جمائمہ بیٹوں کو بھیجنے کو تیار نہیں، پی ٹی آئی کاحصہ کیسے بنیں گے؟ عظمیٰ بخاری کا سوال
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
لاہور: وزیر اطلاعات پنجاب عظمیٰ بخاری نے کہا ہے کہ اطلاعات ہیں کہ تحریک انصاف (پی ٹی آئی) کے بانی کے بیٹے اپنی والدہ کی اجازت نہ ملنے کے باعث پاکستان نہیں آ رہے اور اگر وہ پاکستان نہیں آتے تو تحریک کا حصہ کیسے بنیں گے؟ انہوں نے کہا کہ اس صورتحال سے پی ٹی آئی کی مجوزہ تحریک کو شدید دھچکا لگ سکتا ہے۔
پریس کانفرنس کرتے ہوئےعظمیٰ بخاری کا کہنا تھا کہ ہمیں اطلاعات ملی ہیں کہ بانی پی ٹی آئی کے بیٹے اپنی والدہ کی جانب سے پاکستان بھیجے جانے پر آمادہ نہیں اور اگر ایسا ہی رہا تو یہ ان کی تحریک کے لیے بہت بڑا سوالیہ نشان ہوگا۔
انہوں نے اس معاملے کو سیاسی حکمتِ عملی کے تناظر میں تشویشناک قرار دیتے ہوئے کہا کہ اگر بانی پی ٹی آئی اپنی ہی فیملی کو تحریک کا حصہ نہیں بنا پا رہے تو پھر ملک گیر عوامی تحریک کیسے چلے گی؟
عظمیٰ بخاری نے محرم الحرام کے احترام کا حوالہ دیتے ہوئے کہا کہ اس مقدس مہینے میں بھی ’’فتنہ گروپ‘‘ نے سیاسی انتشار پھیلانے سے گریز نہیں کیا، ان کا اشارہ پی ٹی آئی کی جانب سے آڈٹ رپورٹ پر اٹھائے گئے اعتراضات کی طرف تھا، محرم جیسے حساس مہینے میں بھی شور مچایا گیا حالانکہ یہ وقت احترام اور تحمل کا تھا۔
وزیر اطلاعات نے کہا کہ خیبرپختونخوا کی حکومت کی بدعنوانیاں آڈٹ رپورٹ کے ذریعے بے نقاب ہو چکی ہیں،فرح گوگی اور پنکی پیرنی کے ذریعے عوام کا پیسہ ہڑپ کیے جانے کے شواہد آڈٹ رپورٹ میں موجود ہیں،، خیبرپختونخوا کے وسائل کا غلط استعمال، بے قاعدگیاں، اور اختیارات کا ناجائز استعمال اس رپورٹ میں سامنے آیا ہے اور پی ٹی آئی قیادت اس پر عوام کی توجہ ہٹانے کی کوشش کر رہی ہے۔
عظمی بخاری نے کہا کہ سوات سانحے کی انکوائری رپورٹ تاحال سامنے نہیں آ سکی، جس سے حکومتی شفافیت اور کارکردگی پر سوالات اٹھ رہے ہیں،سوات میں درجنوں افراد کی جانیں گئیں مگر آج تک اس واقعے کی شفاف انکوائری اور رپورٹ منظرعام پر نہیں آئی، جو متاثرہ خاندانوں کے ساتھ زیادتی ہے اور حکومتی نظام کے لیے باعث شرمندگی بھی۔
عظمیٰ بخاری نے اپوزیشن جماعتوں، بالخصوص پی ٹی آئی کو مشورہ دیا کہ وہ ’’فتنہ انگیزی‘‘ چھوڑ کر سنجیدہ سیاسی کردار ادا کریں اور عوامی خدمت کو اپنی ترجیح بنائیں۔
.
ذریعہ
ذریعہ: Jasarat News
کلیدی لفظ: پی ٹی آئی کہا کہ نے کہا
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
پاکستان نے ورلڈ کپ 2028 کیلیے براہ راست کوالیفائی کر لیا