسلامی پنجاب وسطی محمد جاوید قصوری نے کہا کہ سیاسی چپقلش اور انتقامی سیاست کو دفن کئے بغیر ملک و قوم کو آگے لے کر نہیں چلا جا سکتا، اس کا خمیازہ قوم نے بھگت لیا ہے۔ ہمارے ہمسایہ ممالک ترقی و خوشحالی میں آگے نکل چکے ہیں، پاکستان جنوبی ایشیا کا سب سے مہنگا ترین ملک بن چکا ہے۔ادارے تباہ اور کرپشن نے نظام کو کھوکھلا کر کے رکھ دیا ہے۔ان خیالات کا اظہا ر انہوں نے مختلف تقریبات سے خطاب کرتے ہوئے کیا۔ان کا کہنا تھا کہ اب وقت آگیا ہے کہ ملک کی ترقی اور قوم کی خوشحالی میں سب ملک کر اپنا مثبت کر دار ادا کریں۔ کوئی بھی چیز پاکستان کی سلامتی سے بڑھ کر نہیں ہو سکتی۔باہمی اختلافات کو ختم کرنا وقت کا تقاضا ہے۔دشمن قوتین حملہ آور ہیں، بھارت اپنی شکست کا بدلہ لینے کے لئے بلوچستان اور خبیرپختونخوا میں دہشت گردی کی وارداتیں کروا رہا ہے۔قومی سلامتی کو یقینی بنانے کے لئے داخلی انتشار، با ہمی اختلافات اور بد اعتمادی کی فضا کو ختم کرنا ا ز حد ضروری ہے۔انہوں نے کہا کہ منافع بخش ادارے حکمرانوں کی مسلسل لوٹ مار کے باعث خسارے کا شکار ہو کر قومی خزانے پر سفید ہاتھی بن چکے ہیں۔نا اہلوں کا ایک ٹولہ ہے جس کے پاس وڑن ہے اور نہ ہی اداروں کو اپنے پاوں پر کھڑا کرنے کی صلاحیت ہے۔ کرپشن نے ملکی معیشت کو مفلوج کر کے رکھ دیا، سودی نظام سے چھٹکارہ حاصل کرنا ہوگا۔ محمدجاوید قصوری نے اس حوالے سے مزید کہا کہ مفادات کی سیاست نے ملک و قوم کو نا قابل تلافی نقصان پہنچایا ہے۔ ظلم و ستم اور کرپٹ نظام نے عوام سے جینے کا حق بھی چھین لیا ہے، جاگیر داروں، وڈیروں اور سرمایہ داروں کے ساتھ مافیا ز نے لوٹ مار کا بازار گرم کر رکھا ہے۔ ملک و قوم کو انتشار، سیاسی عدم استحکام اورانارکی کی طرف دھکیلا جا رہا ہے۔ ضرورت اس بات کی ہے کہ تمام اسٹیک ہولڈرز ذاتی مفادات سے بالاتر ہو کر قومی مفادات کو ترجیح دیں اور پاکستان کی ترقی میں اپنا مثبت کردار ادا کریں۔
غزہ میں بچوں کیخلاف لڑی گئی انسانی تاریخ کی پہلی جنگ