ڈی آئی خان: کار اور ٹرک میں خوفناک تصادم، 5 افراد جاں بحق
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">پشاور: ڈیرہ اسمٰعیل خان کی تحصیل پہاڑ پور میں چشمہ روڈ پر ٹرک اور کار میں خوفناک تصادم کے نیتجے میں 5 افراد جاں بحق ہوگئے۔
ترجمان ریسکیو 1122 اعزاز محمود کے مطابق کار میں سوار ایک خاندان ڈیرہ اسمٰعیل کی جانب جا رہا تھا کہ کڑی خیسور پولیس اسٹیشن کی حدود میں ان کی گاڑی ٹرک کے ساتھ ٹکراگئی۔
اعزاز محمود کے مطابق ریسکیو ٹیم کے جائے حادثہ پر پہنچنے سے قبل ہی کار میں سوار پانچوں افراد دم توڑ چکے تھے۔
ترجمان ریسکیو 1122 کے مطابق واقعے میں جاں بحق افراد کی لاشوں کو پہاڑ پور تحصیل ہیڈ کوارٹر اسپتال منتقل کردیا گیا ہے جبکہ لواحقین سے بھی رابطہ کیا جارہا ہے۔ جاں بحق ہونے والے افراد کی شناخت رواد منیر، محمد معتصم، محمد طلحہ، محمد طفیل اور ڈرائیور وسیم اللہ کے نام سے ہوئی ہے، اور تمام افراد ڈی آئی خان ظفر آباد کالونی کے رہائشی تھے۔
قبل ازیں 13 مئی کو بھی ڈیرہ اسمٰعیل خان میں ہی ڈیرہ ژوب ہائی وے پر سلینڈر سے بھرے تیز رفتار ڈمپر کی کار کو ٹکر سے ایک ہی خاندان کے 5 افراد جاں بحق ہوگئے تھے۔
.ذریعہ: Jasarat News
پڑھیں:
کراچی: شیرشاہ میں پلاسٹک گودام کی خوفناک آگ پانچ گھنٹے بعد بھی بے قابو
data-id="863a0a8" data-element_type="widget" data-widget_type="theme-post-content.default">
کراچی کے مصروف علاقے شیرشاہ غنی چورنگی میں واقع پلاسٹک کے گودام میں آج علی الصبح اچانک آگ بھڑک اٹھی، جس نے دیکھتے ہی دیکھتے پورے گودام کو اپنی لپیٹ میں لے لیا۔
نجی ٹی وی کی رپورٹ کے مطابق شہر قائد کے صنعتی علاقے شیرشاہ میں واقع پلاسٹک کے گودام کو لگی آگ تاحال بجھائی نہیں جا سکی، جس نے گودام میں موجود اشیاء کو راکھ کا ڈھیر بنا دیا ہے۔
رپورٹ کے مطابق واقعے کی اطلاع ملتے ہی فائر بریگیڈ کی 6 گاڑیاں جائے وقوعہ پر پہنچ گئیں اور شعلوں پر قابو پانے کے لیے بھرپور کوششیں شروع کر دی ہیں۔
فائر فائٹرز کے مطابق گودام میں پلاسٹک، ربڑ اور دیگر اسکریپ سامان موجود ہے جس کے باعث آگ تیزی سے پھیل رہی ہے اور بجھانے کے عمل میں شدید مشکلات پیش آ رہی ہیں۔
فائر بریگیڈ حکام کے مطابق آگ پر قابو پانے کی کوششیں گزشتہ پانچ گھنٹوں سے جاری ہیں، آپریشن میں چھ فائر ٹینڈرز اور دو واٹر باؤزر حصہ لے رہے ہیں۔
فائر آفیسر نے بتایا کہ گودام کے اندر موجود آئل فلٹرز وقفے وقفے سے پھٹ رہے ہیں جس کے نتیجے میں شعلے دوبارہ بھڑک اٹھتے ہیں، یہی وجہ ہے کہ آگ مکمل طور پر قابو میں نہیں آ رہی۔
فائر بریگیڈ حکام کے مطابق ابتدائی طور پر شارٹ سرکٹ کو آگ لگنے کی وجہ قرار دیا جا رہا ہے، تاہم فائر ڈیپارٹمنٹ اور تکنیکی ماہرین کی ٹیمیں مکمل معائنہ اور تجزیہ کے بعد حتمی رپورٹ جاری کریں گی۔
فائر حکام کا کہنا ہے کہ خوش قسمتی سے کسی جانی نقصان کی اطلاع نہیں ملی، آگ بجھانے کی کارروائی تیز رفتاری سے جاری ہے اور قریبی علاقوں کو محفوظ بنانے کے لیے اضافی فائر ٹینڈرز کو الرٹ کر دیا گیا ہے۔
عمران سے نوازشریف کا کچھ لینا دینا نہیں، عرفان صدیقی، اڈیالہ جانے کی بات غلط، رانا ثناء