فرانس: 18 سال قبل پکڑے گئے نوادرات ابھی تک بلوچستان کو واپس نہ مل سکے
اشاعت کی تاریخ: 10th, July 2025 GMT
علامتی فوٹو
فرانس میں 18سال قبل پکڑے گئے بلوچستان کے نوادرات ابھی تک صوبے کو واپس نہیں مل سکے، بلوچستان کے محکمۂ ثقافت وآثارِ قدیمہ نے فرانس میں پاکستانی سفارت خانے میں موجود نوادرات واپس منگوانے کے لیے مراسلہ لکھنے کا فیصلہ کیا ہے۔
سیکریٹری ثقافت وآثار قدِیمہ سہیل الرحمان بلوچ نے ’جیو نیوز‘ سے گفتگو کے دوران بتایا کہ بلوچستان کے آثارِ قدیمہ 2006-2007ء میں فرانس اسمگل کرنے کی کوشش کے دوران فرانسسی ایئرپورٹ پر پکڑے گئے تھے جنہیں فرانسسی حکومت نے 2019ء میں فرانس میں پاکستانی سفارت خانے کے حوالے کر دیا تھا۔
سہیل الرحمان بلوچ نے مزید بتایا کہ پاکستانی سفارت خانے نے وہ نوادرات ابھی تک بلوچستان کو واپس نہیں کیے ہیں، محکمۂ آثار قدیمہ نے ان نوادرات کی واپسی کے لیے صوبائی حکومت، وفاقی وزاراتِ آثارِ قدیمہ اور فرانس میں پاکستانی سفارت خانے کو مراسلہ لکھنے کا فیصلہ کیا ہے۔
سیکریٹری ثقافت و آثارِ قدیمہ نے بتایا کہ اٹلی اور برطانیہ میں بھی موجود بلوچستان کے نوادرات واپس منگوائے جائیں گے۔
انہوں نے بتایا کہ یو ایس ایڈ سے نو کروڑ روپے کی لاگت سے کوئٹہ کے عجائب خانے کو جدید خطوط پر استوار کیا جا رہا ہے، تینوں ممالک اٹلی، برطانیہ اور فرانس سے نوادرات منگوا کر اس عجائب گھر میں رکھے جائیں گے۔
.ذریعہ: Jang News
کلیدی لفظ: پاکستانی سفارت خانے بلوچستان کے بتایا کہ
پڑھیں:
کراچی میں جرمن قونصلیٹ کیوں بند کیا گیا، کب تک بند رہے گا؟
جرمن قونصل خانے نے اعلان کیا ہے کہ کراچی میں قونصل خانہ 8 سے 11 جولائی تک عارضی طور پر بند رہے گا۔ سرکاری بیان کے مطابق یہ بندش عملی وجوہات کی بنا پر کی گئی ہے۔
قونصل خانے نے وضاحت کی ہے کہ پاسپورٹ کی وصولی کی سہولت جاری رہے گی، تاہم ویزا اپائنٹمنٹس کو دوبارہ شیڈول کیا جائے گا۔
اس اچانک اعلان کے باعث طلبہ، کاروباری افراد اور سیاحوں سمیت متعدد پاکستانی شہری غیر یقینی صورتحال کا شکار ہو گئے ہیں، جنہوں نے آئندہ دنوں میں جرمنی سفر کی منصوبہ بندی کر رکھی تھی۔
دوسری جانب، سویڈن نے پاکستان میں ویزا پراسیسنگ کی سہولت دوبارہ بحال کر دی ہے۔ وزارت خارجہ پاکستان کے مطابق، یہ سہولت فوری طور پر مؤثر ہو گئی ہے، جس سے یورپی ملک جانے کے خواہشمند شہریوں کو بڑی سہولت حاصل ہو گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرمن قونصل خانے کراچی
لیاری میں 5 منزلہ عمارت گرنے سے ہوئی تباہی کے مناظر