حکومت کا چینی کی درآمد کا منصوبہ، ٹینڈر جمع کرانے کی آخری تاریخ 18 جولائی مقرر
اشاعت کی تاریخ: 11th, July 2025 GMT
حکومت پاکستان کے تحت قائم سرکاری ادارہ ٹریڈنگ کارپوریشن آف پاکستان یعنی ٹی سی پی نے بین الاقوامی سطح پر چینی کی درآمد کے لیے ٹینڈر جاری کر دیا ہے۔
میڈیا رپورٹس کے مطابق یورپی تجارتی ذرائع کا کہنا ہے کہ اس ٹینڈر کے تحت 3 لاکھ سے 5 لاکھ میٹرک ٹن چینی کی خریداری اور درآمد کا منصوبہ ہے، ٹینڈر کے مطابق، قیمتوں کی پیشکش جمع کروانے کی آخری تاریخ 18 جولائی مقرر کی گئی ہے۔
یہ بھی پڑھیں: سپریم کورٹ بار کا پیٹرولیم مصنوعات اور چینی کی قیمتوں میں اضافہ پر اظہارِ تشویش
واضح رہے کہ اس سے قبل 8 جولائی کو حکومت پاکستان نے چینی کی قیمتوں میں استحکام لانے کے لیے 5 لاکھ ٹن چینی درآمد کرنے کی منظوری دی تھی۔
تجزیہ کاروں کا کہنا ہے کہ ملک میں جنوری کے بعد سے ریٹیل سطح پر چینی کی قیمتوں میں نمایاں اضافہ دیکھنے میں آیا ہے، جس کے پیشِ نظر حکومت نے درآمدی اقدامات کا فیصلہ کیا ہے۔
چینی دنیا بھر کے مختلف ذرائع سے درآمد کی جائے گی اور یہ چینی پیک شدہ بوریوں میں ہونی چاہیے، ٹینڈر میں کم از کم 25 ہزار ٹن کی پیشکش کو قابل قبول قرار دیا گیا ہے۔
مزید پڑھیں:اسحاق ڈار کی زیرصدارت اجلاس، 5 لاکھ میٹرک ٹن چینی درآمد کرنے کا فیصلہ برقرار
تجارتی ذرائع کے مطابق، ٹی سی پی کو یہ اختیار حاصل ہوگا کہ وہ اعلان کردہ مقدار سے کم یا زیادہ خریداری کر سکے۔ چینی کی ترسیل مختلف کھیپوں کی صورت میں اگست سے شروع ہوگی، جبکہ تمام درآمد شدہ چینی 30 ستمبر تک پاکستان پہنچنا ضروری ہے۔
واضح رہے کہ حکومت نے مقامی سطح پر چینی کی قیمتوں میں استحکام اور معیاری و سستی چینی کی دستیابی کو یقینی بنانے کے لیے دو مراحل پر مشتمل درآمدی منصوبے کا اعلان کیا تھا، اس منصوبے کے تحت مجموعی طور پر 3 لاکھ 50 ہزار ٹن چینی ٹی سی پی کے ذریعے درآمد کی جائے گی۔
مزید پڑھیں: لاہور ہائیکورٹ نے شوگر ایڈوائزری بورڈ کو چینی کی قیمتیں مقرر کرنے سے روک دیا
یہ فیصلہ بدھ کے روز وزیر برائے قومی تحفظِ خوراک و تحقیق رانا تنویر حسین کی زیرِ صدارت شوگر امپورٹ اسٹیئرنگ کمیٹی کے اجلاس میں کیا گیا، اجلاس میں پہلے مرحلے میں 2 لاکھ ٹن چینی کے لیے ٹینڈر جاری کرنے کی منظوری دی گئی، جبکہ دوسرے مرحلے میں ایک ہفتے بعد مزید 1 لاکھ 50 ہزار ٹن چینی درآمد کرنے کے لیے ٹینڈر جاری کیا جائے گا۔
حکام کے مطابق، اس اقدام کا مقصد مقامی منڈی میں چینی کی قیمتوں کو قابو میں رکھنا اور عوام کو معیاری چینی مناسب نرخوں پر فراہم کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
25 ہزار ٹن ٹریڈنگ کارپوریشن آف پاکستان ٹی سی پی ٹینڈر چینی درآمد یورپ.
ذریعہ
ذریعہ: WE News
کلیدی لفظ: ٹریڈنگ کارپوریشن آف پاکستان ٹی سی پی ٹینڈر چینی یورپ چینی کی قیمتوں میں کے مطابق ٹی سی پی ٹن چینی کے لیے
پڑھیں:
حکومت نے پیٹرول اور ڈیزل مزید مہنگا کر دیا، نئی قیمتوں کا نوٹیفکیشن جاری
حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول کی قیمت میں 4 روپے 40 پیسے فی لیٹر اور ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کر دیا ہے۔ اس حوالے سے باضابطہ نوٹیفکیشن بھی جاری کر دیا گیا ہے۔
یہ بھی پڑھیں:پیٹرول مہنگا ہو تو موٹرسائیکل سوار متاثر نہیں ہوتے، مشیر خزانہ کے بیان پر شدید ردعمل
نوٹیفکیشن کے مطابق اضافے کے بعد پیٹرول کی نئی قیمت 331 روپے 52 پیسے فی لیٹر مقرر کر دی گئی ہے، جبکہ ہائی اسپیڈ ڈیزل کی قیمت میں بھی 3 روپے 62 پیسے فی لیٹر کا اضافہ کر دیا گیا ہے۔
نئی قیمتیں نافذجاری کردہ نوٹیفکیشن کے مطابق پیٹرولیم مصنوعات کی نئی قیمتوں کا اطلاق فوری طور پر کر دیا گیا ہے، جس کے بعد ملک بھر کے پیٹرول پمپوں پر صارفین کو نئی قیمتوں کے مطابق ادائیگی کرنا ہوگی۔
عوام پر مزید مالی دباؤ کا خدشہمعاشی ماہرین کے مطابق پیٹرول اور ڈیزل کی قیمتوں میں اضافے سے ٹرانسپورٹ کے اخراجات بڑھنے کا امکان ہے، جس کے نتیجے میں اشیائے خورونوش اور دیگر ضروری اشیا کی قیمتوں پر بھی دباؤ آ سکتا ہے۔
مزید پڑھیں:ایران جنگ کے اثرات: پیٹرول مہنگا، یورپ میں الیکٹرک گاڑیوں کی فروخت میں 51 فیصد اضافہ
ڈیزل کی قیمت میں اضافہ خاص طور پر مال بردار ٹرانسپورٹ اور زرعی شعبے کے اخراجات پر اثر انداز ہو سکتا ہے۔
حکومت ہر 15 روز بعد عالمی منڈی میں خام تیل کی قیمتوں، درآمدی لاگت، روپے کی قدر اور ٹیکسوں کی بنیاد پر پیٹرولیم مصنوعات کی قیمتوں کا جائزہ لیتی تھی لیکن اب روزانہ کی بنیاد پر یہ عمل جاری ہے۔
اسی جائزہ عمل کے تحت تازہ نوٹیفکیشن جاری کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کیا گیا ہے، جس کے بعد نئی قیمتیں ملک بھر میں نافذ العمل ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول پیٹرولیم مصنوعات درآمدی لاگت ڈیزل روپے کی قدر عالمی منڈی مہنگا
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار