پی ٹی آئی رہنماؤں میں پھر جھگڑے: شیخ وقاص کا فواد چوہدری پر ایک ارب ہرجانے کا دعویٰ
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد :پاکستان تحریک انصاف (پی ٹی آئی) جو پہلے ہی مشکلات اور دباؤ کا شکار ہے، اب ایک اور اندرونی بحران کی لپیٹ میں آ چکی ہے، جہاں پارٹی کے اہم رہنما کھلے عام ایک دوسرے کے خلاف صف آرا ہو چکے ہیں اور معاملہ اس حد تک پہنچ گیا ہے کہ ایک سینئر رہنما نے دوسرے کے خلاف عدالت میں ایک ارب روپے کا ہرجانے کا دعویٰ دائر کر دیا ہے۔
میڈیا ذرائع کے مطابق پی ٹی آئی کے مرکزی سیکرٹری اطلاعات شیخ وقاص اکرم نے سابق وفاقی وزیر فواد چوہدری کے خلاف اسلام آباد کی ضلعی عدالت میں ہتکِ عزت کا مقدمہ دائر کیا ہے۔
درخواست میں شیخ وقاص کا مؤقف ہے کہ فواد چوہدری نے سوشل میڈیا پر ایسے جھوٹے، گمراہ کن اور توہین آمیز بیانات دیے، جن سے نہ صرف ان کی ذاتی ساکھ متاثر ہوئی بلکہ عوامی تاثر اور وقار کو بھی شدید نقصان پہنچا۔
شیخ وقاص اکرم نے عدالت میں مؤقف اختیار کیا ہے کہ وہ ایک عزت دار شہری ہونے کے ساتھ ساتھ عوام کے ووٹوں سے منتخب ہونے والے رکن قومی اسمبلی بھی ہیں اور فواد چوہدری کی جانب سے سوشل میڈیا پلیٹ فارمز پر کی جانے والی بیان بازی نے انہیں عوام کی نظروں میں بدنام کیا ہے۔
درخواست میں عدالت سے استدعا کی گئی ہے کہ فواد چوہدری کو نہ صرف ایک ارب روپے ہرجانے کی ادائیگی کا پابند بنایا جائے بلکہ سوشل میڈیا پر دیے گئے بیانات کی تردید بھی کرائی جائے تاکہ ان کی عزتِ نفس بحال ہو سکے۔
عدالت میں یہ مقدمہ ایڈیشنل سیشن جج سہیل شیخ نے سماعت کے لیے منظور کر لیا ہے اور فریقین کو ابتدائی دلائل پیش کرنے کے لیے 12 جولائی کی تاریخ مقرر کر دی ہے۔
آئندہ سماعت میں عدالت فیصلہ کرے گی کہ آیا یہ دعویٰ باقاعدہ ٹرائل کے لیے منظور کیا جائے یا نہیں۔
سیاسی تجزیہ نگاروں کا کہنا ہے کہ پی ٹی آئی میں یہ پہلا موقع نہیں جب اندرونی اختلافات اس قدر شدت اختیار کر گئے ہوں کہ نوبت قانونی چارہ جوئی تک پہنچ جائے۔ پارٹی پہلے ہی مختلف چیلنجز کا سامنا کر رہی ہے، جس میں قیادت کی گرفتاری، تنظیمی مسائل اور مسلسل سیاسی دباؤ شامل ہیں۔ ایسے میں پارٹی رہنماؤں کے درمیان یہ نوعیت کی کشیدگی پارٹی کے لیے مزید نقصان دہ ثابت ہو سکتی ہے۔
.ذریعہ: Jasarat News
کلیدی لفظ: فواد چوہدری عدالت میں پی ٹی آئی کے لیے
پڑھیں:
تناؤ میں کمی کیلئے پی ٹی آئی کو ایک قدم پیچھے ہٹنا اور حکومت کو ایک قدم آگے بڑھنا ہوگا، فواد چوہدری
کراچی:پاکستان تحریک انصاف کے سابق رہنما فواد چوہدری نے کہا ہے کہ سیاسی درجہ حرارت میں کمی کیلئے پی ٹی آئی کو ایک قدم پیچھے ہٹنا اور حکومت کو ایک قدم آگے بڑھانا ہوگا۔
فواد چوہدری نے اپنے ایک ویڈیو پیغام میں کہا کہ ملک میں سیاسی تناؤ کی وجہ سے پاکستان کو حاصل ہونے والی حالیہ بین الاقوامی کامیابیوں کا کوئی فائدہ نہیں مل سکا۔ سیاسی درجہ حرارت کم ہونے تک پاکستان میں معاشی ترقی اور سیاسی استحکام نہیں آسکتا۔
انہوں نے کہا کہ ہماری کوشش ہے کہ ایک ایسا ماحول بنایا جائے جس میں کم ازکم بات چیت کا راستہ کھلے، شاہ محمود قریشی، اعجاز چوہدری اور دیگر رہنماؤں سے ملاقاتوں میں یہی نقطہ نظر انکے سامنے رکھا اور وہ بھی اس بات کے حامی ہیں کہ سیاسی ماحول بہتر ہونا چاہئے۔
فواد چوہدری نے مزید کہا کہ ہماری اگلے ہفتے مسلم لیگ (ن) کے سینئر وزرا اور مولانا فضل الرحمان سے بھی ملاقات ہوگی۔ ہم انکے سامنے بھی یہی مدعا رکھیں گے کہ پاکستان میں سیاسی ماحول کو بہتر رکھنے کی ضرورت ہے اور مجھے امید ہے کہ اس کیلئے اقدامات ہوں گے۔
فواد چوہدری نے کہا کہ سیاسی قیدیوں کو ریلیف دے کر ماحول میں بہتری لائی جاسکتی ہے، شاہ محمود قریشی کی ضمانتیں بغیر وجہ کے نہیں ہورہیں۔
انہوں نے کہا کہ اعجاز چوہدری، ڈاکٹر یاسمین راشد، عمر چیمہ، میاں محمود الرشید سمیت جتنے بھی سیاسی کارکن اور خواتین جیلوں میں قید ہیں ضمانت ملنا انکا حق ہے۔ جب یہ سب معاملات ہوں گے تو اس سے سیاسی فضا بہتر ہوگی۔
انہوں نے کہا کہ عمران خان اور بشریٰ بی بی کی رہائی کو ممکن بنانا ہمارا بنیادی کام ہے۔ فی الحال میں (فواد چوہدری)، عمران اسماعیل اور محمود مولوی مل رہے ہیں اور ہماری اگلی ملاقاتوں میں پی ٹی آئی کی سینئر لیڈر شپ بھی نظر آئے گی اور آپ دیکھیں گے کہ سیاسی ماحول بہتری کی طرف جائے گا۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں