کیا ملک میں ملاقاتوں کا مسئلہ ہی رہ گیا ہے، افنان اللہ خان
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
مسلم لیگ (ن) کے رہنما افنان اللہ خان نے کہا ہے کہ پی ٹی آئی کی قیادت کو یہ بات سمجھنی چاہیے کہ عمران خان ایک سزا یافتہ قیدی ہیں۔ ان پر اربوں روپے کی کرپشن کے الزامات عدالت میں ثابت ہو چکے ہیں، جس کی بنیاد پر انہیں سزا سنائی گئی۔ وہ اب بنی گالہ یا کسی فائیو اسٹار ہوٹل جیسے سرینا یا میریٹ میں نہیں، بلکہ جیل میں ہیں، جہاں ملاقاتیں جیل مینول کے مطابق ہی ممکن ہیں۔
انہوں نے مزید کہا کہ عمران خان سے صرف منگل اور جمعرات کو ملاقات کی اجازت ہے، لیکن پی ٹی آئی چاہتی ہے کہ انہیں ایسی کھلی چھوٹ ملے کہ وہ مسلسل ہدایات جاری کرتے رہیں، جو ممکن نہیں۔ کیا ملک میں صرف یہی ایک مسئلہ رہ گیا ہے کہ کس کو کس سے ملاقات کرنی ہے؟
دوسری جانب تحریک انصاف کے رہنما نیاز اللہ نیازی نے کہا کہ عمران خان کی جائیداد پاکستان میں ہے اور انہوں نے بیرون ملک سے جو رقم حاصل کی، وہ بنی گالہ کی تعمیر پر خرچ کی، جس کا حساب بھی انہیں ہی دیا جا رہا ہے۔ ان کے مطابق جن افراد کی جائیدادیں بیرون ملک ہیں، وہ آزاد گھوم رہے ہیں۔ انہوں نے کہا کہ عمران خان کے بیٹوں نے کبھی تحریک کی قیادت کی خواہش ظاہر نہیں کی، اور نہ ہی عمران خان نے انہیں ایسا کرنے کو کہا ہے، وہ خود اس تحریک میں شامل ہونا چاہتے ہیں۔
نیاز اللہ نیازی نے دعویٰ کیا کہ موجودہ نظام عمران خان کو سیاست سے باہر کرنا چاہتا ہے کیونکہ وہ نہ کسی جاگیردار کا بیٹا ہے اور نہ ہی کسی سرمایہ دار کا، اسی لیے اشرافیہ انہیں قبول کرنے کو تیار نہیں۔ یہی وجہ ہے کہ طاقتور حلقے ان کے خلاف سرگرم ہیں۔
.
ذریعہ
ذریعہ: Jasarat News
کلیدی لفظ: کہ عمران خان
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ