پاکستان میں ایک سال کے دوران کتنی گاڑیاں فروخت ہوئیں؟
اشاعت کی تاریخ: 11th, July 2025 GMT
ملک میں مہنگائی میں کمی، روپے کی قدر میں استحکام اور آٹو فنانسنگ کی دستیابی میں بہتری کے اثرات آٹو انڈسٹری پر نمایاں ہونے لگے۔ پاکستان آٹوموٹیو مینوفیکچررز ایسوسی ایشن (پاما) کے جاری کردہ اعداد و شمار کے مطابق گاڑیوں کی فروخت میں 30 فیصد تک اضافہ ریکارڈ کیا گیا ۔
رپورٹ کے مطابق گزشتہ مالی سال 25-2024 کے دوران گاڑیوں کی مجموعی فروخت 16 لاکھ 98 ہزار 790 یونٹس رہی، جبکہ مالی سال 24-2023میں یہ تعداد صرف 13 لاکھ 2 ہزار 79 یونٹس تھی۔
پاما کے مطابق جون 2025 میں ملک بھر میں مجموعی طور پر 1 لاکھ 63 ہزار 932 گاڑیاں فروخت ہوئیں، جن میں:
17,629 پسنجر کارز
4,114 وینز اور جیپس
21,773 الیکٹرک گاڑیاں
668 ٹرک
69 بسیں
2,791 ٹریکٹر
1,34,548 موٹرسائیکلیں
4,083 تھری وہیلرز شامل ہیں
تجزیہ کاروں کے مطابق گاڑیوں کی فروخت میں اضافہ عوامی خریداری کی بحالی، آٹو لون کی آسان دستیابی اور افراط زر میں کمی کے مثبت اثرات کو ظاہر کرتا ہے۔ خاص طور پر الیکٹرک گاڑیوں کی بڑھتی ہوئی مانگ ماحولیاتی شعور اور فیول بچت کی طرف عوامی رجحان کی عکاسی کرتی ہے۔
صنعتی ماہرین کا کہنا ہے کہ اگر مالیاتی اور پالیسی ساز ادارے موجودہ استحکام کو برقرار رکھتے ہیں تو آئندہ مہینوں میں یہ شرح مزید بہتر ہونے کی امید ہے، جو مقامی آٹو انڈسٹری کے لیے خوش آئند ہے۔
ذریعہ: Daily Mumtaz
پڑھیں:
40 ہزار مائنز ورکرز میں’ راشن کارڈ ‘ تقسیم، ہر مہینے کتنی رقم کا راشن لے سکتے ہیں؟
لاہور(نیوز ڈیسک) پنجاب حکومت نے مائنز ورکرز کی فلاح و بہبود کے ایک اور انقلابی اقدام کا آغاز کر دیا ہے، مریم نواز راشن کارڈ کی تقسیم، وزیراعلیٰ پنجاب مریم نواز کے ویژن کی عملی تعبیر، وزیر اعلیٰ پنجاب مریم نواز کی ہدایت پر محکمہ معدنیات میں مریم نواز راشن کارڈ تقسیم کرنے کی تقریب ہوئی، وزیر شیر علی گورچانی نے بطور مہمان خصوصی شرکت کی۔
اس موقع پر صوبائی وزیر معدنیات پنجاب سردار شیر علی خان گورچانی کا کہنا تھا کہ راشن کارڈ وزیراعلیٰ پنجاب محترمہ مریم نواز شریف کے ویژن کا عملی نمونہ ہیں، وزیر اعلٰی کی ہدایت پر محکمہ معدنیات کے 40 ہزار مزدوروں کو یہ کارڈ فراہم کیے جا رہے ہیں، مریم نواز راشن کارڈ کے ذریعے مستحق مزدور ہر ماہ 3 ہزار روپے تک راشن حاصل کر سکیں گے۔
وزیر معدنیات کا کہنا تھا کہ آنے والے سالوں میں اس رقم کو مزید بڑھایا جائے گا، وزیر اعلٰی پنجاب کا عزم ہے کہ محنت کش طبقے کو ہر ممکن ریلیف فراہم کیا جائے، وزیر اعلٰی پنجاب معاشرتی انصاف، وسائل کی منصفانہ تقسیم اور مزدوروں کی زندگی میں بہتری کو بھی یکساں اہمیت دیتی ہیں۔
شیر علی گورچانی نے کہا پنجاب اب صرف سڑکوں، پلوں اور عمارتوں تک محدود ترقی نہیں کر رہا، محکمہ معدنیات کے 40 ہزار مزدور آج اس حقیقت کا عملی مظاہرہ دیکھیں گے کہ پنجاب حکومت صرف وعدے نہیں، عمل کرتی ہے۔
یہ کارڈ مزدور کے لیے معاشی تحفظ کا ذریعہ ہے، راحت کا سامان ہے، اور ایک نئے پنجاب کی نوید ہے، مائنز ورکرز کو فنی تربیت دینے کیلئے پنجاب کے ہر ضلع میں ٹیکنیکل کالجز بنائے جائیں گے۔
آج جن مزدوروں کو مریم نواز راشن کارڈ دیا گیا ان میں سے زیادہ کا تعلق کے پی کے سے ہے، وزیر اعلٰی مریم نواز کیلئے تمام مزدور برابر ہیں خواہ وہ کسی بھی صوبے سے ہوں، ای آکش کے ذریعے اس سال محکمہ معدنیات نے ریکارڈ 30 ارب روپے ریونیو اکٹھا کیا۔
شیر علی گورچانی کا کہنا تھا کہ پنجاب کا محکمہ معدنیات باقی صوبوں کے کیلئے ماڈل محکمہ بن چکا ہے، تمام افسران کی شب و روز محنت سے محکمے کی عزت میں اضافہ ہوا۔
سیکرٹری معدنیات پرویز اقبال کا کہنا تھا کہ مائنز ورکرز کی فلاح کیلئے جو فنڈ پہلے 70 کروڑ روپے ہوتا تھا وہ وہ اب 3 ارب ہو چکا ہے، اس سال مائنز ورکرز کیلئے ڈیڑھ ارب روپے کا پیکج لایا گیا ہے۔
مائنز ورکرز کے ہونہار بچوں کو مفت لیپ ٹاپس، ای-بائیکس اور سکالرشپس مہیا کی جائیں گی، مائنز ورکرز کی فلاح کیلئے ایک ایک پیسہ ہمارے لئے امانت ہے، مائنز ورکرز کو ان کے حق کی فراہمی میں شفافیت اورمیرٹ کو ہر صورت یقینی بنایا جا رہا ہے۔
مزیدپڑھیں:یہ حکمران جب تک رہیں گے ہر لمحہ ملک پر بھاری ہے، شاہد خاقان
خواتین کی معاشی ترقی