خیبر پختونخوا میں یونیفارمڈ پولیس رسک الاؤنس اور شہداء پیکیج میں اضافہ
اشاعت کی تاریخ: 9th, July 2025 GMT
—فائل فوٹو
خیبر پختون خوا میں یونیفارمڈ پولیس رسک الاؤنس میں اضافہ کر دیا گیا ہے، اس حوالے سے صوبائی کابینہ کے 13 جون کے فیصلے کی روشنی میں محکمۂ خزانہ نے پشاور سے اعلامیہ جاری کیا ہے۔
اعلامیے کے مطابق کانسٹیبل سے انسپکٹر تک یونیفارمڈ پولیس اہلکاروں کے رسک الاونس میں اضافہ کیا گیا ہے، جس کے مطابق کانسٹیبل 7 اسکیل کو پہلے 7400 روپے ملتے تھے، اب 11400 روپے ملیں گے، ہیڈ کانسٹیبل کو 8100 کی بجائے 12700 روپے ملیں گے۔
اے ایس آئی کا رسک الاؤنس 8700 روپے سے بڑھ کر 15700 روپے ہو گیا، سب انسپکٹر کا رسک الاؤنس 10300 سے بڑھا کر 16300 کر دیا گیا، اسی طرح انسپکٹر کو 12700 روپے کی بجائے اب 17300 روپے ملیں گے۔
علاوہ ازیں محکمہ خزانہ خیبر پختون خوا نے پولیس شہداء پیکیج میں اضافے کا نوٹیفیکیشن جاری کر دیا، شہید پولیس اہلکار کے لواحقین کے پیکیجز میں 10، 10 لاکھ روپے کا اضافہ کیا گیا ہے۔
شہید کانسٹیبل اور ہیڈ کانسٹیبل کا پیکیج 1 کروڑ 10 لاکھ روپے کر دیا گیا ہے، ڈی ایس پی اور اے ایس رینک شہداء کے ورثاء کو 1 کروڑ 60 لاکھ روپے کا پیکیج ملے گا۔
ایس پی، ایس ایس پی اور اے آئی جی شہید پیکیج 2 کروڑ 10 لاکھ روپے ہو گیا جبکہ ڈی آئی جی پی، آئی جی کا شہید پیکیج 2 کروڑ 30 لاکھ روپے ہو گا۔
پولیس شہداء کے ورثاء کو پلاٹ بھی دیے جائیں گے، شہید کانسٹیبل کے ورثاء کو 5 مرلہ پلاٹ ملے گا، شہید اے ایس آئی اور ایس آئی کے ورثاء کو 7 مرلہ پلاٹ ملے گا۔
شہید ڈی ایس پی اور اے ایس پی کے ورثاء کو 10 مرلے کا پلاٹ ملے گا، ایس ایس پی اور شہید ہونے والے اعلیٰ افسران کے ورثاء کو ایک کنال کا پلاٹ دیا جائے گا۔
.
ذریعہ
ذریعہ: Jang News
کلیدی لفظ: کے ورثاء کو ایس پی اور لاکھ روپے ملے گا کر دیا گیا ہے اے ایس
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم