بھارت،رام نگر میں مسلمانوں کے17 مدارس سیل
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
رام نگر:بھارت میں مودی سرکار نے مسلمانوں کا جینا حرام کررکھا ہے،مسلمانوں پر تشدد روز کا معمول بن چکا ہے،مسلمانوں کی یادگار وں، تاریخی عمارتوں اور ان کے ناموں کو مٹانے کا سلسلہ جاری ہے،کئی مساجد کو شہید کیا جاچکا ہے اور اب مدارس کو بھی ڈھانے کا سلسلہ جاری ہے۔ اتراکھنڈ کے نینی تال ضلع کے رام نگر علاقے میں مدارس کے خلاف انتظامیہ کی کارروائی جاری ہے۔
رام نگر میں اب تک کل 17 مدارس کو سیل کیا گیا ہے۔ رام نگر کے سب ڈسٹرکٹ مجسٹریٹ پرمود کمار نے میڈیا سے بات کرتے ہوئے کہا کہ یہ کارروائی گزشتہ ڈیڑھ ماہ میں کی گئی ہے، یہ مہم آئندہ بھی جاری رہے گی۔انہوں نے کہا کہ جن مدارس کو سیل کیا گیا ہے وہ رام نگر اسمبلی حلقہ کے تحت آتے ہیں۔ انتظامیہ کی طرف سے یہ کارروائی تعلیم اور عمارت کے معیار کی جانچ کی بنیاد پر کی جا رہی ہے۔ مدارس کی درستگی، رجسٹریشن اور آپریشن سے متعلق دستاویزات میں خامیاں پائی گئیں۔ ان کی شناخت کر کے بند کر دیا گیا ہے۔
اب تک سیل کیے گئے مدارس میںمدرسہ انوار القرآن، ایجوکیشنل سوسائٹی بلالی مسجد گلرگھٹی،مدرسہ گلشن گوسیہ، نوری مسجد، خطاڈی،مدرسہ دارالعلوم گلشن رضا، اندرا کالونی، خطادی ،مدرسہ فیضان رضا، آشیانہ کالونی، بھوانی گنج،مدرسہ مفتہ العلوم، جامع مسجد ،مدرسہ عربیہ شفاءالعلوم اہل سنت بالجماعت، پوچڑی فوجی کالونی،مدرسہ ناصر العلوم ایجوکیشنل سوسائٹی، قدیمی مسجد، گلرگھٹی،مدرسہ اسلامیہ عربیہ مصباح العلوم ایجوکیشنل سوسائٹی ،مدرسہ گلشن بغداد ایجوکیشنل مینجمنٹ کمیٹی صابری ،مدرسہ مفتی اعظم ہند ایجوکیشنل سوسائٹی اعلیٰ حضرت مسجد طاقت ،مدرسہ امام احمد رضا، آدرش نگر، گلرگھٹی،مدرسہ دارالعلوم چشتیہ، منیہار مسجد، ڈھکولی ،مدرسہ رضا دارالعلوم، چھپر والی مسجد،مدرسہ بنات العلوم، محلہ کھٹاری، نزد چھپر والی مسجد،مدرسہ گلشن عزیزیہ، جامع مسجد، ٹانڈہ مالو، پرانی بستی،مدرسہ تل مدینہ، حسین رضا مسجد، بھوانی گنج، کاشی پور روڈ، اورمدرسہ فیضانی اعلیٰ حضرت رضا، چاند مسجد، ٹانڈہ مالو، رام نگر شامل ہیں۔
انتظامیہ نے واضح کیا ہے کہ درست دستاویزات اور اجازت کے بغیر کام کرنے والے کسی بھی ادارے کو برداشت نہیں کیا جائے گا، یہ کارروائی علاقے میں تعلیمی نظام کے قوانین کی شفافیت اور تعمیل کو یقینی بنانے کے لیے کی جا رہی ہے۔
.
ذریعہ
ذریعہ: Jasarat News
کلیدی لفظ: ایجوکیشنل سوسائٹی
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع