بانی پی ٹی آئی کو ان کے بچے اور ان کی بہنیں رہائی نہیں دلوا سکتے، سینیٹر عرفان صدیقی
اشاعت کی تاریخ: 10th, July 2025 GMT
فائل فوٹو
سینیٹر عرفان صدیقی نے کہا ہے کہ بانی پی ٹی آئی کو ان کے بچے اور ان کی بہنیں رہائی نہیں دلوا سکتے، عمران خان کی رہائی خود ان پر منحصر ہے۔
جیو نیوز کے پروگرام جیو پاکستان میں گفتگو کرتے ہوئے سینیٹر عرفان صدیقی نے کہا کہ بانی پی ٹی آئی اپنے بچوں کو سیاست میں لانا چاہتے ہیں، ان کے بچے ضرور پاکستان آئیں، تحریک چلانا چاہتے ہیں تو چلائیں۔
عرفان صدیقی نے کہا کہ بانی پی ٹی آئی کے بچے قانون کے دائرے میں رہ کر کام کریں تو اعتراض نہیں، ان کے بچوں کے آنے سے کوئی طوفان نہیں آئے گا۔
اسلام آباد تحریک انصاف کی قیادت اپنی تحریک کی.
انہوں نے کہا کہ آصف زرداری ریاست کے سربراہ کی حیثیت سے اچھے طریقے سے کام کر رہے ہیں، انہوں نے حکومت کے لیے مشکلات پیدا نہیں کیں وہ مدبر شخص ہیں۔
سینیٹر عرفان صدیقی نے کہا کہ پیپلز پارٹی ہماری اتحادی ہے ہم کیوں اس نظام کو درہم برہم کرنا چاہیں گے؟
انہوں نے مزید کہا کہ خیبرپختونخوا میں حکومت تبدیل نہیں ہو رہی۔
سینیٹر عرفان صدیقی نے کہا کہ چینی کی قیمتوں پر قابو پانے کے لیے باہر سے چینی منگوائی گئی، حکومت عوام کو ریلیف پہنچانے کے لیے اقدامات کر رہی ہے۔
ذریعہ: Jang News
کلیدی لفظ: سینیٹر عرفان صدیقی نے کہا عرفان صدیقی نے کہا کہ بانی پی ٹی کے بچے
پڑھیں:
عمران خان کے بچوں کو سیاسی سرگرمیوں سے کوئی نہیں روکے گا، سینیٹر عرفان صدیقی
مسلم لیگ (ن) کے سینیئر رہنما اور سینیٹر عرفان صدیقی نے کہا ہے کہ اگر عمران خان کے بچے قانون کے دائرے میں رہتے ہوئے سیاسی سرگرمیاں کریں تو انہیں کوئی اعتراض نہیں ہوگا۔
یہ بھی پڑھیں:عمران خان کے بیٹے پاکستان آئے تو ان کا کیا انجام ہوگا؟ رانا ثنااللہ نے خبردار کردیا
نجی ٹی وی کے پروگرام میں گفتگو کرتے ہوئے عرفان صدیقی کا کہنا تھا کہ بانی تحریک انصاف عمران خان اپنے بچوں کو سیاست میں متحرک کرنا چاہتے ہیں، تو وہ ضرور پاکستان آئیں اور اگر وہ سیاسی تحریک چلانا چاہتے ہیں تو اس کی بھی اجازت ہے، بشرطیکہ وہ آئین و قانون کی حدود میں رہ کر کام کریں۔
ان کا مزید کہنا تھا کہ عمران خان کی رہائی ان کی اپنی حکمت عملی اور قانونی موقف پر منحصر ہے، کوئی بہن یا بیٹا ان کے لیے رہائی کا سبب نہیں بن سکتا۔
عرفان صدیقی نے خیبرپختونخوا حکومت کی تبدیلی کی خبروں کو مسترد کرتے ہوئے کہا کہ ایسی کوئی تبدیلی نہیں ہو رہی۔
یہ بھی پڑھیں:سیاستدانوں کے بچے اور عمران خان
انہوں نے صدرِ مملکت آصف علی زرداری کی کارکردگی کو سراہتے ہوئے کہا کہ وہ ایک زیرک اور بردبار شخصیت ہیں، جو ذمہ داری سے اپنا کردار ادا کر رہے ہیں۔
ان کا کہنا تھا کہ پیپلزپارٹی مسلم لیگ (ن) کی اتحادی جماعت ہے، اور اتحادی حکومت میں ہم کیوں چاہیں گے کہ نظام عدم استحکام کا شکار ہو؟
چینی کی قیمتوں سے متعلق سوال پر سینیٹر عرفان صدیقی نے وضاحت کی کہ مہنگائی پر قابو پانے کے لیے حکومت نے چینی درآمد کی ہے، تاکہ عوام کو زیادہ سے زیادہ ریلیف فراہم کیا جا سکے۔
انہوں نے کہا کہ موجودہ حکومت عام آدمی کو ریلیف دینے کے لیے سنجیدہ اقدامات کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی عرفان صدیقی عمران خان عمران خان کے بیٹے
اندوہناک حادثہ! نیلم ویلی میں سیاحوں کی گاڑی دریا برد، 6 جانیں ضائع