آزاد کشمیر میں کلاؤڈ برسٹ، لینڈ سلائیڈنگ، کئی گھر تباہ، مویشی سیلابی ریلے میں بہہ گئے
اشاعت کی تاریخ: 9th, July 2025 GMT
—’جیو نیوز‘ گریب
آزاد کشمیر کے مختلف علاقوں میں بارشوں کا سلسلہ جاری ہے، ضلع جہلم ویلی میں موسلا دھار بارشیں ہوئیں، ہٹیاں بالا کےعلاقہ گوہر آباد میں کلاؤڈ برسٹ ہونے سے 4 گھر تباہ ہو گئے، جبکہ متعدد مکانات اور دکانوں کو نقصان پہنچا، مویشی بھی سیلابی ریلےمیں بہہ گئے، لینڈ سلائیڈنگ اور سیلاب سےمتعدد رابطہ سڑکیں متاثر ہوئی ہیں۔
وادیٔ نیلم، سماہنی، نکیال سمیت دیگر علاقوں میں بھی بارشوں کا سلسلہ جاری ہے۔
گلگت بلتستان کےضلع دیامر میں بارشوں سےنظام زندگی درہم برہم ہے، چلاس میں متعدد مقامات پر سیلاب سے فصلوں، زرعی زمینوں اور درختوں کو نقصان پہنچا ہے، شہر سمیت دیگر مضافات میں پانی اور بجلی کی سپلائی معطل ہے۔
وادیٔ بابوسر میں بارشوں سے سیلابی صورتِ حال ہے، متعدد گھروں کو نقصان پہنچا ہے، جبکہ زیرِ کاشت فصلیں بھی تباہ ہوگئی ہیں۔
آزاد کشمیر کی وادی لیپہ میں طوفانی بارش سے شمسہ بری پہاڑ کے دامن میں کلاؤڈ برسٹ، سیلابی ریلے سے متعدد دیہات کو شدید نقصان پہنچا۔
چترال کےبالائی علاقوں میں گلیشیئرز پگھلنے کےباعث ندی نالوں اور دریائے چترال میں شدید طغیانی ہے، بریپ ندی میں طغیانی کے باعث متعدد راستے بند ہیں، گواڑی سمیت کئی علاقوں میں پانی گھروں میں داخل ہو گیا۔
جنوبی وزیرستان لوئر میں بارش کےباعث وانا گومل زام روڈ پرلینڈنگ سلائیڈنگ ہوئی ہےجس کے باعث شین کئی و دیگر مقامات پر وانا گومل زام سڑک بند ہو گئی۔
اسسٹنٹ کمشنر کا کہنا ہے کہ وانا گومل زام روڈ کو کلیئر کرنے کے لیے احکامات جاری کر دیے گئے ہیں۔
گجرات، جھنگ، کمالیہ، میاں چنوں، خانیوال، سرگودھا سمیت پنجاب کے دیگر اضلاع میں بھی بارش کا سلسلہ وقفے وقفے سے جاری ہے۔
بلوچستان کے مختلف علاقوں میں بھی بارش ہوئی، خضدار میں بارش کے باعث مختلف واقعات میں 2 افراد جاں بحق، جبکہ 1 زخمی ہو گیا۔
.
ذریعہ
ذریعہ: Jang News
کلیدی لفظ: نقصان پہنچا علاقوں میں کو نقصان
پڑھیں:
آزاد کشمیر میں 47 روز بعد میرپور میں انٹرنیٹ سروس جزوی بحال، دیگر علاقوں میں بحالی کا انتظار
آزاد جموں و کشمیر کے شہر میرپور اور اس سے ملحقہ علاقوں میں گزشتہ 47 روز سے معطل انٹرنیٹ سروس جزوی طور پر بحال ہونا شروع ہو گئی ہے۔ اطلاعات کے مطابق ابتدائی مرحلے میں صرف موبائل انٹرنیٹ بحال کیا گیا ہے، جبکہ وائی فائی انٹرنیٹ سروس بلنگ کا عمل مکمل ہونے کے بعد بحال کی جائے گی۔
یاد رہے کہ آزاد کشمیر میں 5 جون 2026 کو انٹرنیٹ سروسز معطل کر دی گئی تھیں۔ یہ اقدام اس وقت کیا گیا تھا جب جموں و کشمیر جوائنٹ عوامی ایکشن کمیٹی (جیک) نے اپنے مطالبات کے حق میں احتجاجی تحریک شروع کرتے ہوئے 9 جون کو مظفرآباد کی جانب لانگ مارچ کا اعلان کیا تھا۔
بعد ازاں 5 جون کو ایکشن کمیٹی کے ایک مرکزی رکن پر مبینہ حملے اور مظاہرین و سکیورٹی فورسز کے درمیان جھڑپوں کے بعد حکومت نے کمیٹی کو کالعدم قرار دے دیا تھا، جبکہ اسی روز پورے آزاد کشمیر میں بغیر پیشگی اطلاع انٹرنیٹ سروس بھی معطل کر دی گئی تھی۔
اس سے قبل پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ایکس پر جاری اپنے بیان میں پیپلز پارٹی آزاد کشمیر اور الیکشن کمیشن کی جانب سے انٹرنیٹ بحالی کے لیے کی جانے والی کوششوں کو سراہتے ہوئے امید ظاہر کی تھی کہ میرپور میں سروس جلد بحال ہو جائے گی۔ انہوں نے یہ توقع بھی ظاہر کی کہ مظفرآباد اور دیگر علاقوں میں بھی انٹرنیٹ سروس جلد بحال کر دی جائے گی۔
یہ پیش رفت ایسے وقت میں سامنے آئی ہے جب آزاد کشمیر میں قانون ساز اسمبلی کے انتخابات قریب ہیں۔ الیکشن کمیشن پہلے ہی سکیورٹی اور انتخابی انتظامات کو مؤثر بنانے کے لیے انتخابات تین مراحل میں کرانے کا اعلان کر چکا ہے۔
شیڈول کے مطابق پہلے مرحلے میں 27 جولائی کو میرپور ڈویژن، دوسرے مرحلے میں 2 اگست کو مظفرآباد ڈویژن اور مہاجرین کی نشستوں، جبکہ تیسرے اور آخری مرحلے میں 10 اگست کو پونچھ ڈویژن میں پولنگ ہوگی۔دوسری جانب کالعدم ایکشن کمیٹی کا راولاکوٹ میں احتجاج تاحال جاری ہے۔ کمیٹی کے اہم مطالبات میں مہاجرینِ مقبوضہ کشمیر کے لیے آزاد کشمیر اسمبلی میں مختص 12 نشستوں کے خاتمے سمیت دیگر آئینی اور انتظامی امور شامل ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع